Tímarit lögfræðinga - 01.10.1991, Síða 3

TIMARIT ’-w
LÖGFRÆÐINGA
3. HEFTI 41. ÁRGANGUR OKTÓBER 1991
DÓMARAFÉLAG ÍSLANDS 50 ÁRA
Þann 10. október 1991 verður Dómarafélag íslands 50 ára. Það er ánægjuefni
að fá tækifæri til þess að fylgja úr hlaði því hefti Tímarits lögfræðinga sem helgað
er sögu þess.
Þegar núverandi stjórn félagsins fór að huga að gögnum félagsins varð hún
þess áskynja að ritun sögu þess hafði verið á dagskrá alllengi eða í 25 ár. Taldi
stjórnin við hæfi að hrinda í framkvæmd áformum um söguritunina við þessi
tímamót. Þegar svipast var um eftir söguritara var sú leið farin að leita út fyrir
raðir félagsmanna. Að ráði varð að Davíð Þór Björgvinsson lektor tæki verkið
að sér. Það er mat stjórnarinnar að honum hafi farist það vel úr hendi.
Hugmynd stjórnarinnar var upphaflega sú að gefa út sögu félagsins í sérstöku
afmælisriti sem hefði einnig að geyma greinar eftir kunna fræðimenn á sviði
lögfræðinnar. Úr því varð ekki vegna mikils kostnaðar sem óhjákvæmilega fylgir
slíkri útgáfu. Því hefði orðið erfitt um vik hefði félagið ekki notið velvildar
stjórnar Lögfræðingafélags íslands sem samþykkti að helga afmælinu eitt hefti
tímaritsins. Kann stjórnin Lögfræðingafélaginu bestu þakkir fyrir þessa afmælis-
gjöf-
Þegar saga Dómarafélags íslands er skoðuð má sjá að í starfsemi félagsins eru
ákveðin kaflaskipti eða starfsskeið og að mismunandi áhersluatriði hafa fylgt
hverju skeiði. Er ekki ástæða til þess að rekja það nánar hér.
Á aðalfundi Dómarafélags íslands haustið 1990 var stjórn þess falið í samráði
við stjórn Sýslumannafélags íslands og stjórn Dómarafélags Reykjavíkur að
gera drög að breytingum á lögum félagsins vegna gildistöku laga um aðskilnað
dómsvalds og umboðsvalds í héraði og áhrifa þeirra breytinga á starfsemi
félagsins. Þegar þetta er ritað hefur stjórnin samþykkt drög að lagabreytingum
sem lögð verða fyrir næsta aðalfund. Nái þær fram að ganga munu verða enn ein
kaflaskipti og sennilega þau afdrifaríkustu í sögu félagsins til þessa. Það sem
10
161