Breiðfirðingur - 01.04.1990, Blaðsíða 181
NÍRÆÐUR JÓNAS JÓHANNSSON
179
því m.a. að koma upp bryggju í Hjallanesi. Par var þá
verslun og sláturhús. Jónas var um skeið deildarstjóri Kaup-
félags Stykkishólms og sá einnig um vöruafgreiðslu fyrir
félagið. Lengi var hann gjaldkeri Búnaðarfélags Fellsstrand-
ar, sá þá m.a. um innheimtur fyrir áburðarkaup félags-
manna. Oft var hann fulltrúi á fundum Búnaðarsambands
Dala og Snæfellsness og síðar á fundum Búnaðarsambands
Dalamanna. Lengi var hann trúnaðarmaður Framsóknar-
flokksins og fulltrúi á kjördæmaþingum. Bókasafn hreppsins
var lengi í umsjá Jónasar og sá hann um innkaup á bókum og
útlán bóka. Jónas er greindur vel, félagslyndur og fylgdi fast
eftir áhugamálum sínum. Hugmyndir hans hafa kannski
ekki alltaf þótt tímabærar, en reynslan hefur sýnt að þær
voru á rökum reistar.
Árið 1952 verða þáttaskil í lífi Jónasar. Það ár stofnar
hann eigið heimili og kvænist unnustu sinni, Guðbjörgu
Andrésdóttur frá Þrúðardal í Strandasýslu. Hún kom að
Skógum árið áður. Jóhann faðir Jónasar lést árið 1951 og
hafði hann ánafnað jörðina sonum sínum, þeim Jónasi og
Jóni, sinn helminginn hvorum. Jónas seldi Áskeli bróður
sínum sinn hluta í Skógum og keypti þá jörðina Valþúfu í
sömu sveit. Hún kostaði 70.000 krónur og var borguð út í
hönd. Vorið 1953, þegar Jónas flytur að Valþúfu, átti hann 65
kindur, tvær kýr og tvo hesta. Frá náttúrunnar hálfu er Valþúfa
engin gæðajörð, ræktunarland er þar grýtt, blautt og leir-
kennt. Ræktunarstarfið var fyrirhafnarsamt, einkum grjót-
tínslan. En þrátt fyrir það stækkaði túnið mikið. Mýrar voru
þurrkarðar og girt í kringum tún, ræktunarland og nálægt
haglendi. Samhliða þessu voru öll hús jarðarinnar endur-
byggð og peningshús stækkuð. Allt kostaði þetta mikla
vinnu, sem stundum varð að kaupa að ásamt byggingarefni.
En aðeins einu sinni þurfti Jónas að skulda í verslun yfir ára-
mót. Búið borgaði framkvæmdirnar jafnóðum og þær voru
gerðar, enda fjölgaði bæði kúm og kindum. Ný tækni kom
einnig til sögunnar um þetta leyti, svo allt varð þetta til að
auðvelda framkvæmdir.