Tímarit lögfræðinga - 01.12.1985, Page 70

málsaðila, fimmti um andmælarétt, sjötti um rökstuðning stjórnvaldsákvarð-
ana o.fl., sjöundi um kæruleiðbeiningar, áttundi um þagnarskyldu stjórn-
valda o.fl. og í níunda kafla eru gildistökuákvæði. Lögin taka til allrar hinn-
ar opinberu stjórnsýslu, þ.m.t. sveitarstjórna, þó þannig að ákvæði sjötta
kafla og 19. og 20. gr. um andmælarétt taka ekki gildi gagnvart þeim fyrr en
1. janúar 1989.
Upplýsingalögin eru 18 greinar í 5 köflum og með þeim eru felld úr gildi
fyrri lög nr. 280 10. júní 1970. Fyrsti kaflinn er um almennt gildissvið lag-
anna, annar um rétt til aðgangs að gögnum í stjórnsýslunni og þriðji um
undantekningar frá þeim rétti, fjórði kafli geymir reglur um meðferð krafna
um aðgang að gögnum og um ákvörðun stjórnvalda í þeim efnum og loks
eru gildistökuákvæði o.fl. í fimmta kafla.
í hvorum tveggja lögunum er heimild til að veita þeim lagagildi í Færeyj-
um og á Grænlandi, eftir þv( sem við getur átt. Auk þess getur viðkomandi
ráðherra í samráði við dómsmálaráðherra ákveðið að lögin I heild eða ein-
stök ákvæði þeirra gildi um tiltekin félög, stofnanir og samtök, sem ekki
verða felld beint undir hina opinberu stjórnsýslu, enda beri ríki eða sveit-
arfélag að meginmarki kostnað af starfseminni eða þeim hafi verið fengin
heimild til ákvarðanatöku fyrir hönd hins opinbera.
Að lokum skal bent á greinar I 3. hefti Tlmarits lögfræðinga árið 1980 er
varða efni sem lögin taka til.
Björn Þ. Guðmundsson
276