Tímarit lögfræðinga - 01.10.1991, Síða 20
stofnun lögfræðingasambands, útgáfu tímarits um lögfræðileg efni og mögulegt
samstarf við Lögmannafélagið í því efni, útgáfu lagasafns og fleiri fagleg efni. Þá
urðu nokkrar umræður um almenn málefni þjóðfélagsins. Segir m.a. í fundar-
gerðinni að Sigurður Eggerz hafi rætt nokkuð um ástandsmálið. „Taldi hann
nauðsyn til bera að sýslumenn og bæjarfógetar bindust samtökum um það að
opna augu þjóðarinnar fyrir hættum þeim sem yfir vofa í þessu efni og vera á
verði um þjóðerni og innra sjálfstæði þjóðarinnar.“ Nokkrar umræður urðu um
ástandsmálið og „tóku allir fundarmenn í sama streng.“24 Sést af þessu að
sýslumenn og bæjarfógetar höfðu ekki síður áhyggjur af ástandinu en aðrir.
Á næstu árum eftir félagsstofnunina voru ýmis hagsmuna- og kjaramál mest
áberandi á fundum félagsins, þótt ekki væru það einu málin sem rædd voru.
Fyrirferðarmest á hinum fyrstu árum voru samskipti sýslumanna við Trygginga-
stofnun ríkisins. Sýslumenn og bæjarfógetar höfðu með höndum margs konar
umboðsstörf fyrir Tryggingastofnun ríkisins, svo sem að halda skrá yfir trygg-
ingaskylda einstaklinga, útfylla og afhenda tryggingarskírteini, taka á móti
umsóknum um bætur og afgreiða þær eftir fyrirmælum Tryggingastofnunar,
innheimta framlög sveitarfélaga o.fl. Var á mörgum fundum fjallað um samn-
inga við Tryggingastofnun um þóknun fyrir þessi störf. Árið 1946 gerði stjórn
félagsins, f.h. félagsmanna, samning við Tryggingastofnun um umboðsstörfin.
Á öllum aðalfundum næstu árin var þessi samningur til umræðu. Einnig má
nefna embættisbústaðamálið sem var nokkuð áberandi, enda var það beinlínis
bundið í lögum félagsins að það skyldi vinna að framgangi þess máls. Þá má
nefna að einstakir félagsmenn leituðu umsagnar stjórnar félagsins um einstök
deilumál sem þeir áttu í vegna þóknana fyrir unnin störf. Sem dæmi um þetta má
nefna bréf stjórnar félagsins til bæjarfógetans í Neskaupstað dags. 26. október
1955 vegna ágreinings um rétt bæjarfógetans til innheimtulauna af uppboðsand-
virði botnvörpungsins „Egils rauða“ sem fórst eftir að uppboðsaðgerðir hófust.25
Þó að slík hagsmuna- og kjaramál hafi vissulega verið mest áberandi þátturinn
í starfsemi félagsins lét það sig fleira varða. Má i því sambandi nefna að venja var
á aðalfundum að halda erindi um lögfræðileg efni. Sum þessara erinda voru
raunar mjög tengd hagsmunum og kjarabaráttu sýslumanna og bæjarfógeta, sbr.
t.d. erindi flutt á aðalfundi um starfsemi Tryggingastofnunar ríkisins. Ekki voru
öll erindin þó tengd með þessum hætti beinum hagsmunum félagsmanna sjálfra,
þótt þau tengdust vissulega starfi þeirra. Dæmi um þetta er erindi sem Gunnar
Pálsson fyrrverandi bæjarfógeti í Neskaupstað flutti á aðalfundi 1949 um „hið
innra öryggi ríkisins.“ Þar fjallaði hann um skipan lögreglumála í ýmsum ríkjum
Evrópu, til samanburðar við skipan lögreglumála á íslandi. Af því tilefni var
samþykkt svohljóðandi ályktun: „Aðalfundur Félags héraðsdómara lýsir yfir því
24 Útskrift af fundargerö stofnfundar 1941, s. 10.
25 Bréf stjórnar Félags héraðsdómara til bæjarfógetans í Neskaupstað dags. 26. október 1955.
178