Blanda - 01.01.1932, Page 56
50
má vel vera, aÖ þær hafi verið í afskript séra Narfa,
er ritari 852 4to hafi haft fyrir sér. — Lækningakver
séra Narfa, er Jón í NjarÖvík getur um, mun vera
handrit það, sem nú er í safni Bókmenntafélagsins
115 4to i Lbs. í afskript frá 19. öld, og stendur á
titilblaðinu: „Lækningar. Author (þ. e. höfundur)
séra Narfi Guðmundsson að Möðrudal á Fjöllum.“
Kver þetta, sem er 33 blöð (66 bls.) hefur átt Brynj-
ólfur Evertsson Wíum, og eystra hefur það verið.
Auðvitað hefur séra Narfi samið lækningakver þetta
eptir útlendum lækningabókum þeirra tíma, enda eru
þar svipaðar hégiljur í lækningaráðunum, eins og þá
tiðkaðist. — í öðru handriti nr. 216 4to bl. 6 í bók-
menntafélagssafninu eru nokkur læknisráð um hreins-
un sára og er hið síðasta svolátandi: „Mold er i
Möðrudal upp í ánni, góðan spöl fyrir ofan bæinn
vð bakkann niður við grunninn fyrir norðan fram,
lítur út sem grænn mór, vot, en verður drifhvít og
létt; hún er frábær etc. Séra Narfi Guðmundsson."
Þetta er því beinlínis eptir séra Narfa, en mun tæp-
ast vera eigin hönd hans. Hinsvegar er eiginhandar-
rit hans í safni bókmenntafélagsins 443 8vo. Er það
afskript frá 1679 af Jónsbók. Segir á titilblaðinu,
sem er ritað miklu síðar (1759), að þessi bók sé „upp-
skrifuð Anno 1679 af þeim vellærða og nafnfræga
kennimanni sáluga séra Narfa Guðmundssyni.“ Hef-
ur séra Narfi verið góður ritari. Fleira er mér ekki
kunnugt af ritverkum hans. Að vísu er honum í ýms-
um handritum eignuð vísan „Komið er kveld og
húmar,“ er hann hafi átt að yrkja 1705(!) eða verið
kveðin fyrir honum í svefni nokkrum árum fyrir
stórubólu, eptir því sem sumsstaðar segir. Getur og
vel verið, að vísan sé eptir séra Narfa, en ártalið
(1705) er að minnsta kosti rangt, því að þá var séra
Narfi látinn fyrir 3—5 árum.