Breiðfirðingur - 01.04.1990, Blaðsíða 180

178
BREIÐFIRÐINGUR
Á veturna var Jónas oftast heima, enda átti hann nokkrar
kindur, og það var líka þörf fyrir hann þar, því þá voru yngri
systkinin í skólum og að smátínast í burtu. Jóhann faðir hans
átti vefstól og óf hann það sem þurfti fyrir heimilið og einnig
fyrir aðra. Jónas lærði snemma að vefa og hjálpaði til við
það. Hann fór síðar á námskeið og lærði vefnað með hrað-
skyttu. En voðirnar gáfu lítið í aðra hönd. Aðallega óf hann
rúmábreiður með salonsgerð, eins og fólk óskaði eftir.
Ábreiður þessar voru úr alull. Ennþá finnast ábreiður sem
hann óf og þykja þær bæði fallegar og vel gerðar.
Eftir að umferðarvinnunni lauk var Jónas að mestu
heima. Hann átti um tíma við heilsuleysi að stríða sem hann
fékk ekki bót á fyrr en hann losnaði við botnlangann en það
tók mörg ár að finna út hvað að honum var. Að öðru leyti
hefur hann verið hraustur og unnið mikið. Það varð hans
hlutskipti að stunda búskapinn heima, því faðir hans var
orðinn sjóndapur og slitinn og yngri systkinin komin í föst
störf annars staðar. Lengst voru þeir heima bræðurnir Jónas
og Jón. Jónas sléttaði talsvert heima í Skógum, en ræktunar-
land þar var bæði grýtt og blautt. Pá fór hann að rækta niðri
við sjóinn, þar er jarðvegur góður, en landið varð að þurrka.
Nú er þar stórt tún og þangað er búið að flytja býlið og
byggja yfir fólk og fénað. Jónas var fyrsti maður í Dalasýslu
sem keypti sér ameríska heimilisdráttarvél. Tæki við hana
keypti hann smátt og smátt. Vélin kom í góðar þarfir og þeir
voru margir sem nutu hennar á meðan slíkar vélar voru fá-
tíðar.
Jónas starfaði mikið í félagsmálum allt frá því að hann
gekk í ungmennafélagið „Dögun“. Hann var lengi í stjórn
þess og beitti sér þá fyrir því í félagi við kvenfélagið og
hreppinn að koma upp samkomuhúsi í sveitinni. Húsið
stendur í Staðarfellsslandi og var byggt árin 1930-31.
Heimamenn gáfu vinnu sína við bygginguna svo að það varð
miklu ódýrara en ella. Pað stendur enn og hefur verið
stækkað og endurbætt. Þar er þingstaður hreppsins. Jónas
var 16 ár í hreppsnefnd Fellsstrandarhrepps og vann þá að