Breiðfirðingur - 01.04.1990, Blaðsíða 69
SKARÐVERJAR
67
ur. Um þessa menn alla og ýmsa fleiri sem í þessari grein eru
nefndir má lesa í íslenskum æviskrám eftir Pál Eggert Óla-
son.
Eggert Björnsson
í Bændahætti eftir eyðuna í núverandi 40. erindi og til
loka er sagt frá Eggerti og konu hans Valgerði. Þeim er lýst
sem rausnarhjónum og þau hjálpi mörgum og þar segir
skáldið að hann sjálfur sé meðal þeirra sem Eggert hefur
veitt lið. Um Eggert eins og raunar flesta Skarðverja, sem
hér hefur verið fjallað um, má segja margt, en ég get ekki
stillt mig um að taka hér með kafla úr Sýslumannaæfum um
hann:
Um uppvöxt og menntun Eggerts er mér lítið kunnugt;
hann var fæddur um 1610, og var í uppvexti sínum í
Bræðratungu, lærði hann þar utan að Jóns lagabók; 1629
leitaði Björn faðir hans honum kvonfangs til Kristínar
eldri dóttur Gísla lögmanns Hákonarsonar í Bræðra-
tungu, og skyldi brúðkaup þeirra vera á öðrum misser-
um; en svo bar til, að biskup Þorlákur á Hólum bað
téðrar Kristínar; þótti Gísla lögmanni ilt að frávísa
honum; voru þeir þá feðgar Björn sýslumaður og Eggert
komnir suður um land að vitja giptumálanna. Tók lög-
maður þá það ráð, að hann reið á móti þeim feðgum,
sagði þeim, hvernig komið var; samdist þá svo með þeim,
að biskupi skyldi eigi frá vísað, en lögmaður hét Eggerti
sinni yngri dóttur Valgerði; gekk svo biskup að eiga
Kristínu 1630, og voru þeir feðgar brúðkaupsgestir að
þeirri veizlu haustið 1630 í Bræðratungu. ... 1633 var
haldið brúðkaup Eggerts og Valgerðar á Bræðratungu ...
og eptir það fór Eggert vestur með konu sína að Skarði á
Skarðsströnd, var hún þá 16 vetra að sagt er; settist hann
að á Bæ á Rauðasandi og gjörði þar bú. ... Eptir 1640
flutti Eggert að Skarði og bjó þar síðan alla æfi. .. Þann
tíma þótti óhæfa, að gipta burtu dætur sínar, utan manns-
efnið væri helmingi ríkari enn konuefnið; giptust því