Tímarit lögfræðinga - 01.10.1991, Side 65
Rannsóknir:
Unnið að rannsóknum í Evrópurétti. Stefnt er að því að ljúka kafla í þeim
rannsóknum á yfirstandandi ári. í annan stað var veitt aðstoð við samningu
frumvarps til laga um samvinnufélög ásamt greinargerð. Frumvarp þetta hefur
nú verið lagt fram á Alþingi.
Þorgeir Örlygsson
Fyrirlestrar:
Löggjöf er varðar skráningu persónuupplýsinga. Fluttur í apríl 1990 hjá Félagi
áhugamanna um skjalavistun.
Rannsóknarverkefni:
Samning bókar um réttarreglur er varða mistök í þinglýsingum.
Samning tímaritsgreinar um þörf þess að endurskoða íslenzku veðlögin.
Samning seinni hluta tímaritsgreinar um íslenzkar lagaskilareglur á sviði
sifjaréttar.
Samning bókar sem hefur að geyma skýringar við einstakar greinar þinglýs-
ingalaga nr. 35/1978.
4. VINNSLA LAGASAFNS
Unnið hefur verið að útgáfu Lagasafns undir ritstjórn Marteins Mássonar
lögfræðings. Jón Sigurgeirsson lögfræðingur annaðist framkvæmdir samkvæmt
sérstökum samningi við Dómsmálaráðuneytið, unz hann gerðizt starfsmaður
Alþingis við útgáfumál. Sigurður Líndal forstöðumaður Lagastofnunar hefur
verið til ráðuneytis, en hann er í útgáfustjórn ásamt skrifstofustjórunum Jóni
Thors og Ólafi W. Stefánssyni.
Samið hefur verið við Prentsmiðjuna Gutenberg um prentun Lagasafnsins og
Bókfell hf. um bókband. Af ýmsum ástæðum hefur útgáfan dregizt, en horfur
eru á að Lagasafnið komi út á vori komanda (1991).
5. STARFSEMI GERÐARDÓMS OG ÞJÓNUSTUMIÐSTÖÐVAR
Á tímabilinu frá 28. febrúar 1990 til 14. febrúar 1991 bárust verkefnanefnd alls
sautján beiðnir um verkefni, en tólf bárust á sama tímabili 1989 til 1990. Ellefu
þeirra voru afgreiddar á tímabilinu, vinna stendur yfir við fimm verkefni, en
ekki var hægt að sinna einu vegna anna. Átta beiðnir voru frá einkaaðilum, en
níu frá opinberum. Frá upphafi starfseminnar hafa borizt fimmtíu og fjórar
beiðnir sem hafa verið afgreiddar, þar af eru átta um gerðardóma.
223