Tímarit lögfræðinga - 01.10.1991, Qupperneq 18

5. DÓMARAFÉLAG ÍSLANDS
5.1 Stofnun Félags héraðsdómara
Síðla árs 1941 boðaði nefnd þriggja héraðsdómara alla héraðsdómara landsins
til fundar til stofnunar sérstaks félags. í undirbúningsnefndinni áttu sæti Gísli
Sveinsson sýslumaður í Skaftafellssýslu, Bergur Jónsson bæjarfógeti og sýslu-
maður í Hafnarfirði og Jón Steingrímsson sýslumaður í Mýra- og Borgarfjarðar-
sýslu. Hafði nefndin verið kosin þá um vorið á fundi nokkurra héraðsdómara
sem komu saman til að ræða stofnun félags. Stofnfundurinn var haldinn í
Háskóla íslands dagana 10.-17. október.23 Fundarstjóri var Gísli Sveinsson, en
Torfi Hjartarson var ritari.
Þegar á fyrsta degi, þann 10. október, var samþykkt einróma að stofna félag
héraðsdómara. Heiti þess skyldi vera „Félag héraðsdómara“ og gátu allir
starfandi héraðsdómarar á landinu orðið félagsmenn, sbr. 1. og 2. gr.
í 3. gr. laganna var fjallað um tilgang félagsins. Þar sagði að félaginu væri
ætlað (a) að efla samvinnu og samhug meðal héraðsdómara, (b) að vera
ráðgefandi gagnvart ríkisstjórn og Alþingi um nýmæli í lögum, er vænta mætti að
snertu starfssvið héraðsdómara, (c) að vinna að því að koma á samræmi í
lagaframkvæmd, (d) að vinna að því, í samstarfi við önnur félög lögfræðinga og
einstaka lögfræðinga, svo sem hæstaréttardómara, háskólakennara o.fl., að
gefa út tímarit um lögfræðileg efni hér á landi, (e) að vinna að því að vegur og
kjör héraðsdómaraembættanna yrði í samræmi við mikilvægi þeirra og þá
ábyrgð sem þeim fylgdi, (f) að vinna að því að með lögum yrði ákveðið að ríkið
reisti embættisbústaði fyrir héraðsdómara, (g) að komið yrði á samræmi um
þóknun, er héraðsdómarar tækju fyrir ýmis störf, þar sem hún væri eigi ákveðin í
lögum, (h) að gæta þess, ef sett yrðu nýmæli í löggjöf, er ykju mjög störf
héraðsdómara og að þeim yrði þá ákveðin þóknun fyrir störfin eða skrifstofufé
þeirra aukið að sama skapi.
Stjórn félagsins skyldu skipa 5 menn, sem kosnir væru á aðalfundi, sem halda
skyldi annað hvert ár og skipti hún sjálf með sér verkum. í fyrstu stjórnina voru
kosnir þeir Gísli Sveinsson formaður, Jón Steingrímsson ritari og Jónatan
Hallvarðsson gjaldkeri. Meðstjórnendur voru Bergur Jónsson og Torfi Hjartar-
23 Á stofnfundinn mættu eftirtaldir, auk þeirra sem voru í undirbúningsnefndinni: Björn Fr.
Björnsson sýslumaður í Rangárvallasýslu, Páll Hallgrímsson, sýslumaður f Árnessýslu, Dr. Bjöm
Þórðarson lögmaður í Reykjavík, Jónatan Hallvarðsson sakadómari í Reykjavík, Kristján Pétur
Steingrímsson sýslumaður í Snæfellsnes- og Hnappadalssýslu, Þorsteinn Þorsteinsson sýslumaður í
Dalasýslu, Torfi Hjartarson sýslumaður og bæjarfógeti á ísafirði (síðar tollstjóri í Reykjavík),
Sigurður Sigurðsson sýslumaður í Skagafjarðarsýslu, Sigurður Eggerz sýslumaður og bæjarfógeti á
Akureyri, Júlíus Havsteen sýslumaður í Þingeyjarsýslu og Jónas Thoroddsen bæjarfógeti í Neskaup-
stað. Þá sóttu einnig fundinn Gústav A. Jónasson skrifstofustjóri í dóms- og kirkjumálaráðuneytinu,
Magnús Gíslason frá félagsmálaráðuneytinu og Vigfús Einarsson frá atvinnu- og samgöngumála-
ráðuneytinu. (Sjá útskrift af stofnfundargerð úr gerðabók Félags héraðsdómara frá 1941, s. 1).
176