Tímarit lögfræðinga - 01.10.1991, Side 7
1. INNGANGUR
Við undirbúning 25 ára afmælis Dómarafélags íslands árið 1966 kom fyrst
fram hugmyndin að því að skrifa sögu félagsins. Henni var fyrst hreyft af
þáverandi formanni Hákoni Guðmundssyni og hefur verið all oft á dagskrá
síðan.1 Segir Hákon að Jóhann Gunnar Ólafsson, einn af stofnendum félagsins,
hafi verið fenginn til að skrá 25 ára sögu þess og að ætlunin sé að birta hana í
Tímariti lögfræðinga. Ekki varð þó úr því að sagan væri rituð í þetta skipti. Aftur
var reynt að fá Jóhann Gunnar til verksins um það leyti sem félagið varð 30 ára.
Tók hann heldur dræmt í það þá og bar því við að verkið væri torsótt vegna
heimildaskorts, enda væru nokkrar fundargerðir glataðar.2 Lá þetta mál nú niðri
um nokkurt skeið, eða þar til Ármann Snævarr tók við formennsku í félaginu
árið 1977. ískýrslu stjórnarfyrir starfsárið 1977-1978 errætt umnauðsyn þess að
skrá sögu félagsins og að rétt væri að koma á fót ritnefnd og ráða menn til
ritstarfa hið fyrsta. Par segir ennfremur að verkið sé ýmsum erfiðleikum bundið
þar sem ýmis veigamikil gögn séu glötuð, þ.á m. fyrsta gerðabók félagsins.3
Síðan segir að stjórnin hafi þó fyrir sitt leyti ákveðið að gangast fyrir því að sagan
verði rituð fyrir 40 ára afmæli félagsins árið 1981, eftir þeim heimildum sem
tiltækilegar séu. Á stjórnarfundi í nóvember 1978 var í þessu skyni skipuð
sérstök nefnd til að undirbúa söguritunina.5 Aftur er saga félagsins á dagskrá í
skýrslu stjórnar fyrir starfsárið 1979-1980. Þar kemur enn fram sá vilji að skrá
sögu félagsins í tilefni af 40 ára afmæli þess.6 í skýrslu um starfsemi félagsins
starfsárið 1980-1981 er málið eina ferðina enn tekið upp. Þar segir að hugmyndir
um samningu draga til sögu félagsins hafi reynst örðugar í framkvæmd, en þó
hafi nokkur undirbúningsvinna verið unnin og muni því starfi verða haldið
áfram.7 Þrátt fyrir góðan vilja og áhuga varð þó ekki af því að sagan yrði rituð í
tilefni af 40 ára afmælinu. Það var síðan í febrúar síðastliðnum að núverandi
formaður félagsins, Valtýr Sigurðsson borgarfógeti, fór þess að leit við þann sem
þetta ritar að hann tæki saman þætti úr sögu félagsins í tilefni af 50 ára afmæli
þess.
Eftir að hafa athugað tiltæk gögn félagsins frá fyrstu árum starfsemi þess sýnist
mér að erfiðleikar á ritun sögu félagsins vegna heimildaskorts hafi verið nokkuð
ýktir. Frá stofnun félagsins 1941 til 1964 voru aðalfundir aðeins haldnir
annaðhvert ár. Gerðabók félagsins frá stofnun þess til ársins 1949 er að vísu
glötuð, en tiltækar eru útskriftir af 3 aðalfundargerðum af 5 á þessu tímabili. Ein
1 Hákon Guðmundsson: „Frá Dómarafélagi fslands,-' Tímaril lögfræðinga 1966 (16), s. 107.
2 Gerðabók Dómarafélags íslands okt. 1971 - 1983, s. 2.
3 Sama heimild, s. 9.
4 Skýrsla stjórnar fyrir starfsárið 1977 - 1978, s. 5.
5 Skýrsla stjórnar fyrir starfsárið 1978 - 1979, s. 5.
6 Skýrsla stjórnar fyrir starfsárið 1979 - 1980, s. 7.
7 Skýrsla stjórnar fyrir starfsárið 1980 - 1981, s. 11.
165