Morgunblaðið - 21.05.1975, Blaðsíða 26
30
MORGUNBLAÐIÐ, MIÐVIKUDAGUR 21. MAl 1975
Laufey Guðlaugs-
dóttir—Minning
HINN 13. þ.m. andaöist í Borgar-
spítalanum frú Laufey Guðlaugs-
dóttir, Langholtsvegi 47 hér í
borg, eftir langvarandi vanheilsu.
Er því enn höggvið stórt skarð í
hóp vina minna og venslamanna,
þar sem hin látna var tengda-
móðir yngstu döttur minnar,
Ásgerðar. Mér er því bæði ljúft og
skylt að minnast frú Laufeyjar
með nokkrum orðum, nú þegar
hún er öll.
— Sigríður Laufey hét hún
fullu nafni og var fædd á Stokks-
eyri 28. júlí 1906, dóttir hjónanna
Guðlaugs Skúlasonar, Guðlaugs-
sonar í Nýjabæ í Flóa og Unu
Gísladóttur, Guðnasonar, bónda í
Þverspyrnu, Hrunamannahreppi.
PJkki kann ég að rekja nánar ættir
þeirra, en veit, að þau Una og
Guölaugur voru hin mestu
dugnaöar- og sæmdarhjón, virt og
vel metin af samtíðarmönnum
sínum. Þau giftust um síðustu
aldamöt, liðlega tvítug að aldri.
Bjuggu fyrst á Stokkseyri en
fluttu lil Reykjavíkur 1913. Ciuð-
laugur var fjölhæfur verkmaður,
enda mjög eftirsóltur til sjós og
lands. Hann var lengi á togurum á
þeim árum, sem það þótti arðbær
atvinnuvegur. Una var forsjál og
dugleg húsmóðir, þeim búnaðist
því vel og eignuðust fljótt allstórt
hús, sem þau bjuggu i tii elli.
Fimm voru börn þeirra, fjórir
synir og ein dóttir, sem hér um
ræðir. Bræðurnir eru allir á lífi,
búsettir hér í borg og hinir nýt-
ustu þegnar þjóðfélags vors.
Laufey ólst því upp á góðu
heimili og naut í ríkum mæli
ástar og umhyggju foreld-ra sinna
og bræðra, enda þeirra frænd-
semi góð alla tið. Laufey naut
ekki annarrar skólagöngu en
barnaskölans. Slikt var ekki tíska
á þeim tíma, en hún vandist
snemma vinnu, bæði heima og að
heiman. Þannig lærði hún allt
það, sem húsfreyjum í þann tíð
þótti nauðsynlegt, enda bæði
vinnufús og verklagin. Hún þótti
t.d. ágæt saumakona og hafði
ánægju af því starfi.
Hinn 23. september 1925 giftist
Laul'ey eftirlifandi manni sínum
Ágústi Jónssyni, bílstjóra, fjöl-
hæfum dugnaðarmanni, fóslur-
syni sæmdarhjónanna Ólafs
Gunnlaugssonar og Helgu Þor-
kelsdóttur i Ártúnum í Mosfells-
sveit. Þau Ágúst og Laufey hafa
alltaf verið búsett hér í Reykjavík
og alltaf búið i eigin húsnæði að
undanskildum fyrstu 5 árunum,
lengst af á Langholtsvegi 47. Mér
finnst það kraftaverk fyrir barn-
margan verkamann að geta eign-
ast þak yfir höfuðið á kreppu-
árum fjórða tugar þessarar aldar.
Laufey og Ágúst hafa eignast 10
börn. Allir geta skilið hvílíkt starf
er fólgið í að sjá svo stóru heimili
farborða. Húsbóndinn er að vísu
dugnaðarforkur og úrræðagóður
en ég hygg að hann telji hlut
húsfreyjunnar ekki minni, því að
hún reyndist bæði hagsýn, fjöl-
hæf og dugleg til verka, ástrík og
umhyggjusöm móðir og eigin-
kona. Heimilið var hennar
heimur. Fyrir það fórnaði hún
öllu lífi sínu og starfi með glöðu
geði.
Börn þeirra hjóna eru, talin í
aldursröð: Guðlaugur Gunnar,
bóndi í Stærribæ í Grímsnesi,
kvæntur Halldóru Jónsdóttur.
Ólafur Helgi, járnsmiður, dó
1971. Vigdís Sigurbjörg, dó í
bernsku. Victor Sævar, yfirverk-
stjóri hjá bæjarsimanum, kvænt-
ur Ásgerði Ingimarsdóttur.
Vigdís Elín, g. Magnúsi Sigur-
geirssyni, bílstjóra, Skúli, iðn-
verkamaður hjá Járnsteypunni
h/f. Unna Svandís iðnaðarverka-
mær, heitbundin Ólafi Kristófers-
syni, bankastarfsmanni, Hrafn-
hildur Auður, g. Stefáni
Benediktssyni, starfsmanni hjá
Shell. Ingi Björgvin, iðnverka-
maður hjá Kassagerð Reykja-
víkur, og Aldis, sem enn er heima
í föðurgarði, ásamt Inga og Skúla.
Barnabörnin eru orðin 15 og tvö
barnabarnabörn. Ég hygg að þessi
niðjahópur sé og verði traust og
gott fólk, sem stendur vel í sinni
stöðu. En vegna tengsla minna við
þennan hóp þykir sennilega ekki
hæfa, að ég hafi fleiri orð þar um.
En ég vil ekki láta þess ógetið,
að meiri hluti þessara systkina,
barna Ágústs og Laufeyjar,
starfaði með mér í góðtemplara-
félagsskapnum. Yngstu systkinin
voru mörg ár i barnastúku, sem
ég veitti forstöðu. Öll reyndust
þau fórnfús og skylduræknir
starfsmenn, sem báru foreldrum
sínum ágætt vitni. Fyrir það er ég
þeim alltaf þakklátur, bæði mfn
vegna og félagsskaparins. Betur
væri að sem flestir æskumenn
fetuðu þar í þeirra spor.
Laufey var vel gefin og lagleg
kona, prúðmannleg i framkomu,
orðvör og umtalsfróm, enda
vinsæl og vel metin í hvívetna.
Hún átti frábærlega létta og glaða
lund en var þó svo ótrúlega kjark-
mikil, þegar á móti blés. Félags-
lynd var hún að eðlisfari og starf-
aði í kvenfélagi safnaðar síns og
Styrktarfélagi vangefinna. Segja
má, að Laufey rétti hverju góðu
málefni hjálparhönd eftir mætti,
enda- trúuð kona, þótt hún hefði
ekki mörg orð þar um. En þar
mun hún hafa styrks leitað í and-
streymi lifsins. Og eins og að
framan sést, komst Laufey ekki
framhjá erfiðleikum á langri Ieið.
Tvö börn sín missti hún. Annað
þeirra, Ólafur, var veikur árum
saman, þar til yfir lauk. Móðir
Laufeyjar lamaðist og lá mörg ár
rúmföst. Laufey kom iðulega til
hennar og hjálpaði gömlum föður
sínum við hjúkrunina. Sjálf veikt-
ist Laufey af þrálátum hjarta-
sjúkdómi fyrir nær tveim tugum
ára og bar þann kross ævilangt.
Tvisvar sinnum fóru þau hjón er-
lendis í læknisleit og oft var
Laufey lengi á sjúkrahúsum hér,
sárþjáð. Oft héldu ástvinir
hennar, að síðasta stundin væri að
koma, en aftur og aftur sigraði
lífsþrek sjúklingsins, lífsgleði og
bjartsýni, svo að hún gat aftur
stundað störf sín. En að lokum
bilaði þrekið. Fyrir rúmum fimm
vikum fór Laufey enn á sjúkra-
hús og átti ekki afturkvæmt. En
hún talaði lítið um sínar eigin
þjáningar. Hugurinn var allur hjá
ástvinum hennar, eiginmanni,
börnum og fjölskyldum þeirra.
Hún var þeim öllum kær og þau
henni. Þar bar aldrei skugga á.
Mér er það t.d. vel kunnugt að
dóttir min, Ásgerður, og Laufey
voru miklir vinir, því að hún var
elskuleg tengdamóðir og amma.
Það er sannleikur, sem einn vin-
ur Laufeyjar sagði, að hún var ein
af þessum hljóðlátu hetjum
hversdagslífsins.
Það verða margir, er sakna
vinar í stað nú þegar frú Laufey
er horfin af sjónarsviðinu og þeir
mest, sem stóðu henni næst. En
ekki tjáir um að fást. Öll förum
við þessa leið að lokum. Valdi
dauðans verða allir að lúta. Og
þegar heilsan er farin, er hann
kærkominn gestur. En þegar
vinur deyr, mun það vera ein
besta huggunin að hugsa um það
sem var — og þakka forsjóninni
fyrir að hafa átt samfylgd góðs
vinar mörg ár. Svo mun og verða
við brottför umræddrar ágætis-
konu. —
Hér læt ég staðar numið. Með
línum þessum votta ég ástríkum
eiginmanni og öllu skylduliói
frú Laufeyjar Guðlaugsdóttur
Framhald á bls. 39
t
PETRlNA berta ólsen
Hamarsstfg 37
Akureyri
lést á Landakotsspítala 5. þ.m..
Jarðarförin hefur farið fram.
Þökkum af alhug auðsýnda sam-
úð. Fyrir okkar hönd og annarra
vandamanna.
Ásta Vilhjálmsdóttir,
Kristján Guðmundsson
Sesselfa Eldjárn.
S. Helgason hf. STEINIÐJA
llnholti 4 Slmar 26677 og 14254
Eiginkona mín t KRISTJANA JÓSEFSDÓTTIR.
frá Görðum Aðalvfk,
Laugarnesvegi 106. Reykjavík,
andaðist í Landakotsspftalanum aðfaranótt 1 8. maí.
Betúel Jón Betúelsson.
Útför,
JÓNU GUORÚNAR SIGUROARDÓTTUR,
Njálsgötu 81,
er andaðist 1 3. maí s.l. fer fram frá Fossvogskirkju fimmtudaginn 22.
maí kl 1.30.
Fyrir hönd vandamanna,
Margrét Einarsdóttir.
t
Maðurinn minn
ALFONS GÍSLASON
frá Hnífsdal
andaðist I Elli- og hjúkrunarheimilinu Grund mánudaginn 1 9. maí.
Helga Sigurðardóttir
t
Eiginmaður minn,
JÓN Ó. NIKULÁSSON
skipstjóri,
Ljósheimum 20,
andaðist i Landspítalanum mánudaginn 1 9. mai
Fyrir hönd vandamanna,
Margrét Kristinsdóttir.
t
Maðurinn minn, faðir okkar, tengdafaðir og afi
ODDUR G. RÖGNVALDSSON
Vesturgötu 56
lést mánudaginn 1 9. mai á Borgarspitalanum.
Arndís Ólafsdóttir
Ólafur Guðni Oddsson Ragnhildur Gunnarsdóttir
Þórður Oddsson Hildur Marfasdóttir
og barnabörn.
t
Eiginmaður minn, faðir okkar, tengdafaðir og afi,
JÓN NfELS JÓHANNSSON,
Skólavörðustíg 17b,
andaðist á Borgarspítalanum 18. maí. Jarðarförin fer fram frá Foss-
vogskirkju þriðjudaginn 27. maí kl. 3.
Vilborg Guðjónsdóttir,
Bjarni Á. Jónsson, Kristjana Stefánsdóttir,
Ólöf Jónsdóttir, Gfsli G. Hafliðason,
Guðný Ýr Jónsdóttir,
Þurfður J. Jónsdóttir, Gylfi Baldursson,
Kristfn H. Jónsdóttir, Sigurður B. Þorsteinsson.
og barnabörn.
t
Sonur minn,
RAFNSVAVARSSON,
verður jarðsunginn frá Fossvogskirkju, fimmtudaginn 22. maf kl. 3
e.h.
Þórunn Guðmundsdóttir
t
KRISTMUNDUR GfSLASON
rafvirkjameistari,
Óðinsgötu 8b, Reykjavfk
verður jarðsunginn frá Fossvogskirkju fimmtudaginn 22. maf kl.
10.30. Blóm og kransar vinsamlegast afbeðnir, en þeir sem vildu
minnast hins látna, láti Ifknarstofnanir njóta þess.
Vandamenn.
t
Þökkum innilega auðsýnda samúð vegna andláts móður- minnar,
tengdamóður og ömmu,
JÓHÖNNU JÓNSDÓTTUR,
frá Hemru.
Guðrún Einarsdóttir, Ólafur Guðmundsson,
Bjarni Einar Ólafsson, Guðmundur Ólafsson.
t
Hjartans þakkir til allra er auðsýndu okkur samúð og vinarhug við
andlát og jarðarför föður okkar, tengdaföður, afa, langafa og húsbónda
mfns,
ÞÓRÐARGUONASONAR,
Hvftanesi.
Sérstakar þakkir færum við læknum og hjúkrunarliði handlæknis-
deildar IV A Landspftalans.
Guðni Þórðarson, Sigrún Jónsdóttir,
Björn Þ. Þórðarson, Lilja Ólafsdóttir,
Sturlaugur Þórðarson, Herborg Antonfusdóttir,
Eva Þórðardóttir, Magnús Hafberg,
Aage Hansen.