Morgunn - 01.06.1970, Page 58

52
MORGUNN
Kitty Doody virðist ekki hafa hlotið miðilshæfileika sína
að erfðum. En afi hennar, sem var írskur biskup í kirkju mót-
mælenda, var náinn vinur Sir Arthur Conan Doyle, er varð
mikill áhugamaður um sálarrannsóknir, eins og kunnugt er.
Áhugi hennar á dulrænum efnum hófst fyrst eftir að hún
kynntist og giftist John Doody, en þá starfaði liún hjá Sam-
einuðu þjóðunum erlendis. En þótt maður hennar væri
kaþólskrar trúar, en sú kirkja er yfirleitt andvíg spíritisman-
um, var hann trúaður á þessi málefni, enda gæddur allmikl-
um dulrænum hæfileikum.
Þau hjónin urðu fyrir mikilli sorg, er þau misstu son sinn
6 ára gamlan, en hann lézt við uppskurð á skurðarborðinu,
áður en aðgerð var lokið. Lækninum fél'l þetta einnig mjög
þungt, en Kitty gat huggað hann með því, að miðill hefði
sagt það fyrir þrem vikum áður að svona mundi fara, og því
hefði hann ekkert að ásaka sjálfan sig fyrir i þessu sambandi.
Þegar þetta gerðist, áttu hjónin heima í Bulawayo. En sonar-
missirinn varð til þess, að þau tóku fyrir alvöru að snúa sér
að rannsókn dulrænna hæfileika og fyrirbæra, og hófu þá
sjálf tilraunir með því að nota stafróf og glas. Kom þá í ljós,
að John Doody hafði verulega miðilshæfileika.
Skömmu eftir að þau fluttust til Bretlands, missti hún mann
sinn, og var hann þá aðeins 46 ára gamall. Er óþarft að taka
fram, að við hann hefur Kitty siðan margoft náð sambandi
á fundum sinum.
Kitty Doody lagði áherzlu á það, er hún ræddi við frétta-
konuna, að það væri engin tilviljun að hún starfaði með Joan
Stredwick. Miðilshæfileikar þeirra beggja væru nátengdir og
í sérstöku samræmi. Og ef þær reyndu að starfa sin í hvoru
lagi, yrði enginn árangur af því og ekkert skrifaðist.
Fréttakonan, sem ég sendi, ákvað að gera sjálf tilraun til
þess að fá staðfestingu á því hvort tveim skilaboðum, sem þær
höfðu sent fyrir tveim mánuðum, en ekki verið svarað, mundu
vera rétt og hafa komizt lil skila. Önnur voru frá konu, hin
frá karlmanni, og bæði höfðu gefið upp nöfn og heimilsfang