Tímarit lögfræðinga - 01.10.1991, Síða 19
son. Samkvæmt 6. gr. skyldi stjórnin hafa með höndum framkvæmdir á
málefnum félagsins milli aðalfunda. Félagsgjald var ákveðið í lögunum og skyldi
það vera 100 krónur.
5.2 Félag héraðsdómara 1941-1957
Samkvæmt 3. gr. laga Félags héraðsdómara var tilgangurinn með starfi þess
margþættur. Blandast þar saman atriði sem lúta fyrst og fremst að kjörum og
hagsmunamálum héraðsdómara, einkum sýslumanna og bæjarfógeta. Segja má
að 4 liðir af 8 lúti beint að þessu, sbr. liðir e - h. Þá er vikið að faglegum
málefnum, sbr. liðir b og c, þar sem fjallað er um ráðgefandi hlutverk félagsins í
löggjafarmálefnum, samræmingu í lagaframkvæmd og samstarf héraðsdómara
við aðra lögfræðinga og útgáfustarfsemi.
Ef ákvæðin sem fjalla um kjör héraðsdómara eru skoðuð sérstaklega er ljóst
að það eru fyrst og fremst hagsmunir sýslumanna og bæjarfógeta utan Reykja-
víkur sem eru hafðir í huga. Síðustu þrír liðirnir eru sérstaklega athyglisverðir í
þessu sambandi. Far er afmarkað all nákvæmlega að hvaða málefnum skyldi
unnið. Það er nokkuð óvenjulegt að binda með þessum hætti í lögum baráttu
fyrir einstökum málum. Þetta sýnir auðvitað fyrst og fremst hvað mönnum var
efst í huga við stofnun félagsins. Þetta á einkum vel við f-lið þar sem gert er ráð
fyrir að félagið beiti sér fyrir því að sýslumenn og bæjarfógetar fái embættisbú-
staði.
Uppistaðan í starfsemi félagsins voru aðalfundir þess, sem haldnir voru í
október annað hvert ár. Milli þeirra var lítil starfsemi. Óhætt mun að fullyrða að
félagsstarfið hafi farið hægt af stað og ekki verið ýkja blómlegt í upphafi. Fyrstu
starfsárin voru í samræmi við þær áherslur sem fram koma í 3. gr. laganna.
Umræður um einstök hagsmunamál sýslumanna og bæjarfógeta eru þar efstar á
blaði. Fundargerð stofnfundar, dagana eftir að gengið hafði verið frá stofnun
félagsins, ber þetta glöggt með sér. Á þriðja degi skilaði sérstök nefnd innan
félagsins, sem kölluð var allsherjarnefnd, tillögum um þóknanir fyrir ýmis störf
er héraðsdómarar höfðu á hendi og þeim bar þóknun fyrir án þess að fjárhæð
hennar væri ákveðin í lögum. Þar var m.a. fjallað um skrifstofufé frá sýslufélög-
um, embættistekjur vegna sölubeiðna og uppboða, þóknun vegna búskipta,
dagpeninga á embættisferðum, ritlaun og gjald fyrir útfyllingu skipshafnarskráa.
Ennfremur var á fundinum fj allað um hækkun innheimtulauna af lífeyrissjóðsið-
gjöldum og iðgjöldum af sérstökum stríðstryggingum sem skipshafnir höfðu
vegna stríðsástandsins. Þá ályktaði fundurinn um launauppbót til handa héraðs-
dómurum o.fl.
Þótt kjör sýslumanna hafi verið áberandi umræðuefni á þessum fyrsta fundi
félagsins var fjallað um ýmis atriði önnur sem lutu að faglegum hliðum á starfi
héraðsdómara. Má þar nefna að rætt var um samvinnu milli lögfræðinga með
177
12