Morgunblaðið - 11.01.2006, Side 20
20 MIÐVIKUDAGUR 11. JANÚAR 2006 MORGUNBLAÐIÐ
DAGLEGT LÍF Í JANÚAR
Þ
rjátíu starfsmenn Land-
véla ákváðu að slá af
hefðbundna árshátíð
hér heima, en halda
þess í stað til útlanda í
leit að ævintýrum. Þetta gera þeir
á tveggja ára fresti og hafa áður
m.a. sótt heim borgirnar Aber-
deen og Dublin. Það var búið að
plana eitt og annað fyrir brottför.
Meðal annars ætlaði mannskap-
urinn að upplifa ólífutínslu og ferð
til bæjarins Bled, sem stendur við
samnefnt vatn í ægifögru um-
hverfi, var sömuleiðis mjög of-
arlega á óskalistanum. Hætta varð
við bæði þessi ævintýri sökum
snjókomu, sem náði mönnum upp
að hnjám þegar vaknað var að
morgni ferðadags.
Og þar sem aðeins einn snjó-
troðari var til í héraðinu, þótti ein-
sýnt að ferðin tækist bæði seint
og illa. Það var því lán í óláni að
uppgötva flotta verslunarparadís í
Ljubljana, segir Rannveig Hreins-
dóttir, matselja hjá Landvélum.
„Ég var ekkert farin að spá í
verslun þarna, en svo datt maður
barasta inn í þessar flottu búðir í
Ljubljana, höfuðborg Slóveníu, að
leitun er á öðru eins. Verðlagið
var að sama skapi hlægilegt, en
mér skilst að Slóvenar ætli að
taka upp evruna eftir eitt ár og þá
má búast við verðhækkunum á
vörum, eins og reynslan hefur
sýnt annars staðar þar sem evran
hefur verið tekin upp.“
Vinaleg og þægileg smáborg
Hópurinn flaug til Ljubljana í
beinu leiguflugi Heimsferða og
var dvalið ytra í þrjá sólarhringa,
frá fimmtudegi til sunnudags, í lok
nóvember.
Auk verslunartúra, var farið í
skipulagða skoðunarferð um borg-
ina. „Við skoðuðum m.a. frægar
byggingar, sem allar eru eftir
sama arkitektinn, Prestnik að
nafni, og ægifagra dómkirkju þar
sem hvorki vantaði gull né ger-
semar.
Borgin virkaði vel á okkur og er
rosalega falleg. Hún er þægileg og
vinaleg. Það er hægt að fara fót-
gangandi í allar áttir enda er hún
tiltölulega smá. Elsti hluti borg-
arinnar er byggður út frá kastala,
sem reistur var fyrir meira en
þúsund árum. Frá honum liggur
hverfi með gömlum vinalegum
húsum og þröngum steinlögðum
strætum, sem liggja að Ljubljan-
ica-fljóti.
Umferð er lítil og allt er með ró
og spekt. Íbúarnir virðast þó vera
mjög duglegir því allt vaknar til
lífsins klukkan sex á morgnana og
gaman er að rölta um markaðinn í
miðborginni.“
Borgin virðist og státa af fjöl-
breyttu menningarlífi því þar er
háskólasetur, sinfóníuhljómsveit,
ópera, leikhús, söfn og gallerí.
Stærsta verslunarmoll Evrópu
Auk fjölmargra lítilla sérversl-
ana, sem er að finna í borginni,
státar borgin af BTC-verslunar-
mollinu, sem gestum er sagt að sé
stærsta moll Evrópu. Mollið sam-
anstendur af átta verslunarhúsum
og þarna er hægt að detta inn í öll
fínustu vörumerkin ásamt HM,
Marks og Spencer og fjölmörgum
öðrum verslunarkeðjum, að sögn
Rannveigar. „Skóbúðirnar reynd-
ust heldur ekki af verri endanum.
Mér tókst að burðast heim með
sjö pör af skóm, en tek það fram
að ég var ekki sú stórtækasta í
hópnum.“
Vinnufélagarnir vönduðu valið
þegar kom að veitingahúsum og
mælir Rannveig sérstaklega með
tveimur stöðum, sem báðir eru í
miðborginni.
Annar er mexíkóskur og heitir
Cantina Mexicana og hinn er með
fjölbreyttan matseðil, allt frá
pastaréttum og upp í villibráð, og
heitir Zlata Ribica.
Þar sem að Bled-ferðin brást að
þessu sinni ætlar Rannveig að
gera aðra tilraun í sumar því hún
stefnir í sumarfríinu á ferð til
Portoroz. „Þaðan kemst ég von-
andi til Bled, sem ég er harð-
ákveðin í að heimsækja. Varla
snjóar á þessum slóðum í ágúst-
byrjun.“
FERÐALÖG | Snjókoma olli breyttu ferðamynstri
Rannveig Hreinsdóttir, matselja hjá Landvélum, í hópi annarra starfsmanna. Starfsfólkið hjá Landvélum naut leiðsagnar er það skoðaði sig um í borginni .
Verslunarparadísin Ljubljana
Rannveig Hreinsdóttir, matselja hjá Landvélum,
var á leið í ólífutínslu í Bled en lenti í búðarápi í
Ljubljana. Jóhanna Ingvarsdóttir forvitnaðist um
árshátíðarferð Landvéla til Slóveníu.
Zlata Ribica
Cankarjevo Nabrezje 5–7
Ljubljana
Sími: 386-1-24-12-680
Netfang:zlata.ribica@gpl.si
Cantina Mexicana
Sími: 01-426-9325.
join@mbl.is
Ljubljanica-áin var lífæð borgarinnar hér áður fyrr, bæði hvað varðaði
flutninga og til fæðuöflunar, því þá var mikill fiskur í ánni.
GÆLUDÝR geta orðið of feit rétt eins og eig-
endur þeirra. Matarveislur um jól og áramót
ná oft líka til dýranna, þau fá sparimat og
dýrasælgæti og línurnar aflagast. Á heilsuvef
MSNBC er fjallað um gæludýr og offitu og
mikilvægi hreyfingar, t.d. fyrir hunda og
ketti.
Flestir hundar þurfa daglega hreyfingu og
sumir þurfa að fara út oft á dag. Þeir hafa líka
gaman af að leika við eigendur sína, t.d. sækja
hluti sem kastað er. Kettir geta leikið sér
endalaust með leikföng með líkani af mús eða
fugli á endanum ef hinu raunverulega er ekki
fyrir að fara.
Ekki eru allir kettir útikettir og fyrir inni-
kettina gæti verið góð lausn að setja upp sér-
stakt svæði þar sem kötturinn getur klifrað og
leikið sér frjálst. Fram kemur að gæludýra-
eigendur ættu að ráðfæra sig við dýralækni til
að athuga hversu mikið dýrin mega borða.
Þau ráða yfirleitt ekki við að ákveða það sjálf.
Ekki í skyndimegrun
Dýr hafa ekki gott af skyndimegrun, sér-
staklega ekki kettir sem þannig geta þróað
með sér ýmsa sjúkdóma. Hægt og sígandi
þyngdartap er heppilegra. Einnig getur verið
heppilegt að láta gæludýrin finna matinn sinn
sjálf, þ.e. nokkurs konar veiðar. Hægt er að
láta þurrkaðan mat hér og þar um húsið til að
láta dýrin hafa fyrir því að finna yfir daginn.
Dýrin eru ekki alltaf að biðja um mat þegar
þau nudda sér upp við eigendur sína, oft er
það bara athygli sem þau vilja. Ekki er rétta
leiðin að gefa þeim alltaf snakkbita eða sæt-
indi, að því er fram kemur á MSNBC.
Línurnar í lag fyrir
fjölskylduvininn
GÆLUDÝR
Morgunblaðið/Eggert
Líka þarf að huga að hreyfingu og mataræði gæludýranna.