Morgunn - 01.06.1970, Blaðsíða 35

2ð
MORGUNN
anum hófust. Niðurstöður þeirra sýna, að þar hefur sitt af
hverju komið i ljós, þó ekki sé þar um neinn fullnaðarárangur
að ræða. Einkenni alls þess, sem þar hefur komið i ljós varðandi
áhrif sálarorkunnar á efniskennda hluti, er, að ekki er unnt
að draga af þeim fullgildar ályklanir. En það verður þó að
viðurkenna, að enda þótt það, sem fram hefur komið, nægi
ekki til að sýna það fullkomlega, að sérstök sálarorka sé þar
að verki, þá hafa þær ennþá síður gert mönnum stætt á þvi,
að hafna þeim möguleika né telja hann ekki þess virði að hann
sé rannsakaður frekar. Ef PK kraftar hafa í raun og veru
komið í ljós i einhverjum þessara tilrauna, þá er það svo þýð-
ingarmikið og athyglisvert atriði, að það réttlætir áframhald-
andi rannsóknir, þar sem beitt er ítrustu þolinmæði, unz
gengið hefur verið úr skugga um hvað hér er á ferðum.
PK fyrirbærin þörfnuðust vissulega nýrra rannsóknarað-
ferða. Þær þurflu að vera áhugavekjandi, fastmótaðar, likt
og spilatilraunirnar að því er F,SP fyrirbærin snerti. Auðvelt
þurfti að vera að koma við ströngu eftirliti, því án þess gátu
þær vakið tortryggni manna. Auk þess varð fyrirkomulag
þcirra að vera þannig, að mögulegt væri að koma ])ar við tölu-
legum litreikningum. Þær urðu að vera svo cinfaldar og
handhægar, að auðvelt væri að beita þeim við Pétur og Pál,
en ekki eingöngu við afbrigðilegt fólk. Að lokum þurftu þær
að geta farið fram i fullri dagsbirtu, við einföld ytri skilyrði
og með fábrotnum hjálpartækjum.
Að öllu athuguðu virtist teningakast vera heppilegasta að-
ferðin. Og svo vel vildi til, að þeir eru æði margir, sem trúa
því, að þeir geti haft áhrif á það með hugsuninni einni saman
hvaða fletir komi upp á teningi, þegar honum er kastað af
handahófi. Þeir líta svo á, að þegar þeir eru vel upplagðir,
geli þeir með viljaafli sínu ráðið því hvað upp kemur á ten-
ingnum, án þess að beita nokkrum brögðum, er þeir kasta
bonum. Það var ungur maður, vanur teningsspilum, sem
fyrstur vakti athygli á þessari trú. Sáum við á tilraunastöð
háskólans þegar í stað, að teningskast mundi verða ágæt að-