Árbók VFÍ - 01.01.1992, Blaðsíða 98

96 Arbók VFI 1990/91
Könnun á stöðu íslenskra fyrirtækja gagnvart kröfum ISO-9000 staðlanna. Árið 1990
gerði Félag íslenskra iðnrekenda könnun meðal aðildarfyrirtækja sinna í þeim tilgangi að fá
mat á því hver staða þeirra væri gagnvart kröfum í ISO-9000 gæðastöðlunum. Þátttaka í könn-
uninni var góð og fengust svör frá 84 fyrirtækjum með um 25% af starfsmönnum í iðnaði.
Helstu niðurstöður voru þær að töluvert skortir á að íslensk fyrirtæki uppfylli almennt
kröfur í stöðlunum. Til dæmis höfðu innan við 20% af þeim fyrirtækjum sem svöruðu komið
sér upp gæðahandbók. Gera má ráð fyrir að í heild hafi ekki nema um 5-10% þeirra gæðahand-
bók og fæstar þeirra eru aðlagaðar ISO-9000 stöðlunum.
Fyrirtækjanet. Þetta samstarfsform hefur að undanförnu náð undraverðri útbreiðslu í Dan-
mörku og norska atvinnu- og iðnrekendafélagið NHO er að hefja svipað átak. Á íslandi var á
síðasta ári unnið að undirbúningi að áætlun um fyrirtækjanet.
Þróunarstarfsemi og nýsköpun-þátttaka í alþjóðasamstarfi. EUREKA-samstarfið er sá
vettvangur sem íslensk iðnfyrirtæki eiga hvað greiðastan aðgang að hvað varðar þróunarsam-
starf við evrópsk fyrirtæki. Þegar hafa íslensk fyrirtæki tekið þátt í þremur verkefnum innan
EUREKA rammans. Fleiri verkefni með þátttöku íslenskra fyrirtækja eru í undirbúningi, með-
al annars á sviði upplýsinga- og hugbúnaðartækni.
Eureka - Halios. Markmið verkefnisins, sem Islendingar vinna í samstarfi með Frökkum og
Spánverjum, er að stuðla að aukinni þróun á tækni til hönnunar, smíða og reksturs fiskiskipa
auk þess að hanna betri búnað í fiskiskip og bæta aðstöðu sjómanna. Innan Halios hefur verið
hrundið af stað á annan tug vöruþróunarverkefna er byggja á hugmyndum og frumkvæði iðn-
fyrirtækja í löndunum þremur. Sjö íslensk fyrirtæki eru þátttakendur í slíkum verkefnum. Með
þátttöku iðnfyrirtækja í slíkum vöruþróunarverkefnum á að tryggja góða stöðu iðnaðarins er
þjónar sjávarútvegi í löndunum þremur.
Einu verkefni íslensks fyrirtækis er nú lokið og í öðru er frumgerð vélar í prófun (slæging-
arvél). Önnur verk eru á hönnunarstigi og nýjum er verið að ýta úr vör.
Upplýsingatækni í fiskvinnslu. Verkefni þessi eru nú í fullum gangi með fjárstuðningi Nor-
ræna iðnaðarsjóðsins og hefur hvert verkefni sjálfstæða verkefnisstjórn. Eitt forverkefni hefur
bæst við á árinu við þau þrjú verkefni sem samþykkt voru í upphafi.
Annað evrópskt þróunarsamstarf. Evrópubandalagið hefur margar mismunandi rammaáætl-
anir í gangi og eru flestar þeirra opnar fyrir þátttöku EFTA-ríkja gegn því að löndin greiði fyrir
þátttöku sína sjálf. Þessar áætlanir eru þó misjafnlega aðgengilegar fyrir íslensk fyrirtæki bæði
vegna smæðar þeirra svo og vegna þess að oft er lögð meiri áhersla á grunnrannsóknir en fyrir-
tækin hafa áhuga á.
Sorphirða og endurvinnsla. Vorið 1990 skipaði umhverfismálaráðherra nefnd til að móta
framtíðarskipulag sorphirðu á íslandi. Helstu niðurstöður nefndarinnar voru þær að sorphirða
væru í miklum ólestri víðast hvar um landið. Sorphirða verður mál viðkomandi sveitarfélaga
en samvinna þeirra í þessu efni er forsenda hagkvæmrar lausnar. Gert er ráð fyrir að reistar
verði nokkrar móttökustöðvar sem taki við sorpi frá heimilum og fyrirtækjum og komi því til
eyðingar. Kostnaður við sorphirðu miðist sem mest við magn sorps og kostnað við eyðingu.
Nauðsynlegt er að skipulag sorphirðu hvetji til og styðji endurvinnslu.