Tímarit lögfræðinga - 01.10.1991, Qupperneq 43
einni að tala um þáttaskil í sögu félagsins, þótt ekki kæmi fleira til eins og rakið
verður í kaflanum um erlend samskipti.
5.5.4 Erlend samskipti
Annað helsta einkenni tímabilsins eftir 1977 eru stóraukin samskipti Dómara-
félags íslands við samtök dómara erlendis. Samskipti við erlenda stéttarbræður
var þó ekki alveg nýlunda í starfi félagsins, en áður hefur verið vikið að ferðum
fulltrúa félagsins á fundi norska dómarafélagsins og sérstaka hópferð dómara til
Noregs í júní 1977.
Erlend samskipti eru áberandiískýrslustjórnarfyrirstarfsárið 1977-1978. Þar
er fyrst greint frá heimsókn dómara og maka þeirra frá Bandaríkjunum til
íslands dagana 11.-13. maí 1978. Sérstök nefnd innan félagsins hafði með
höndum undirbúning að heimsókn dómaranna, sem þótti takast með miklum
ágætum.68 í skýrslunni er einnig rætt nokkuð ítarlega um hugsanleg tengsl
Dómarafélags íslands og hliðstæðra dómarafélaga annars staðar á Norðurlönd-
um. Er þess getið að fram að því hafi samband íslenskra dómara við erlenda
stéttarbræður verið mjög lítið. I skýrslunni er greint frá því að formaður
félagsins hafi ritað formönnum norrænu dómarafélaganna bréf og lýst þar áhuga
Dómarafélags íslands á nánara samstarfi við félögin. Þá setti formaður Dómara-
félags íslands fram þá hugmynd að stjórnarmenn í norrænu dómarafélögunum,
sem ætluðu að taka þátt í norræna lögfræðingaþinginu í Kaupmannahöfn þetta
ár, kæmu saman til sérstaks hádegisverðarfundar einhvern fundardaginn. Segir í
skýrslunni að vel hafi verið tekið í þessa hugmynd. Fundur þessi var haldinn 24.
ágúst 1978. Þar var meðal annars rædd sú hugmynd, að komið yrði á fót
sérstökum dómarafundi í tengslum við norræna lögfræðingaþingið. Slíkur
fundur er nú orðinn fastur liður í tengslum við lögfræðingaþingið, og var haldinn
síðast hér á landi sumarið 1990. Að lokum er í skýrslunni rætt um væntanlegar
dómaraheimsóknir. Var meðal annars rætt um heimsókn íslenskra dómara til
Danmerkur og Svíþjóðar. Pá var rædd hugmynd um heimsókn til Bandaríkjanna
í boði þarlendra dómarasamtaka.69 Á aðalfundi 1978 var samþykkt sérstök
ályktun um að kanna frekar möguleika á ferð til Bandaríkjanna til að kynnast
dómstólum þar í landi. Fengust ágætir styrkir til ferðarinnar frá innlendum og
erlendum aðilum. Var miðað við að átta dómarar færu í þessa ferð.70 Gerði
68 Sjá nánar Magnús Thoroddsen: „Heimsókn bandarískra dómara“, Tímarit lögfræðinga 1978 (38),
s. 39 - 40.
69 Sjá skýrslu fyrir starfsárið 1977 - 1978, einkum s. 3 - 4 og 9 -10.
70 Þátttakendur í ferðinni voru Ármann Snævarr, Bjarni K. Bjarnason, Björn Ingvarsson, Böðvar
Bragason, Gunnlaugur Briem, Jón fsberg, Magnús t>. Torfason og Ólafur St. Sigurðsson, sbr.
skýrslu stjórnar fyrir starfsárið 1978 - 1979, s. 6. Sjá nánar Ólafur St. Sigurðsson: „Bandarfkjaferð
dómara 1979“. Tímarit lögfræðinga 1980 (40), s. 97 - 106.
201