Tímarit lögfræðinga - 01.10.1991, Blaðsíða 16

áður en Lögfræðingafélag íslands var stofnað. Þá er vert að nefna Námssjóð
félagsins, sem sett var skipulagsskrá árið 1970. Námssjóðnum er ætlað að efla
framhaldsmenntun lögfræðinga með styrkveitingu til þeirra og með fjárframlagi
og framlögum til fræðslufunda og námskeiðahalds. Má t.d. nefna að félagið
hefur staðið að málþingum um réttarfarsleg málefni í samvinnu við Dómarafé-
lag íslands, sem fjallað verður um síðar. Þá hefur félagið beitt sér í löggjafarmál-
efnum. Fyrsti formaður Lögmannafélagsins (þá Málflutningsmannafélagsins)
var Eggert Claessen.
3.3 Stéttarfélag lögfræðinga í ríkisþjónustu
Félagið var stofnað 1973. Undanfari þess var svokölluð ríkisstarfsmannadeild
Lögfræðingafélags íslands. Félagið er eitt af aðildarfélögum BHMR, Bandalags
háskólamanna í ríkisþjónustu. Eins og kemur fram í heiti þess er það stéttarfélag
og setur það baráttu fyrir bættum kjörum lögfræðinga í ríkisþjónustu á oddinn.
Félagið tekur ekki til þeirra lögfræðinga í þjónustu ríkisins sem eiga undir
Kjaradóm.
3.4 Önnur félög
Þau félög sem hér verða nefnd eiga það sameiginlegt að þau eru fyrst og fremst
fagfélög áhugamanna um tiltekin réttarsvið. Þá eiga þau það jafnframt sameig-
inlegt að aðild að þeim er ekki bundin við lögfræðinga, þótt þorri félagsmanna sé
löglærður.
3.4.1 Sakfræðifélag íslands. Félagið var stofnað 1949. Hlutverk þess er að
halda uppi umræðum um sakamál og refsilöggjöfina hér á landi og hefur félagið
staðið fyrir fjölmörgum fræða- og umræðufundum um þessi málefni. Félagið á
aðild að norrænu sambandi sakfræðifélaga og hefur tekið virkan þátt í þeirri
starfsemi.
3.4.2 Höfundaréttarfélag íslands. Félagið var stofnað 1981. Markmið þess er
að efla þekkingu á höfundarétti og þróun þeirrar greinar lögvísinda með
erindaflutningi og umræðum. Þá er stefnt að því að leita eftir tengslum við
hliðstæð samtök í öðrum löndum, svo og við alþjóðastofnanir á sviði höfunda-
réttar. Fyrsti formaður félagsins var Sigurður Reynir Pétursson hæstaréttarlög-
maður.16
3.4.3 Hið íslenska sjóréttarfélag. Félagið var stofnað 1982. Fyrsti formaður
þess var Páll Sigurðsson prófessor. Markmið félagsins er að kynna sjórétt
almennt og nýmæli á því sviði, örva rannsóknir í sjórétti og skyldum greinum, og
16 Sjá fréttatilkynningu í Tímariti Lögfræðinga 1981 (31), s. 39.
174