Árbók VFÍ - 01.01.1992, Blaðsíða 40

38
Arbók VFI 1990/91
18 Rafmagnsverkfræðideild VFÍ1990-1991
Fundasókn var misjöfn, en oftast viðunandi. Eftirfarandi fundarefni voru á dagskrá:
Þann 27. september 1990 var haldinn fundur um orkumál og stóriðju. Elías B. Elíasson for-
stöðumaður tækniþróunardeildar Landsvirkjunar flutti erindið. Málefnið var mjög ofarlega í
hugum manna á þessum tíma, því þá má segja að nánast hafi verið talið að samningar um nýtt
álver væru í höfn. Elías rakti fjárhagsleg og tæknileg sjónarmið varðandi byggingu og rekstur
álvers.
Hinn 25. október flutti Sverrir Ólafsson ritari félagsins erindi um þróun og smíði hraðvirkra
mótalda, 9600 bps og hraðvirkari. Sverrir vinnur einmitt að hönnun slíkra mótalda fyrir Rock-
well International í Bandaríkjunum. Svo vildi til að VFI auglýsti fund með iðnaðarráðherra um
álversmálið á sama tíma og dró það nokkuð úr aðsókn. Sverrir flutti merkilegt erindi þar sem
hann gerði grein fyrir því hvernig ný uppgötvun í stærðfræði hefði í raun gert kleift að smíða
hraðvirkari mótöld en áður hafa þekkst.
Þann 29. nóvember 1990 var haldinn fundur um áhrif sameinaðrar Evrópu á störf tækni-
manna. Ólafur Davíðsson framkvæmdastjóri Félags ísl. iðnrekenda, flutti erindið og varð þessi
fundur með lengstu félagsfundum í RVFÍ. Ólafur var þeirrar skoðunar að hag íslands væri best
borgið með aðild að Efnahagsbandalaginu og urðu um erindi hans miklar umræður og ræddu
menn málið af skynsemi og festu.
Þann 1. desember 1990 sendi stjórnin út dreifibréf til félagsmanna þar sem farið var þess á
leit við þá að þeir legðu fram fé til kaupa á tölvu til handa orðanefnd RVFÍ sem er elsta orða-
nefnd á landinu, en hún á 50 ára afmæli á þessu ári. Þótti stjórninni við hæfi að heiðra nefndina
með einhverjum hætti og var ákveðið að veita henni styrk að upphæð kr. 30.000 og jafnframt
að gangast fyrir söfnun meðal félagsmanna, og/eða stofnana þeirra og fyrirtækja. Skemmst er
frá því að segja að söfnunin gekk með afbrigðum vel og er greinilegt að menn kunna að meta
störf nefndarinnar að verðleikum. Óskar stjórnin nefndinni velfarnaðar í starfi í framtíðinni.
Þann 31. janúar 1991 var næst haldinn fundur í RVFI og nú um öryggi fjarskipta- og raf-
orkudreifikerfisins í landinu. Erindi fluttu þeir Guðjón Petersen framkvæmdastjóri Almanna-
varna ríkisins, Jón Þóroddur Jónsson yfirverkfræðingur Pósts og síma og Steinar Friðgeirsson
forstöðumaður tæknideildar Rarik. Stuttu áður höfðu komið ntikil veður á landinu sem höfðu
gert mikinn usla í rafkerfi og símakerfi landsins. Málefnið var því mjög tímabært. Helsta nið-
urstaða fundarins varð sú að stjórnstöð Landsvirkjunar að Geithálsi væri viðkvæmasti blettur-
inn í raforkukerfinu og máttu inenn ekki til þess hugsa að eitthvað kæmi fyrir þá spennistöð.
Það var eins og við manninn mælt að örfáum dögum síðar gerði aftur vitlaust veður og raf-
strengur slitnaði á Geithálsi og varð þá rafmagnslaust á nánast öllu landinu.
Þann 7. febrúar 1991 varð RVFI 50 ára. Stjórnin hafði uppi áform unt að halda veglega upp
á afmælið. Var markmiðið að halda m.a. spástefnu þar sem reynt væri að horfa fram á næstu
öld og huga að því hvernig fjarskiptum yrði þá háttað. Stjórnin gerði áætlun um að fá tvo
erlenda fyrirlesara hingað til lands, annan frá Bandaríkjunum en hinn frá Svíþjóð. Eins og
flestir sjálfsagt vita er skipulagning ráðstefnu með erlendum fyrirlesurum nokkuð átak. Það
kom einnig í ljós í þessu tilviki. Reyndar kom það endanlega í veg fyrir að ráðstefnan yrði
haldin að annar erlendi fyrirlesarinn sem menn höfðu augastað á afþakkaði á síðustu stundu.
Það verður því hlutverk næstu stjórnar að minnast 50 ára afmælis félagsins okkar úr því sem
komið er. Vonum við að það verði veglegt og félaginu til sóma.