Vera - 01.10.1991, Blaðsíða 9

SKAPANDI KONUR
K

I

vPAND
„Tökum næst fyrir skapandi konur í VERU“ sagði ein
ritnefndarkvenna. „Svo skrifar þú stuttan inngang um hvað það
er að vera skapandi..." sagði samstarfskona mín og leit á mig. Ég
horfði í forundran á hana. Ég þekki enga sem er jafn skapandi og
hún. Hun syngur, teiknar, málar, dansar, bakar, eldar og
saumar. Það flaug um huga minn hvort hún væri ef til vill að gera
gys að mér. Það er nefnilega algerlega laust við að ég sé skapandi.
Mér varð það ljóst þegar í barnaskóla að ég yrði að leggja eitthvað
annað fyrir mig en sköpun. Mér datt aldrei neitt í hug í
teiknitímunum, valdi aldrei frjáls ritgerðarefni og klúðraði m.a.s.
frjálsum hreyfingum á leikfimisprófinu. Handavinnuferill minn
var auk þess þakinn tárum. Einu sinni lenti stúlkan sem vann
hjá pabba - og var að burðast við að hjálpa mér að prjóna
eitthvert leiðinda skyldustykki - í þvi að leita að prjónadótinu
mínu úti í ruslatunnu á meðan ég lá grenjandi uppi í rúmi
hótandi því að hætta í handavinnu. Og ekki tók betra við í
matreiðslunni, sítrónubúðingurinn límdi saman munninn á
kennslukonunni og kappinn datt í súpuna. „En ég hef ekki snefil
af listrænum hæfileikum og er fyrir löngu búin að sætta mig við
þá staðreynd að ég er ekki skapandi." Nú upphófust fjörugar
umræður um hvað væri að vera skapandi. Flestar hugsuðu líkt
og ég um listræna sköpun en nokkrum fannst það allt of þröngt.
Skilgreiningar llugu um salinn og niðurstaðan er: Skapandi
kona fer ekki hefðbundnar leiðir heldur skapar sitt eigið líf.
Konur eru skapandi á ýmsan hátt. Konur fylla listaskóla og
námskeið og þær leitast við á íjölbreyttan hátt að koma list sinni
á framfæri. Þær spila, syngja, dansa, mála, hanna bæði fatnað,
mannvirki og önnur listaverk. Konur reka söfn, galleri og skóla
og eru í meirihluta njótenda listar og menningar. Þær stunda
fræðistörf, skrifa bækur og gefa út tímarit. Konur eru virkar í
félagsmálum, íþróttum og stjórnmálum. Sifellt fleiri konur stofna
fyrirtæki. Þær reka kaffihús, matsölustaði, gistihús, auglýsinga-
stofur, blómabúðir, fata- og sælgætisverslanir svo fátt eitt sé
nefnt.
Ég verð að viðurkenna að ég velti |)ví töluvert fyrir mér hvort
ég væri skapandi eða ekki. Ég hef ekki komist að neinni
niðurstöðu því að það var alltaf eitthvað sem truflaði mig í
miðjum klíðum, dyrabjallan, síminn eða pósturinn. Hvernig er
hægt að vera skapandi ef maður fær aldrei næði til að skapa?
Kannski á ég bara erfitt með að einbeita mér? Fell ég of
auðveldlega fýrir tímaþjófum? Hvernig getur fóik verið skapandi
eftir að sinna vinnu sinni og daglegum heimilisverkum? Hvernig
komast konur með börn yflr þetta allt? Hefur gamla kempan
Virgina Woolf enn rétt fyrir sér með að forsendan fyrir þvi að geta
skrifað sé að hafa sérherbergi og peninga?
Allir leita hamingjunnar á einn eða annan hátt. Sifellt fleiri
konur fara óhefðbundnar leiðir í vali á ævistarfi og í leit að
lífsfyllingu. Veitum þeim brautargengi og styðjum þær til góðra
verka.
RV.
9