Ólafía : rit Fornleifafræðingafélags Íslands. - 01.05.2009, Page 65

frekara ljósi á eldri byggðina. Árið
1477 féll eldfjallagjóska í Gautavík.
Svo virðist sem fljótlega þar á eftir hafi
hafist nýtt blómaskeið á staðnum.
Veggirnir voru hækkaðir, gaflar
byggðir úr torfi og nýtt, þykkt gólflag
myndaðist í húsinu. Aftur dregur
nokkuð úr notkun á húsinu. Af þykkt
mannvistarlagsins yfir gólfinu er hægt
að draga þá ályktun að húsið hafi verið
yfirgefið um 1600 og að veggir falli
inn. Ekkert bendir til að menn hafi
dvalið þar eftir það. Þar sem ekkert
eldstæði fannst inni í húsinu og út frá
því hversu gripirnir voru einsleitir, má
draga þá ályktun að hér hafi ekki verið
um íbúðarhúsnæði að ræða. Þetta hús
hefur því líklega verið einhverslags
geymsluhúsnæði fyrir erlenda kaup-
menn sem komu til Gautavíkur til þess
að stunda verslun.

__________
65