Morgunblaðið - 11.01.2006, Síða 10
10 MIÐVIKUDAGUR 11. JANÚAR 2006 MORGUNBLAÐIÐ
FRÉTTIR
Sérfræðingar
Deloitte á
Skattadeginum
Reynsla Dana
af íslenskum
fjárfestum
á morgun
„VIÐ erum ekki búnir að finna
loðnustofninn, sem er týndur, en
við náðum þó að klófesta eina sem
við fundum í maga þorsks sem við
veiddum. Kannski var þetta síld
en við viljum trúa því að þetta hafi
verið loðna,“ sagði Kristófer
Bjarnason skipstjóri á netabátnum
Sigrúnu AK 17 í léttum tón í gær
er hann var að landa í gær í Akra-
neshöfn ásamt hásetunum Gísla
Hallbjörnssyni og Inga Þór
Bjarnasyni.
„Það var bara kropp hjá okkur í
þessum túr, en við fengum nær
eingöngu stóran þorsk og eitthvað
af ýsu og þetta er ágætis byrjun á
árinu,“ bætti Kristófer við en
hann segir að flestir bátar á Akra-
nesi séu á sjó þessa dagana, á línu
eða að draga net, en þó eigi eftir
að bætast í hópinn. Sjómenn á
Akranesi hafa áhyggjur af loðn-
unni og telja að ástandið verði
slæmt verði hrun í þeim stofni. Og
er greinlegt að þorskurinn fær
ekki nægt æti því dæmi eru um að
smáfiskur finnist í maga stórra
þorska – og ætið því ekki mikið
fyrir þorskinn.
Ellismellir á Sigrúnu AK
„Við köllum okkur ellismellina á
Sigrúnu enda erum við allir komn-
ir á sjötugsaldurinn en við kvört-
um ekki.“ Kristófer segir að það
sé rétt að Sigrún sé ávallt á meðal
fyrstu báta í land eftir róðurinn
en það sé enn ekki hægt að stilla
klukkuna eftir henni líkt og marg-
ir gerðu með Akraborgina á árum
áður.
„Við förum alltaf snemma út á
sjó, ekki mikið seinna en kl. 6 að
morgni, og komum síðan um há-
degi í land, en þrátt fyrir að við
séum á gömlu Akraborgarbryggj-
unni að landa þá erum við ekki
eins stundvísir og hún var,“ segir
Kristófer en skipverjar hlustuðu á
hádegisfréttir Ríkisútvarpsins á
meðan þeir lönduðu og glumdi vel
í útvarpinu á meðan fluttar voru
fréttir af loðnuleit.
Kristófer sagði að kuldinn væri
helsti óvinur sjómanna á þessum
árstíma og kastaði um leið nokkr-
um rauðmögum á milli kera upp á
bryggjunni. „Fisksalarnir eiga eft-
ir að slást um þessa fáu fiska enda
eru allir að borða fisk í byrjun árs
eftir allt kjötátið um hátíðirnar.“
Allur afli Sigrúnar fer beint á
markað og segir Kristófer að hann
sé ekki sáttur við það verð sem
sjómenn fái fyrir aflann. „Hátt
gengi íslensku krónunnar fer illa
með okkur enda fáum við mun
minna fyrir okkar vinnu í dag en
áður. Vonandi fer þetta að lagast
en við höldum áfram og vonum
það besta,“ sagði Kristófer.
Ólíkt því sem áður var
Valentínus Ólason hafnsögu-
maður á Akranesi segir að afli
hafi ekki verið mikill það sem af
er nýju ári og kennir hann um
brælu sem hefur staðið yfir með
jöfnu millibili frá því í desember.
„Nokkrir bátar eiga enn eftir að
gera sig klára fyrir vertíðina, en
það er ekki hægt að bera upphaf
vertíðar í dag við það sem var og
hét fyrir tveimur áratugum eða
svo. Í dag eru bátarnir miklu
færri, en eru kannski að veiða
svipað magn á minni bátum og
með færri í áhöfn. Tæknin hefur
hjálpað mönnum við veiðarnar og
hlutir eins og flotteinar og sjálf-
virk spil gera veiðarnar mun auð-
veldari en áður,“ segir Valentínus.
Hann vonar að sjómenn fái að
upplifa „skot“ eins og í mars í
fyrra. „Þá komu bátarnir með full-
fermi í land og fóru út aftur til
þess að draga meira þar sem þeir
komu ekki öllum aflanum í land í
einni ferð. Ástandið á því eftir að
lagast heilmikið að ég held,“ bætti
Valentínus við.
Morgunblaðið/Sigurður Elvar
Gísli Hallbjörnsson, Ingi Þór Bjarnason og Kristófer Bjarnason hafa kló-
fest eina loðnu það sem af er, en hún fannst í maga þorsks.
Ágætis byrjun á árinu
Eftir Sigurð Elvar Þórólfsson
seth@mbl.is
Ekki eins stundvísir og Akraborgin, segja
kallarnir á Sigrúnu AK sem róa frá Akranesi