Tímarit lögfræðinga - 01.10.1984, Qupperneq 10

GUÐBRANDUR ÍSBERG
Guðbrandur ísberg, fyrrum sýslumaður Húna-
vatnssýslu og fyrrum þingmaður Akureyringa,
lést á Blönduósi 13. janúar 1984 í hárri elli, en
hann var fæddur 28. maí 1893. Guðbrandur var
Dalamaður að uppruna, fæddur í Snóksdal,
þar sem faðir hans, Magnús Kristjánsson, var
bóndi. Móðir hans hét Guðrún Gísladóttir. Fram-
ættir Guðbrands voru í Borgarfirði og Húna-
þingi. Ekki naut Guðþrandur lengi foreldra
sinna, þvf að þau voru bæði látin áður en hann
varð sjö ára. Hann tók snemma að sjá sér sjálf-
ur farborða, og af miklum dugnaði braust hann
til mennta og lauk stúdentsprófi 1916. Eftir það
lá leiðin til Kaupmannahafnar, þar sem hann
var við hagfræðinám og skrifstofustörf um
þriggja ára skeið. Lagaprófi lauk hann 1923
eftir 4 ára nám. Fluttist hann þá norður og var málflutningsmaður á Akureyri,
en jafnframt þóndi á Möðrufelli og síðar á nýbýlinu Litla-Hvammi. Hann var
bæjarfógetafulltrúi á Akureyri 1931-2, en varð þá sýslumaður í Húnavatns-
sýslu. Fluttist hann þá til Blönduóss og bjó þar alla tíð síðan. Auk sýslu-
mannsstarfa sinnti Guðbrandur búskap, einkum hrossarækt. Hafði hann tún
við Blönduós og stofnaði nýbýlið Laxárholt í Ásum. Hann lét af embætti 1960,
en vann þó ýmis lögfræðistörf eftir það, meðan kraftar entust. Af öðrum störf-
um hans er t.d. að geta þess, að hann var formaður nefndar þeirrar, sem stóð
fyrir byggingu héraðshælisins á Blönduósi og bar jafnan hag þess fyrir brjósti.
Guðbrandur kvæntist sumarið 1920 Árnínu Jónsdóttur frá Möðrufelli. Þau
eignuðust 9 börn. Meðal þeirra eru lögfræðingarnir Jón sýslumaður og Ari
bankalögfræðingur. Árnína lést árið 1941, meðan mörg barna þeirra voru í
æsku. Sú, er þetta ritar, var þá þarn að aldri, aðeins 11 ára. Mjög er mér
minnisstætt, hvaða áhrif Nína, en svo var hún jafnan kölluð, hafði er þau
hjón komu í heimsókn til foreldra minna. í fari hennar man ég fyrst og fremst
blíðu og hlýju. Foreldrar mínir höfðu sérstaklega á orði, hve hjónaband Guð-
brands og Nínu hefði verið fagurt og gott. Bæði voru einstaklega barngóð.
Þess munu barnabörn þeirra hafa notið í ríkum mæli, er Guðbrandur var
heimilisfastur hjá Jóni syni sínum, sýslumanni á Blönduósi, og Þórhildi konu
hans. Var ánægja að kynnast því mörgum árum síðar, hvernig Þórhildur stóð
fyrir barnmörgu búi rétt eins og Árnína tengdamóðir hennar hafði gert. Ekki
var annað að sjá en að gleði af samvistum við hina ungu kynslóð væri enn sem
fyrr ríkur þáttur í fari hins aldna Ijúfmennis.
Guðbrandur ísberg var áhugamaður um stjórnmál, og var hann kosinn al-
þingismaður fyrir Akureyri 1931 og endurkosinn 1934. Miklar sviptingar voru
í stjórnmálum í höfuðstað Norðurlands á þessum árum. Guðbrandur, sem alla
tíð var sjálfstæðismaður, sigraði örugglega 1931 með 598 atkvæðum, en
næstur varð Einar Olgeirsson úr Kommúnistaflokknum og fékk 434 atkvæði.
64