Tímarit lögfræðinga - 01.10.1991, Síða 32

Þótt segja megi að nokkur deyfð hafi verið yfir starfsemi félagsins á þessu
tímabili er þó rétt að geta hér helstu atriða. Eins og áður hefur komið fram var
skipulagi félagsins breytt í verulegum atriðum árið 1964. Hélst þessi skipan
næstu árin. Við þessa breytingu færðist bein hagsmuna- og kjarabarátta
dómaranna í deildir félagsins og umræður um þessi mál urðu minna áberandi á
fundum Dómarafélags íslands. Því verður ekki neitað að við þetta minnkaði
þýðing félagsins og hlutverk þess varð öllu minna en áður. Skýrir þetta að
nokkru þá deyfð sem einkenndi starfsemina á þessu tímabili og rakið er hér að
framan. Má ætla að ýmsir sýslumenn hafi ekki verið alls kostar ánægðir með þá
þróun sem orðin var. Hagsmunir þeirra voru á ýmsan hátt aðrir en dómara í
þéttbýlinu og svigrúm til að ræða þá sérstaklega og fylgj a þeim eftir á vettvangi
Dómarafélags Islands minna en áður hafði verið. Töldu ýmsir að tengsl
Sýslumannafélagsins við Dómarafélag íslands stæðu sérstökum baráttumálum
sýslumanna og bæjarfógeta fyrir þrifum. Á stjórnarfundi Dómarafélagsins í
september 1972 gat þáverandi formaður félagsins, Sigurgeir Jónsson, þess að
hann hefði nokkru áður setið stjórnarfund Sýslumannafélagsins, þar sem m.a.
hefði verið rætt um hvort ekki væri rétt að Sýslumannafélagið yrði sjálfstætt
félag, sem hefði algerlega sjálft með sín kjaramál að gera, án tengsla við
Dómarafélag Islands. Formleg samþykkt um þetta hefði þó ekki verið gerð.45 Á
aðalfundi 1972 var mál þetta rætt frekar. Varð að ráði að skipuð yrði sérstök
nefnd til að gera tillögur um framtíðarskipulag félagsins. Lagði nefndin til að
deildaskiptingin sem ákveðin var 1964 yrði aflögð og Sýslumannafélagið og
Dómarafélag Reykjavíkur yrðu algerlega sjálfstæð félög, án formlegra tengsla
við Dómarafélag íslands. Voru tillögurnar samþykktar á fundinum. í samræmi
við þetta var og breytt reglum um skipan stjórnar félagsins, sem framvegis yrði
öll kosin á aðalfundi Dómarafélags íslands.
Á aðalfundum næstu árin er að sjá sem samskipti Dómarafélags íslands við
hin félögin hafi ekki alltaf verið eins og best verður á kosið. Á aðalfundi 1975
kvaddi Björn Þ. Guðmundsson, sem þá var formaður Dómarafélags Reykjavík-
ur, sér hljóðs. í máli hans kom fram að hann teldi hlutverk félagsins allt of lítið,
og að það beitti sér ekki nægilega í ýmsum málefnum sem snertu félagsmenn.47
Aftur er Björn Þ. Guðmundsson í sviðsljósinu þegar hann gagnrýnir stjórn
Dómarafélags Islands vegna tilkynningar sem stjórnin hafði látið frá sér fara í
fjölmiðla.48
Aðdragandi málsins var sá að stjórn Dómarafélags Reykjavíkur hafði sent
dómsmálaráðuneytinu ýmsar hugmyndir um úrbætur á réttarfari í landinu.
45 Gerðabók Dómarafélags íslands 14. október 1971 - 4. nóvember 1983, s. 23.
46 Gerðabók Dómarafélags íslands 14. október 1971 - 4. nóvember 1983, s. 40 - 41.
47 Gerðabók Dómarafélags fslands 14. október 1971 - 4. nóvember 1983, s. 64.
48 Gerðabók Dómarafélags fslands 14. október 1971 - 4. nóvember 1983, s. 71 - 76.
190