Tímarit lögfræðinga - 01.10.1991, Blaðsíða 41

ins og eflaust bæjarfógetaembættunum líka.“59 Þá má nefna hér að á aðalfundi
1980 voru í fyrsta sinn erlendir gestir, þeir dr. Curt Olsson forseti Hæstaréttar
Finnlands og Svend Aage Christensen, formaður danska dómarafélagsins.
Flutti sá fyrrnefndi m.a. fyrirlestur um skipan dómstóla í Finnlandi.60 Fyrirlestr-
ar af þessu tagi hafa allt til dagsins í dag verið fastir liðir á aðalfundum félagsins.
Strax á fyrsta starfsári stjórnarinnar sem kosin var á aðalfundi 1977 var
bryddað upp á nýjung í starfsemi félagsins sem síðan hefur verið fastur og
mikilvægur liður í starfsemi þess. Hér var um að ræða sérstakt málþing um
dómasamningu sem haldið var 15. apríl 1978. Var málþingið haldið í félagsheim-
ilinu Stapa og tóku 53 félagsmenn þátt í því. í skýrslu stjórnarinnar fyrir
starfsárið 1977-1978 segir að stjórnin hafi verið ánægð með reynsluna af þessari
nýbreytni og að hún hafi markað sér þá stefnu að efna a.m.k. til eins málþings á
hverju vori, þar sem fjallað væri um valin efni í réttarfari eða á öðrum sviðum
sem sérstaklega varða dómara. Stjórnin stóð við þessi fyrirheit og um vorið árið
eftir var haldið annað málþing um dómstólaskipan landsins og hugmyndir um
breytingar á henni. Aðalræðumaður á því málþingi var Mogens Hornslet dómari
í Östre Landsret í Danmörku, sem kom til landsins í boði félagsins. Þetta var í
fyrsta skipti sem félagið bauð til sín dómara frá öðru landi gagngert til
fyrirlestrahalds. Þátttaka á málþinginu var ágæt og þótti það takast vel. Seinna á
árinu, nánar tiltekið í nóvember, var haldin sérstök námstefna á vegum félagsins
við allgóðar undirtektir félagsmanna. Viðfangsefnið þar var „stjórnun og
rekstur dómaraembætta.“62 Á aðalfundi 1981 var enn bryddað upp á nýjungum.
Þá var haldin sérstök námstefna um meðferð einkamála í héraði í tengslum við
aðalfundinn. Námstefnan var haldin í samvinnu Lögfræðingafélags íslands,
Dómarafélags íslands og Lögmannafélags íslands. Tilefni námstefnunnar að
þessu sinni voru breytingar á lögum um meðferð einkamála í héraði nr. 85/1936
með lögum nr. 28/1981. Námstefnan stóð í tvo daga. Málþing og námstefnur af
þessu tagi hafa síðan verið fastur liður í starfsemi félagsins og afar mikilvægur.63
59 Sjá fundargerð 1979, s. 9.
60 Sjá fundagerð 1980, s. 4.
61 Sjá skýrslu fyrir starfsárið 1977 - 1978, s. 2.
62 Sjá skýrslu stjórnar fyrir starfsárið 1978 - 1979, s. 3 - 4.
63 Málþingin eru sem hér segir: 9. maí 1981, málþing f samvinnu við Lögmannafélag íslands haldið í
Valhöll á Þingvöllum. Þar var rætt um samskipti Iögmanna og rannsóknarlögreglu, aðstöðu
lögmanna við dómaraembættin og ákvörðun málskostnaðar. 5. júní 1982, málþing í Borgarnesi um
meðferð opinberra mála. 4. júní 1983, málþing í Valhöll á Þingvöllum í samvinnu við Lögmannafé-
lag fslands um lögin og verðbólguna. Árið 1984 tókst ekki að halda málþingið um vorið, en þess í
stað var það tengt við aðalfund félagsins í nóvember það ár. Fjallaði málþingið um sifjaréttarleg
málefni. 18. maí 1985, málþing í Valhöll á Þingvöllum í samvinnu við Lögmannafélag íslands um
málsforræði og kröfur í dómsmálum. 12. mars 1988, haldinn sérstakur fundur Dómarafélags íslands
og Lögmannafélagsins á Hótel Sögu í Reykjsvík um gæsluvarðhald. 3. júní 1989, málþing í samvinnu
við Lögmannafélag íslands í Fólkvangi á Kjalarnesi um breytingar á lögum um meðferð einkamála í
héraði sem urðu að lögum nr. 54/1988.
199