Breiðfirðingur - 01.04.1990, Blaðsíða 156

154
BREIÐFIRÐINGUR
nær ráðum yfir þeim og setur Eggert son sinn þar bústjóra
eða ráðsmann fyrir búi sínu og eignum þar. Eggert er ráðs-
maður föður síns á Kleifum í fimm ár þar til vorið 1856 en
fer þá að búa á Brekku í Gilsfirði og býr þar til vorsins 1859.
Þá flytur hann aftur að Kleifum en Guðmundur mágur hans
fer að búa á Brekku. Jón Ormsson flytur frá Nesi að Kleifum
vorið 1857. Hann býr þar ásamt skylduliði sínu næstu tvö
árin, en þá er æviþráður hans á enda runninn. Jón deyr 21.
mars 1859, 56 ára að aldri (f. 18. desember 1802).
2.
Maður er nefndur Guðmundur Jónsson ættaður frá Borg í
Reykhólasveit. í Dalamönnum segir að hann hafi búið fyrst
í Þverdal og síðan á Kjarlaksvöllum í Saurbæ frá 1830 -
1835. Kona hans hét Guðleif Hallsdóttir frá Bjarnarstöðum
í Saurbæ. Þau áttu saman sjö börn og eitt þeirra á eftir að
koma hér við sögu: Guðmundur síðar bóndi á Brekku í Gils-
firði.
Þau Guðmundur Jónsson og Guðleif kona hans flytja frá
Kjarlaksvöllum að Kleifum vorið 1835 og eru þar í hús-
mennsku. Þá er vinnukona á Kleifum Sigríður Nikulásar-
dóttir frá Orrahóli á Fellsströnd 36 ára gömul. Það fór að
bera á því árið 1837, að Guðmundur Jónsson tók að renna
hýru auga til vinnukonunnar Sigríðar frá Orrahóli. Hún
fæddi honum son 3. ágúst 1838. Hann var látinn heita Sig-
mundur.
Þetta víxlspor Guðmundar kom róti á líf hans. Kona hans
Guðleif Hallsdóttir fór frá honum þó um skilnað væri ekki
að ræða. í Manntalinu 1840 finnst ekkert af fólki hans á skrá
í Garpsdalssókn. Líklega hefur Guðleif og öll börnin flutt
suður í Saurbæ eða Dali. Guðmundur fór líka frá Kleifum.
Hann er skráður heyskaparmaður í Múla í Gilsfirði sumarið
1840. Þar býr þá Magnús Nikulásarson frá Orrahóli, bróðir
Sigríðar, barnsmóður Guðmundar. En Sigríður finnst ekki í
Garpsdalssókn árið 1840. Sennilega er hún suður í Dölum