Morgunblaðið - 04.02.1975, Qupperneq 22

22
MORGUNBLAÐIÐ, ÞRIÐJUDAGUR 4. FEBRUAR 1975
Slakir stúdentar
töpuðu fyrir KR
ISLANDSMEISTARAR KR komu
fram hefndum gegn IS um helg-
ina þegar liðin léku seinni leik
sinn. IS sigraði I fyrri leiknum,
en nú áttu þeir ekki hina
minnstu möguleika og það þrátt
fyrir að Þröstur Guðmundsson,
Bragi Jónsson og Hilmar Vikt-
orsson léku ekki með KR. Þetta
stafaði þó ekki aðallega af nein-
um stjörnuleik hjá KR, heldur
hinu, að tS liðið virðist ekki svip-
ur hjá sjón miðað við fyrstu leiki
mótsins.
Talandi dæmi um getuleysi liðs-
ins I leiknum er það að það skorar
aðeins 21 stig í fyrri hálfleiknum
— þar af 13 úr vftum. KR-
ingarnir voru ekki miklu betri,
skoruðu þó 25 stig í hálfleiknum.
Varnir Iiðanna voru mjög þokka-
legar, en þetta stafar þó fyrst og
fremst af lélegri hittni.
Og allt fram á 10. mín. í síðari
hálfleiknum hélt barningurinn
áfram. Stúdentarnir jöfnuðu
fljótlega í upphafi hálfleiksins
27:27, síðan var jafnt 32:32, 34:34,
36:36, 40:40 og 42:42. En þegar
hér var komið sögu fór að færast
meira öryggi yfír KR-liðið og
strax fór að skilja sundur með
líðunum. Staðan breyttist i 48:43
fyrir KR og síðan í 59:47, og er
upp var staóið að leikslokum var
staðan 73:60 fyrir KR.
Körfuknattleiksmaður ársins
1974, Kristinn Stefánsson, var
iangbesti maður KR í þessum
leik. Hann gerði Bjarna Gunnar
nánast óvirkan i sóknarleiknum
og varði skot hans og annarra
hvað eftir annað. En ungu menn-
irnir í KR-liðinu þeir Gísli Gisla-
son og Árni Guðmundsson voru
þó þeir sem mesta athygli vöktu.
Þeir fengu nú meira tækifæri en
oft áður, og er ekki hægt að segja
annað en þeir hafi fyllilega skilað
því sem af þeim var krafist. Þá
má nefna Kilbein Pálsson sem fór
vel af stað í síðari hálfleik og
lagaði vel upp á „skorió sitt“.
Hvað er að gerast hjá IS? —
liðið hefur sýnt það fyrr í mótinu
að það getur spilað körfuknattleik
á við það besta sem gerist hjá
hinum liðunum í deildinni, en
eins og liðið lék þennan leik og
hefur reyndar leikið að undan-
förnu ætti það fremur heima í 2.
deild en 1. deild. Fumið, fátið, og
byrjendastíllinn sem kemur yfir
nær alla leikmenn liðsins samtím-
is sætir furðu og gefur liðinu ekki
eitt einasta stig í mótinu ef ekki
verður gjörbreyting á. Þeir léku
þennan leik að visu án þess að
hafa þjálfara sinn Gunnar Gunn-
arsson til að halda í hendurnar á
sér, en það afsakar ekkert, þeir
hafa verið þjálfaralausir áður og
samt leikið margfalt betur.
Kolbeinn Pálsson var stighæst-
ur I liði KR með 20 stig, Gisli
Gíslason skoraði 11 stig, Kristinn
Stefánsson 10 og Bjarni Jóhann-
esson 8 stig. — Jón Már Héðins-
son skoraði mest fyrir IS, alls 14
stig. Ingi Stefánsson og Steinn
Sveinsson 13 hvor, og Bjarni
Gunnar lét sér nægja 8 stig að
þessu sinni.
gk-
Bragi Jónsson, KR-ingur, og
Albert Guðmundsson, IS, f
baráttu um knöttinn.
JONSLAUSIR ARMENNINGAR
TÖPUÐU FYRIR UMFN
ÓVÆNTUSTU úrslit helgarinnar
í körfuboltanum voru án efa sig-
ur UMFN yfir Armanni á laugar-
dag. Ármenningar voru af flest-
um taldir öruggir sigurvegarar
fyrirfram, en eftir æsispennandi
leik sigraði UMFN með 82 stigum
gegn 80.
Þess ber þó að geta, að Jón
Sigurðsson lék ekki með Ar-
manni, og kom nú vel í Ijósi
hversu mikilvægur hann er lið-
inu. Ég er þess fullviss að hefði
hann verið með, hefðu Armenn-
ingar haft 20 stig yfir f hálfleik í
stað 7, og það hefði nægt Ár-
manni. En leikur Njarðvíking-
anna í síðari hálfleiknum var allt
annar og betri, og sigurinn sem
að vísu hefði getað lent hvorum
megin sem var, var jafn kærkom-
inn Njarðvík eins og hann var
óvæntur — þeir eru búnir að ná
f 12 stig sem er sex stigum meira
en liðið hefur hlotið i 1. deild
áður. — Og það sem meira er,
liðið er með I baráttunni á toppn-
um í 1. deild í fyrsta skipti.
Þótt Björn Christensen ætti
stjörnuleik hjá Ármanni nægði
það ekki til að fylla skarð Jóns.
Jón er sá sem allt byggir upp hjá
liðinu — og með fullri virðingu
fyrir þeim bakvörðum sem þar
eru aðrir verður að segja að þeir
ná alls ekki að taka að sér það
hlutverk. Þetta var sérstaklega
áberandi í upphafi leiksins þegar
hver sókn liðsins af annarri rann
út i sandinn. Það sem bjargaði
liðinu þá var það að Njarðvíking-
arnir voru engu betri.
Ármann skoraði 8 fyrstu stigin,
en UMFN svaraði meó öðrum 8.
Síðan fylgdust iiðin að þar til um
miðjan hálfleikinn, en þá náði
Ármann 14 stiga forskoti 33:19,
sem Njarðvík minnkaði í 39:32
fyrir hálfleik. — Síðari hálf-
leikurinn var svo ávallt mjög
jafn, liðin skiptust á um forust-
una og jafnt var 78:78 er ein min.
var eftir. Stefán Bjarkason kom
UMFN yfir 80:78 þegar 50 sek.
UMFN LAGÐIVAL LIKA
ÞAÐ GUSTAR heldur bet-
ur af körfuknattleiksliði
UMFN þessa dagana. Þeir
unnu Ármann á laugardag,
og daginn eftir urðu Vals-
menn fórnarlömb þeirra.
Liðið hefur þar með sigrað
öll liðin í deildinni nema
KR og IR, en iR-ingar eiga
eftir að mæta þeim í
STAÐAN
ÍR 8 7 1 667:617 st. 14
KR 8 6 2 708:630 12
UMFN 9 6 3 721:688 12
Á 8 5 3 672:615 10
ÍS 8 4 4 597:596 8
Valur 8 3 5 663:654 6
Snæf. 7 1 6 446:546 2
HSK 8 0 8 548:676 0
Stigahæstir:
Kolbeinn Pálsson KR 210/46
Stefán Bjarkason UMFN 180/24
Brynjar Sígmundsson UMFN1 70/ 14
Kristinn Jörundsson ÍR 162/34
Jón Sigurðsson Á 158/14
Símon Ólafsson Á 148/34
Þórir Magnússon Val 146/16
Best vltaskotanýting (20 skot eSa
fleiri)
Kolbeinn Pálsson KR
66:46 = 70%.
Símon Ólafsson Á
50:34 = 68%.
Jón Jörundsson ÍR
28:19 = 68%.
Stefán Bjarkason UMFN
36:24 = 67%.
Sigurður Hafsteinsson UMFN
24:16 = 67%.
Kristinn Jörundsson ÍR
52:34 = 65%.
Anton Bjarnason HSK
20:13 = 65%.
Dæmdar villur á lið:
Ármann 235
KR 213
UMFN 210
Valur 207
ÍS 165
HSK158
ÍR 151
Snæf. 1 30
Brottvísun af velli (5 villur)
Ármann 1 5
KR 15
Valur 13
UMFN 12
Snæf. 5
ÍS 3
ÍR 2
HSK 2
Njarðvík — um aðra helgi.
UMFN hefur hlotið 12 stig
í mótinu, aðeins tveim stig-
um minna en IR sem er í
efsta sætinu, en að vísu
leikið einum leik meira.
Leikurinn við Val var mjög
harður, sem sést best á þvi að það
voru dæmd alls 64 viti í leiknum
sem stendur í aðeins 40 mín. Oft
veltust leikmenn liðanna um á
gólfinu margir saman, og aldrei
var gefið neitt eftir. Til marks um
baráttuna má nefna að eitt sinn
þegar þeír skullu saman Brynjar
Sigmundsson og Jóhannes
Magnússon, lenti Jóhannes með
aðra höndina í munni Brynjars og
eftir varð stórt sár. — Ekki leit þó
út fyrir annað en að Valur ætlaði
að sigra auðveldlega í leiknum.
Þeir komust í 20:8 en góður kafli
UMFN i lok hálfleiksins minnk-
aði muninn og í hálfleik var
staðan 42:39 fyrir Val. Valur
komst svo 8 stig yfir i upphafi
síðari hálfleiks, en það var orðið
jafnt aftur um miðjan hálfleik og
UMFN komst síðan yfir, og góður
kafli liðsins á lokamínútum leiks-
ins tryggði sigurinn 82:77 fyrir
Njarðvík.
Brynjar Sigmundsson var
frískur að venju og skoraði 25
stig, Stefán Bjarkason 19, Sigurð-
ur Hafsteinn 14 og var bestur í
liðinu, Gunnar Þorvarðarson 10
stig. Torfi Magnússon skoraði 22
stig fyrir Val, Þórir 13, Kári 12 en
þeir urðu báðir að yfirgefa
völlinn um miðjan s.h. með 5
villur. Og ekki má gleyma að geta
frammistöðu Rikharðs Hrafnkels-
so'nar U-landsliðsmanns sem lék
sinn besta leik með liðinu til
þessa.
Þessi úrslit gera endanlega út
um vonir Valsmanna að hijóta
Islandsmeistaratitilinn — en ekki
er ótrúlegt að einhverjir á Suður-
nesjum „gæli“ nú við þá hugsun
að bikarinn hafni þar.
gk.
voru eftir, en Björn jafnaói fyrir
Armann 15 sek. siðar.
Sigurður Hafsteinsson fékk svo
tvö vítaskot þegar 18 sek. voru
eftir, og skoraði úr báðum —
82:80 fyrir UMFN. — Ármann
hóf sókn en missti boltann.
UMFN fékk sókn en missti bolt-
ann einnig, og Ármenningur
reyndi körfuskot um ieið og
flautan gall.
— Það mistókst, og Njarðvík-
ingarnir stigu stríðsdans fyrir
áhorfendur sem flestir voru á
þeirra bandi — 2 fullar rútur frá
Njarðvik auk annarra sem töldu
sér hag í ósigri Armanns.
Einar Guðmundsson var bestur
Njarðvíkinga í þessum leik, sem
var hans besti i mótinu. Hann
skoraði 20 stig, en Brynjar Sig-
mundsson einnig átti mjög góðan
leik var með 25 stig. Stefán
Bjarkason með 15, og Gunnar
Þorvarðarson 12. — Björn
Christensen var bestur Ármenn-
inga og einnig stighæstur með 27
stig, Símon Ólafsson skoraði 19
stig, þrátt fyrir villuvandræði,
sem geróu það að verkum að hann
lék ekki nærri allan leiktímann.
gk-
Bjarni Gunnar ÍS
39:26 = 67%.
9k —
(Jileik Ármanns og UMFN. Haraldur Hauksson og Björn Magnússon,
Ármenningar, f baráttu við N jarðvfkinga.