Morgunblaðið - 29.11.1974, Qupperneq 3

MORGUNBLAÐIÐ, FÖSTUDAGUR 29. NÓVEMBER 1974
3
Narfi kemur heim
sem skuttogari
Myndin var tekin af Narfa út ( Harlingen fyrir fáeinum dögum.
Upphaflegahug-
myndin orðin að
veruleika, segir
GUÐMUNDUR
JÖRUNDSSON
útgerðarmaður
B.v. Narfi er væntanlegur til
Reykjavíkur árdegis í dag.
Héðan sigldi hann áleiðis til
Holiands sem síðutogari fyrir
um fimm mánuðum, en kemur
nú heim sem skuttogari. Var
togaranum breytt hjá
Welgelegenskipasmíðastöðinni
í Harlingen og er Narfi eina
skip togaraflotans sem til þessa
hefur verið breytt úr síðu-
togara ( skuttogara. Hins vegar
er ekki óhugsandi að fleiri skip
komi á eftir ef breytingin á
Narfa gefur góða raun.
„Það er kannski ástæða til að
segja frá þv(, að þegar smíða
átti Narfa ( Vcstur-Þýzkalandi
fyrir 15 árum var upphaflega
hugmynd mfn að láta smíða
hann sem skuttogara,“ sagði
Guðmundur Jörundsson, út-
gerðarmaður Narfa, þegar
Morgunblaðið ræddi við hann
um þessar nýorðnu breytingar
á togaranum. „Hafði ég þá
hugsað mér að láta smiða
skipið eftir sömu teikningú og
hið þekkta skip Lord ^felson,
sem þá var einnig ( smfðum hjá
V-Þjóðverjum. Stjórnvöld hér
lögðust þegar á reyndi gegn
þessum fyrirætlunum minum,
þar sem þetta var talið of
áhættusamt. Eg tók hins vegar
mið af þeirri reynslu sem
fengin var af skuttogurum hjá
V-Þjóðverjum. Og það má leiða
að þvf hugann — ef orðið hefði
af þessum fyrirætlunum —
hvort það hefði ekki þýtt, að við
hefðum ekki þurft að taka
svona stórt stökk f endurnýjun
togaraflotans nd, því að þá
hefðum við verið búnir að fá
reynslu á þessi skip löngu
fyrr.“
Morgunblaðið spurói Guð-
mund hvaða megin ástæð-
ur væru fyrir því að hann
réðst nú í að láta breyta
Narfa í skuttogara og hvers
vegna hann hefði ekki fremur
látið smíða fyrir sig nýjan skut-
togara. „Þvi er til að svara, að
af þeirri reynslu sem fengin er
af þeim skuttogurum, sem
þegar hafa verið keyptir
hingað, má ljóst vera að vinnu-
skilyrði áhafnar um borð i slík-
um togurum hafa stórbatnað
frá því sem var á síðutogurun-
um. Ég sá þess vegna fram á
það að það gæti orðið veru-
legum vandkvæðum bundið að
mannaNarfa sómasamlega sem
síðutogara. Á hitt er einnig að
líta að þessi þýzkbyggðu skip
eru afar sterkbyggð og búin
góðum vélum, sem sjáanlegt er
að muni geta dugað enn um
alllangan tima. Ég tel þess
vegna að verið sé að bjarga
verulega miklum verðmætum
með breytingum af þessu tagi
og ef þessi breyting á Narfa
gefur góða raun álit ég að
ekkert sé þvi til fyrirstöðu að
eins verði farið að við fjóra
aðra síðutogara sem hér eru
fyrir. Og það má geta þess, að
tveir fulltrúar Lloydsfyrir-
tækisins, sem eftirlit höfðu með
breytingunni, létu þau orð falla
er togarinn var að ferðbúast
fyrir heimsiglinguna, að ég ætti
að vera vel birgur með þetta
skip næstu 12—15 árin.“
Guðmundur var þá spurður
að því, hvers vegna hann hefði
látið gera breytingarnar á
Narfa i Hollandi en ekki V-
Þýzkalandi, þar sem skipið var
upphaflega smíðað. „Það staf-
aði fyrst og fremst af því, að hjá
Hollendingunum var hægt að
fá skjótari afgreiðslu og eins
hagstæðari kjör hvað kostnað-
inn snerti. Og ég tel að þetta
verk hafi verið afar vel af
hendi leyst hjá starfsmönnum
hollenzku skipasmíðastöðvar-
innar. Heildarkostnaðinn við
verkið hef ég aftur á móti ekki
tekið saman enn sem komið er,
en ég tel mig þó geta verið
sæmilega ánægðan með útkom-
una. Helzta röskunin á upphaf-
legu kostnaðaraætluninni
stafar af gengisbreytingum, þar
sem krónan hefur lækkað um
u.þ.b. 50% frá því að samn-
ingurinn var gerður í febrúar
sl.“
Þegar Narfi siglir inn í
Reykjavikurhöfn í dag hefur
hann því tekið miklum stakka-
skiptum og eðlilega mestum
að aftan. „Þar hefur hann verið
breikkaður og gerð skutrenna,"
segir Guðmundur. „Þá hefur
verið komið fyrir þar stórum
gálgum og ég lét taka úr gamla
rafknúna trollspilið og í stað
þess voru settar átta vökva-
knúnar vindur frá Rapverk-
smiðjunum norsku og er þeim
stjórnað frá sérstöku stýrishúsi
aftan til i brúnni. Þannig er
gengið frá hlutunum að nær
allar hífingar eiga að geta farið
beint frá spilunum án þess að
mannshönd komi þar nærri og
er að því mikið öryggi fyrir
áhöfnina, eins og gefur að
skilja. Einnig er skipið búið
tveimur sjálfstæóum vökva-
kerfum — frá Rapverksmiðj-
unum einnig — sem knýja vind
urnar, og þó að annað bili á
togarinn að geta haldið áfram
veiðum með allt að 70% af ork-
unni. Þá var einnig bætt við í
skipið nýrri Caterpillarvél, 565
hestafla.
Jafnframt þessu fór fram
gagngerð breyting á fiskað-
gerðaraðstöðunni og fer nú
sú vinna öll fram undir þiljum.
Verður nú aflinn á öflugum
færiböndum frá fiskmóttök-
unni aftan til i togaranum og
fram í fiskaðgerðarrýmió.
Einnig voru sett ný fiskileitar-
tæki i togarann og allur bún-
aður varðandi flotvörpuveiðar.
Allar vélar skipsins fengu hina
fyllstu endurnýjun og olíu-
kerfið fyrir þykkolíuna (light
fuel oil) var fullkomnað, en
Narfi hefur undanfarin tvö ár
brennt slikri olíu og er að því
mikill sparnaður."
Guðmundur Jörundsson
hafði sjálfur með höndum yfir-
umsjón með beytingunni svo
sem hann hefur ævinlega gert,
en þetta er i tíunda skipti sem
hann lætur smlða og/eða
endurnýja skip fyrir sig. Helgi
Guðmundsson, fyrsti vélstjóri
Narfa, annaðist einnig eftirlit
með endurnýjun á vélum allan
timann sem á þeim stöð. Skip-
stjóri á Narfa er Þráinn
Kristinsson, en hann tók við
Narfa á sl. ári. Eftirleiðis
verður áhöfn skipsins 21 maður
i stað 27 áður. Narfi mun
væntanlega fara i fyrstu veiði-
ferð sína sem skuttogari i
næstu viku. 1 lok samtalsins við
Morgunblaðið kvaðst Guð-
mundur Jörundsson vilja sér-
staklega þakka Lúðvík Jóseps-
syni fyrrverandi sjávarútvegs
ráðherra, Halldóri E. Sigurðs-
syni, fyrrverandi fjármálaráð-
herra, og núverandi fjármála-
ráóherra Matthiasi A. Mathie-
sen fyrir veitta fyrirgreiðslu og
aðstoð við að koma þessum
breytingum á Narfa í kring.
Hausa í Reykjavík
með úrbrædda vél
BREZKA eftirlitsskipið Hausa
er nú búið að liggja í Reykjavík
i þvi sem næst þrjár vikur.
Ástæðan fyrir þessari löngu
legu skipsins hér er að sveif-
arrás skipsins bræddi úr sér og
allar legur eru sömuleiðis al-
gjörlega ónýtar. Taka mun
marga mánuði að gera við vél
Hausa. Væntanlegur er dráttar-
bátur frá Englandi um helgina
og mun hann draga Hausa út.
Leikfangamarkað-
ur í Hafnarfirði
LIONSKLUBBURINN Asbjörn
í Hafnarfirði fer nú um helg-
ina, laugardag og sunnudag, af
stað með hinn árlega leikfanga-
markað sinn. Á markaðnum
verður úrval allskyns leik-
fanga, auk leikfangahappdrætt-
is. Markaðurinn verður haldinn
í Sjálfstæðishúsinu í Hafnar-
firði.
Allur ágóðinn fer til góð-
gerðarstarfsemi og má geta
þess að s.l. haust gaf klúbbur-
inn lesvélar i alla barnaskóla
Hafnarfjarðar.
Albaníukvöld
á laugardaginn
UM þessar mundir eru 30 ár
liðin frá því er Alþýðulýðveldið
Albania var stofnað, eftir að
alþýða landsins hafði hrakið á
brott innrásarheri Italíu og
Þýskalands i heimsstyrjöldinni
seinni. Af þessu tilefni munu
Menningartengsl Albaniu og Is-
lands (MAl) halda almennan
fund í Lindarbæ, nióri, laugar-
daginn 30. nóvember n.k. Á
fundinum verða fluttar ræður
um sögu landsins og þjóðfélags-
hætti þess í dag. Auk þess verð-
ur á dagskránni upplestur,
söngur og myndasýning. MAl
hvetur alla velunnara félagsins
og aðra áhugamenn um málefni
Albaníu og albönsku þjóðarinn-
ar til að fjölmenna.
Fundurinn, sem vera á i
Lindarbæ, eins og áður segir,
hefst kl. 14.00.
Um 90 kr. meðal-
verð hjá Dagnýju
Siglufirði, 28. nóv.
SKUTTOGARINN Dagný frá
Siglufirði seldi 39.5 lestir af
fiski i Grimsby í gær fyrir
13.810 pund eða 3.7 millj. Isl.
kr. og var meðalverðið rétt um
90 kr. Þá á skipið eftir að selja
60 lestir af heilfrystum fiski.
Matthías.
Ráðstefna SUS um hús-
næðis- og byggingamál
LAUGARDAGINN 30. nóvember
n.k. verður haldin ráðstefna um
húsnæðis- og byggingamál ( veit-
ingahúsinu i Glæsibæ, og hefst
ráðstefnan kl. 13.30. Það er Sam-
band ungra sjálfstæðismanna,
sem hefur forgöngu að ráðstefnu-
haldinu, en að auki standa að
henni kjördæmissamtök ungra
sjálfstæðismanna ( Reykjavfk og
á Reykjanesi svo og Byggung-
félögin á Reykjavfkursvæðinu.
Markmiðið með ráðstefnunni er
að kynna mönnum það ástand,
sem ríkir í húsnæðis- og bygginga-
málum frá sem flestum hliðum og
ræða hugsanlegar úrbætur í
þessum efnum. SUS mun í vetur
fylgja eftir þeim ályktunum, sem
ráðstefnan fjallar um og reyna
með ýmsu móti að vekja athygli
ráðamanna á því ófremdar-
ástandi, sem ríkir í húsnæðis-
málum.
Ráðstefnan verður með því
sniði, að 6—7 sérfróðir menn
munu svara spurningum fundar-
manna áður en almennar umræð-
ur hefjast og einnig verða lögð
fram drög að ályktun og greinar-
gerð mönnum til fróðleiks. Siðan
verða almennar umræður og af-
greiðsla ályktana. Meðal þeirra
sem koma og svara fyrirspurnum
fundarmanna verða: Skúli
Sigurðsson skrifstofustjóri,
Gestur Ölafsson skipulagsarki-
tekt, Finnur P. Fróðason innan-
húsarkitekt, Einar Þ. Asgeirsson
arkitekt, Þorgils Axelsson bygg-
ingatæknifræðingur og Júlíus
Sólnes verkfræðingur. Þá mun
Gunnar Thoroddsen félagsmála-
ráðherra ávarpa ráðstefnuna.
Kjarvalskver Matthías-
ar með nýjum viðauka
KJARVALSKVER Matthiasar Johannessen er komiS út í nýrri útgáfu. Nýju
efni hefur verið baett i bókina, síðustu samtölum Matthisar við Kjarval,
kveðjuorðum og litmyndum.
„Þessi bók geymir i einu lagi viðtöl Matthiasar Johannessen við Jóhannes
Kjarval, bæði þau, sem birzt hafa áður og einnig önnur, sem ekki hafa fyrr
komið á prent auk áhrifamikils lokaþáttar frá hendi Matthíasar," segir á
kápusiðu. „Viðtölin eru svo merkileg heimild um einhvern mesta og
frumlegasta persónuleika þjóðarinnar, að sjálfsagt má þykja, að þau séu til á
einum stað, enda mun lesandi fljótt finna innra samhengi þeirra og listræna
stlgandi."
Þá segir á kápusfðu, að óvist sé, að Matthíasi hafi nokkurn tíma tekizt
betur en hér. Samband hans og Kjarvals sé náið og skemmtilegt. ,,í þessum
viðtölum heyrist umfram allt rödd listamannsins sjálfs ósvikin, sterk og
margbreytileg. Hún tekur yfir ótrúlega vitt svið milli ólikindaleiks og
trúnaðar, milli ævintýralegs gamans og djúprar alvöru."
Í formálsorðum
segir Sigurður
Benediktsson
m.a.: „Þetta er að
minu viti raun-
sönnust mynd af
Kjarval, sem enn
hefur birzt á
prenti."
Fjöldi mynda er
í bókinni. Guð-
mundur Alfreðs-
son tók litmynd-
irnar en Ólafur K.
Magnússon þær
svart-hvitu. —
Útgefandi er
Helgafell.
Forsíða Kjarvals-
kvers.
matthias johannessen
kjarvalskver