Tímarit lögfræðinga - 01.10.1991, Síða 54

Á VÍÐ OG DREIF
Þann 29. apríl 1987 veitti Hamborgarháskóli Gunnari Jónssyni lögfræöingi
doktorsnafnbót í lögum - Doktor der Rechtswissenschaft - Doctor juris - fyrir
ritgerð um skóggang og fjörbaugsgarð. Ritgerðin var skrifuð undir handleiðslu
dr. Götz Landwehr prófessors og nefnist „Die Friedlosigkeit (Waldgang und
Lebensringzaun) in alteren islándischen Recht. - Verfahren, Erscheinungs-
formen und Strafgrunde der Friedloslegung nach der Graugans und in den
Sagas
Dr. Gunnar er fæddur í Reykjavík 18. febrúar 1943, sonur hjónanna
Matthildar Árnadóttur og Jóns múrarameistara Gíslasonar. Hann lauk
stúdentsprófi frá Menntaskólanum í Reykjavík 1963, B.A.-prófi í frönsku og
sagnfræði 1967, og síðan prófi í uppeldis- sálar- og kennslufræði frá Háskóla
íslands, embættisprófi í lögum frá Iagadeild Háskóla íslands 1970 og B.A.-prófi
í spænsku og rússnesku 1988. Hann hóf málflutningsstörf í Reykjavík 1970 - hdl.
1972 - en hefur síðan, auk málflutningsstarfa, gegnt kennslustörfum, unnið að
skjalaþýðingum - löggiltur skjalaþýðandi og dómtúlkur í frönsku 1970 - og
fengist við byggingastarfsemi. Hann hefur réttindi sem flugmaður og loftskeyta-
maður og hefur fengist við bókaþýðingar og stjórnmálasögu. Hann var við
framhaldsnám við Hamborgarháskóla 1982 til 1983 en hefur stundað bygginga-
vinnu og sjómennsku síðan 1988.
212