Morgunblaðið - 23.11.1975, Blaðsíða 47

MORGUNBLAÐIÐ, SUNNUDAGUR 23. NÖVEMBER 1975
47
— Portú^al
Framhald af bls. 1
Sósíalistar gagnrýndu í dag ný
áform um bein pólitísk tengsl her-
aflans og verkamannaráða sem
gæti verið undanfari myndunar
einræðisstjórnar vinstriöfga-
manna. PPD gagnrýndi byltingar-
ráðið fyrir að hafa ekkert gert til
að leysa stjórnarkreppuna.
Báðir flokkar gagnrýndu
Francisco da Costa Gomes forseta
fyrir að kalla fund sem kommún-
istar héldu til að mótmæla „verk-
falli“ stjórnarinnar „mikinn sigur
fyrir sósíalisma.“ Sósíalistar sök-
uðu hann um hringlandahátt og
gagnrýndu hann fyrir að taka af-
stöðu gagnvart stjórninni sem
væri ábyrg gagnvart honum.
— Talsmaður
Framhald af bls. 1
Blaðið segir að Thundercliffe
muni efna til atkvæðagreiðslu
meðal togaraskipstjóranna í tal-
stöðvum þeirra til að ákveða hvar
þeir skuli veiða.
Tom Nielson, framkvæmda-
stjóri félags yfirmanna á Hull-
togurum og talsmaður félaganna I
Hull, Grimsby og Aberdeen, sagði
f viðtali við Mbl. í gær að hann
vissi ekki til þess að skipstjór-
arnir hefðu sett nokkra úrslita-
kosti.
Þegar honum var bent á að
sjávarútvegsráðuneytið i London
hefði staðfest að skiptstjórarnir
hefðu hótað að fara frá míðunum
ef freigátur birtust ekki innan
þriggja sólarhringa, sagði Nielson
að hann hefði verið í London
þegar úrslitakostirnir voru settir
og enginn i ráðuneytinu hefði
kannazt við þá. Hann kvaðst telja
að um væri að ræða einhvern til-
búning blaðamanna.
Nielson sagði að einu áform
brezku skipstjóranna væru að
veiða upp að tólf mílum. Um
siglingu togaranna í suðurátt
sagði hann að sennilegast væri að
aðstoðarskipin hefðu úthlutað
togurunum nýju veiðihólfi.
Jón Olgeirsson kvaðst ætla að
úrslitakostnirnir hefðu verið
settir á miðvikudag en siðan
dregnir til baka.
— Spánn
Framhald af hl« i
Eftir athöfnina biðu þúsundir
manna utan við þinghöllina. Þegar
konungsfjölskyldan kom akandi i
fylgd öflugs gæzluliðs veifuðu
konungshjónin til mannfjöldans,
sem fagnaði þeim með lófataki og
hrópaði „Lengi lifi konungur-
inn“.
Allt fór friðsamlega fram í
Madrid i dag og voru allar
verzlanir lokaðar í tilefni dagsins.
Krónprins Spánar er Pelipe de
Borbon y Grecia, sjö ára sonur
Juans Carlosar I. og Soffíu
drottningar hans, sem er dóttir
Páls Grikkjakonungs og systir
Konstantíns konungs, sem nú er i
útlegð. I stjórnarskrá Spánar er
kveðið svo á, að krónprinsinn taki
ekki við konungdómi fyrr en
hann hefur náð 30 ára aldri. Beri
andlát konungs að höndum áður
en hann hefur náð tilskildum
aldri mun rikisstjóri — einn eða
fleiri — taka við stjórn landsins.
— Þjófnaður
Framhald af bls. 48
mun meira stolið í seinna innbrot-
inu, gullhringum og ýmsu öðru
verðmæti. Bæði innbrotin voru
rannsökuð á sínum tíma en upp-
lýstust ekki. Hins vegar hafði Jón
augun opin allan timann ef vera
kynni að eitthvað kæmi fram sem
varpað gæti Ijósi á málin. Það var
svo fyrir nokkrum dögum að hann
komst á sporið og handtók konu
nokkra sem viðurkenndi bæði
innbrotin. t fyrra skiptið braust
hún inn ásamt annarri konu en í
seinna skiptið naut hún aðstoðar
karlmanns við verknaðinn. Allt
þetta fólk hefur áður komið við
sögu lögreglunnar.
r
— 01 barn
Framhald af bls. 48
f ferðinni. Þegar komið var
niður af Hálfdán á leið til
Patreksfjarðar, var komið að
því að konan skyldi fæða og
varð að stöðva bifreiðina
meðan fæðingin fór fram. Yfir-
lögregluþjónn staðarins, Páll
Janus Pálsson, aðstoðaði ljós- '
móðurina og gekk fæðingin
vel, en að henni lokinni var
haldið rakleiðis á sjúkrahúsið
hér.
Lögreglan á Patreksfirði er
vel búin tækjum, þar sem hér
er nýlegur sjúkrabíll og ein
lögreglubifreið. En i þetta
skipti var sjúkrabíllinn f smá
viðgerð og varð þvi að fara á
lögreglubifreiðinni. Lögreglu-
þjónar þeir, sem starfað hafa
hér undanfarin ár, hafa þótt
sýna einstakan dugnað í
vetrarferðum við sjúkra-
flutninga. I allar áttir er yfir
erfiða fjallvegi að fara, þar
sem oft eru mikil snjóalög og
hálka í brekkum, og vegir
þykja hér víða hættulegir.
Kunna menn vel að meta störf
þeirra. Núverandi lögreglu-
þjónar staðarins eru Páll
Janus Pálsson og Pétur Sveins-
son. Páll
— Elfa Björk
Framhald af bls. 2
stærsta almenningsbókasafn á
Norðurlöndum, og þetta var
mfn stóra gæfa, því ég var
þarna við alls konar störf og
kynntist mörgum hliðum safn-
vinnu.“ Síðan sækir hún um að
komast að við bókasafnsskóla
safnsins og vann jafnframt við
safnið. „Þetta var alveg stór-
kostleg reynsla, þvf fyrir utan
allt það fólk sem maður kynnt-
ist þá gat maður þarna samein-
að nám og starf, teoríu og
praktík". 1 desember 1973 lauk
hún prófi við þennan skóla. „Eg
bjóst ekkert frekar við að fara
heim í bráð og ég vann því
áfram f Svíþjóð.m.a. var ég eitt
sumar með bókaþjónustu fyrir
eiturlyfja- og áfengissjúkl-
inga.“
,„En Eirfkur Hreinn Finn-
bogason, fyrrverandi borgar-
bókavörður, hafði mikinn
áhuga á að ráða bókasafnfræð-
ing, menntaðan á Norðurlönd-
um til að annast talbókasafn
fyrir blinda og heimsendingar-
þjónustu fyrir fatlaða, og það
varð úr að ég fluttist heim og
tók við þessu starfi 1. maí 1974.
Og það var alveg eins og stórt
ævintýri að koma heim og byrja
svona starf alveg frá grunni,
þótt það hafi vissulega verið
erfitt.“
„Mér finnst að þessi gamla
mynd af bókasafni sem ein-
hverju rykföllnu, þöglu og
þrúgandi mætti gjarnan
hverfa," sagði Elfa Björk
Gunnarsdóttir að lokum.
„Bókasafn á að vera opin, lífleg
stofnun, þar sem líka má tala og
hlæja. Og ég held að fáar stofn-
anir í þjóðfélaginu hafi breytzt
jafn mikið á undanförnum
árum og bókasöfnin. Þau eru
ekki lengur staðir þangað sem
fólk kemur eingöngu til að fá
sér bækur úr hillum. Þau eru
stofnanir með fjörmikilli starf-
semi af ýmsu tagí, og þau eiga
allt eins að koma með bæk-
urnar til fólksins. Markmið
bókasafns hlýtur að vera að sjá
um að réttar bækur komist í
réttar hendur, að bækurnar fái
Vængi. Og sjálft starfið í bóka-
safninu er í eðli sfnu stórkost-
legt starf, því bókin getur verið
góð leið að manneskjunni. Það
er alltjent manneskjan sem
mestu máli skiptir.“
— Rannsókn
Framhald af bls. 2
velt hefi verið að leiðrétta og
hann hefði aldrei snert við þessu
fé. Þá væri allt tal um risnukostn-
að mjög orðum aukið.
„Hitt er svo annað mál,“ sagði
Sigfinnur, „að það er ekki fyrir
neinn mann að vinna við svona
skilyrði þar sem pólitískt hatur og
persónuleg öfund ráða. Hér hefur
maður verið að vinna myrkranna
á milli til að draga bæjarfélagið
upp úr sukki og óreiðu sfðustu ára
og svo fær maður svona nokkuð
framan í sig. Það er t.d. ekki búið
að afgreiða reikninga bæjarins
frá árunum 1973 og 1974 og 5
manns eru í stöðugri vinnu til að
reyna að komast til botns í þessu.
En eitt er víst, að ég ætla ekki að
gefast upp fyrir þessum
mönnum."
Sigfinnur sagði að lokum að
hann hefði stefnt ábyrgðarmanni
blaðsins „Fréttir" sem gefið er út
í Eyjum fyrir ummæli sem blaðið
hefði birt um sig.
Einbýlishús
til sölu gamalt einbýlishús í Vesturbænum. Stór
bílskúr með hita og 3ja fasa raflögn. Stór
garður. Símar 43326 — 73361 — 30662.
Grundig radíófónn
eykur
heimilisgleðina
Þetta er GRUNDIG Ballade 4, vandaður og glæsi-
legur stereo radiófónn á hagstæðu verði. Viðtækið,
sem er fullkomið og langdrægt, er með langbylgju,
miðbylgju, stuttbylgju og FM. FM bylgjan er gerð
fyrir stereo móttöku, en væntanlega hefjast stereo
útsendingar útvarps áður en of langt um liður. Plötu-
spilarinn, sem er af gerðinni Automatic 60, er auð-
vitað stereo lika. Er hann byggður hvort heldur er
fyrir einstakar plötur eða 6—7 plötur með sjálf-
virkri skiptingu. Stórir, vandaðir „superphon“ há-
talarar tryggja góðan hljómburð, auk þess, sem
úttak er fyrir 2 viðbótarhátalara. i Ballade 4 er
einnig hólf, sem nota má fyrir segulbandstæki eða
plötugeymslu. — Ballade 4 er i valhnotukassa, og
eru utanmál hans þessi: Breidd 133 sm., hæð 76 sm.
og dýpt 36 sm. f fáum orðum sagt, Ballade 4 er
fallegt og fullkomið hljómtæki með 3ja ára ábyrgð
og kostar aðeins kr. 111.100,00. Við eigum einnig 3
aðrar gerðir GRUNDIG radiófóna. Væri ekki heilla-
ráð að koma við og kanna málið nánar?
NESCO HF
Leidandi fyrirtæki á sviöi sjónvarps-útvarps- og hljómtækja.
Verzlun Laugavegi 10 Reykjavik. Simar: 19150-19192-27788