Morgunblaðið - 05.11.1976, Blaðsíða 24

24
MORGUNBLAÐIÐ, FÖSTUDAGUR 5. NÓVEMBER 1976
— Bandaríkja-
markaður
Framhald af bls. 44
leyti um nokkurt skeiö, þannig að
verðbilið milli flakanna og
blokkarinnar hefur minnkað
verulega vegna hinnar miklu
hækkunar sem orðið hefur á
þorskblokkinni. Verðmunurinn
núna er aðeins um 13% en eftir
að verðfallið mikla hafði orðið á
blokkinni á sínum tíma og fór
niður í 58 cent, tókst íslenzku
fyrirtækjunum að halda flak-
verðinu stöðugu í 86 centum,
þannig að verðmunurinn þá var
milli 50 og 60%.
Sigurður sagði, að forráðamenn
SH hefðu á sfnum tíma ákveðið að
hækka siðan verð á flökum áður
en nokkur skriður var kominn á
verðið á þor^kblokkinni, sem
fylgir hinu almenna markaðs-
verði á fiski í Bandaríkjunum.
Sambandið hefði þá siglt í kjöl-
farið og mörgum þótt djarft teflt
hjá islenzku fyrirtækjunum, en
raunin hafi sem sagt orðið sú að
þessi verðhækkun hefði staðizt.
Síðan hefði aftur á móti verð á
blokkinni stöðugt farið hækkandi
en verð á flökum haldizt tiltölu-
lega stöðugt. Þannig að verðhlut-
fallið milli þessara tveggja fram-
leiösluvara væri gjörbreytt frá
þvi sem var fyrir um ári síðan.
— Þíðviðri
Framhald af bls. 44
ast til að það verði orðið fokhelt
áður en fyrstu snjóa gerir.
Hingað til hefur enginn snjór
komið og fjallvegir eru allir
færir enn þá, sagði Andrés að
lokum.
FLEIRI ÞRESTIR 1
GRÍMSEY EN
ELZTU MENN MUNA
— Fádæma mikið hefur verið
af þröstum hér í haust og mun
meira en elztu menn muna,
sagði Alfreð Jónsson, oddviti í
Grímsey, við Morgunblaðið í
gær. — Eru þetta svartir, brún-
ir og jafnvel gráir þrestir, en
þeir hafa ekki sézt hér í eynni
áður. Það er alltaf eitthvað af
þröstum hér í eynni, en fjöld-
inn er nú meiri en nokkru sinni
fyrr og kunnum við ekki skýr-
ingu á því. Eitthvað af þröstum
verpti hér í vor og tókst varpið
mjög vel.
— Krían fór héðan óvenju
seint, eða um 10. október.
Venjulega fer hún héðan í sept-
emberbyrjun og kunnum við
ekki aðra skýringu á þessu en
góða veðrið í sumar og framan
af hausti. Þrátt fyrir þíðviðrið
hafa bátar þó lítið getað róið á
síðustu vikum vegna rysjóttrar
tfðar. Hér hafa allir hins vegar
nóg að gera við saltfiskpökkun
eftir ágæta sumarvertíð, sagði
Alfreð að lokum.
ÍSFIRÐINGAR
UPPTEKNIR AF
HÓTELBYGGINGU
OGSNJOTROÐARA
— Framkvæmdir hófust hér
á ísafirði um sfðustu helgi við
byggingu nýs hótels og er unnið
af krafti við það verk þessa
dagana, sagði Olafur Þórðarson
á ísafirði í ga*r. Fyrsti áfangi
verksins er gerð undirstöðu og
botnplötu og á þeim áfanga að
vera lokið í jnúar Tílboðsupp-
hæð í þennan áfanga nam 14.2
milljónum króna og.er það fyr-
irtækið K'ubbur hf. á Ísafirði,
sem er ! ' >■■ mgin
verðurreisl í mwbæ bsafjarðar,
gegnt Hafnarsl’ ■ n og Aðal-
stræti og verður ; . ,n b.’eðir,
Aðspurðui > n-
armál sliikkviliðsmanna á Isa-
firði væru leyst sagði Oiafur að
verið va n að vin> .. ,ið lausn
þessa máls og virtist eitthvað
þokast i att Itl saiekoinuiags
þessa dagaria.
— íþróttamennirnir okkar
ganga í hús um þessar mundir
og safna fé fyrir snjótroðara,
sem kemur hingað um áramót.
Kostar hann um 5 milljónir
króna og verður örugglega
mikil' -lyftistrin=g-- -fyrip skiða-
íþróttina og vonandi gengur
söfnunin vel sagði Ólafur að
lokum.
MIKLAR
VATNSVEITU-
FRAMKVÆMDIR A
HVOLSVELLI
— Héðan frá okkur er það
helzt að frétta að unnið er við
vatnsveituframkvæmdir og hef-
ur góð tíð að undanförnu hjálp-
að mikið við þær framkvæmdir,
sagði Ottó Eyfjörð á Hvolsvelli í
gær. Vatnið er tekið í Krappa
og er þetta löng og kostnaðar-
söm lögn, sem verið er að vinna
að. Bætist nýja lögnin við
gamla lögn sem er orðin úr sér
gengin.
— Nokkur hundruð metrar
af oliumöl hafa verið lagðir á
götur hér í haust og unnið er
við byggingu nokkurra húsa
hér, bæði hreppurinn og
einstaklingar. Tvær árshátíðar
hafa verið haldnar hér að
undanförnu og báðar tekist vel.
Segja má að framámenn í
skemmtanalífi starðarins hafi
einbeitt sér að þeím og
menningarstarf vetrarins því
lítið komið i gang, sagði Ottó
Eyfjörð.
GOTT OG HUGGULEGT
HAUST Á
ÓLAFSFIRÐI
— Þetta hefur verið gott og
huggulegt haust hérna hjá á
Ólafsfirði, sagði Kristinn
Jóhannsson við Morgunblaðið í
gær. — Hér hafa verið litlar
rigningar og frost ekki þannig
að menn muni þau lengi. Að
vísu hefur heldur dregið úr
afla að undanförnu, enda veður
verið óstillt hér fyrir utan að
undanförnu. Hér er þó stöðug
og jöfn atvinna og frekar að það
vanti fólk til starfa heldur en
hitt.
— Unnið er af krafti í
byggingarvinnu og í dag varð
fokheld neðri hæð hótel-
byggingarinnar hér. Það er
furðu lítið að gerast í rnenning-
unni hér og það er eins og fólk
taki ekki við sér fyrr en gerir
snjóa. Kirkjukórinn er þó að
æfa konsert og spila- og tafl-
klúbbar eru komnir af stað með
sína vetrarstarsemi. — Annars
gengur þetta allt sinn vana-
gang, og ég held bara að það sé
ágætur gangur, sagði Kristinn
Jóhannsson að lokum.
MILLIBILSÁSTAND
Á BREIÐADALSVÍK
— Við erum farin að skilja
hvernig ykkur í Reykjavík leið
í sumar, sagði Baldur Pálsson á
Breiðdalsvík í gær, en þar hafa
verið stöðugar rigningar að
undanförnu. — Mannlífið er
ósköp tilbreytingarlítið hér um
slóðir nú sem stendur, nokkurs
konar millibilsástand í
menningunni og atvinnulífinu.
— Afli hefur verið tregur að
undanförnu, bæði hjá stórum
skipum og smáum. Hins vegar
er töluvert unnið í byggingar-
vinnu hér ög nýlega var byrjað
á nýju Sláturhúsi sem Kaup-
félagið á, en verður sennilega
einnig með hlutdeild al-
mennings hér. Alls var slátrað
hér tæpum 11 þúsund dilkum í
haust og ég hef engan hitt, sem
er verulega óánægður með
dilka sfna, þannig að ég held að
þeir hafi verið sæmilega vænir,
sagði Baldur Pálsson.
— Skák’
Framhald af bls. 44
lega töpuð. Magnús tefldi Reti-
byrjun gegn Hjertenes og vann
glæsilega I 33 leikjum. Björgvin
tefldi Sikileyjarvörn gcgn Tiller
og tapaði skiptamun en eftir það
gekk norðmaðurinn I hverja
gildruna af annarri sem Björgvin
lagði fyrir hann. Þegar skákin fór
í bið stóð Björgvin betur og hafði
unnið skiptamuninn aftur en slð-
an tefldi hann biðskákina
ónákvæmt og skákin varð jafn-
tefli eftir 60 leiki.
í kvöld gaf síðan Westerinen
biðskák sína gegn Guðmundi úr 9.
umferð, og er -Ísland þar með
komið í 10. sæti ásamt Astralíu.
önnur úrslit í gær urðu þessi:
Holland — Sviþjóð 3,5—0,5,
England — Kanada 3—1, Banda-
rfkin — israel 3,5—0,5, Austur-
rfki — Argentína 1—3, Þýzkaland
— Iran 4—0, Sviss — Kólumbfa
3—1 _______ ( (
— Járnblendi
Framhald af bls. 44
Það kom fram hjá Guðmundi,
að ef hér yrði notað sama fblönd-
unarhlutfall og hjá Norðmönnum
ætti að vera hægt að nýta um 7
þúsund tonn af þessum úrgangs-
efnum á ári miðað við 140 þúsund
tonna sementsframleiðslu, eins og
nú væri hjá verksmiðjunni. Hins
vegar væri gert ráð fyrir að þessi
úrgangsefni næmu um 15 þúsund
tonnum á ári, þannig að það væri
um helmingur sem eyddist með
þessum hætti.
Hann kvað nú til athugunar
hvort eyða mætti hinum hluta úr-
gangsefnanna. Kvaðst hann hafa
látið sér detta í hug hvort mögu-
legt væri að nota það í stað
lfbarítsins og brenna það með
skeljasandinum, en honum vitan-
lega hefði það ekki verið reynt
áður og þess vegna allt mun óljós-
ara um þennan þátt málsins.
— Rhódesía
Framhald af bls. 1
liðnum, helzt 1. september á
næsta ári.
Sendinefnd stjórnar Ian Smiths
hefur talið að þessi þróun þurfi
að taka 23 mánuði ef samkomulag
takist á ráðstefnunni um myndun
bráðabirgastjórnar hvítra manna
og blökkumanna. Bretar gera
einnig ráð fyrir bráðabirgða-
stjórn í tillögu sinni.
• ARAS A UMTALI
1 Umtali í Rhódesíu grófu
sprengjusérfræðingar upp
ósprungna 1.5 m langa 122 mm
eldflaug af Sovezkri gerð úr holu
sem hún gróf skammt frá aðalgöt-
unni þegar árás var gerð á bæinn
frá Mozambique í nótt. Fjórum
öðrum eldflaugum var skotið á
bæinn en þær sprungu í úthverf-
unum og ollu sáralitlu eignatjóni
og engu manntjóni.
Eldflaugin lenti aðeins 200
metrum frá bækistöðvum hersins.
Eldflaug hefur ekki fyrr lent f
miðjum rhódesiskum bæ sfðan
skærustríðið hófst fyrir fjórum
árum.
Skothríðin kom frá stað í fimm
kílómetra fjarlægð, rétt handan
við landamæri Mozambique.
Landamærastöð rétt hjá Umtali
varð einnig fyrir eldflauga- og
stórskotaárás.
— Carter
Framhald af bls. 1
sem í hans valdi stendur til að
stjórnarskiptin geti farið sem bezt
fram.
Henry Kissinger utanríkisráð-
herra sendi í dag orðsendingu til
allra opinberra stofnana erlendis
sem hafði að geyma fyrirmæli um
að fulltrúar Fords veittu starfs-
mönnum Carters alla þá aðstoð og
fyrirgreiðslu, sem nauðsynleg
væri f sambandi við stjórnarskipt-
in, um leið og hann boðaði
óbreytta stefnu sfna f utanríkis-
málum þar til hann léti af emb-
ætti.
Gerald Ford átti fundi með
ýmsum nánustu samstarfsmönn-
um sínum í dag.Hann ræddi m.a.
við Kissinger, Brent Scowcroft,
ráðunaut sinn um öryggismál, og
William Scranton, sendiherra
Bandarfkjanna hjá Sameinuðu
þjóðunum. Starfsmenn Hvíta
hússins sögðu að þeim fundi lokn-
um að umræðurnar hefðu snúizt
um framkvæmd utanríkismála
þar til stjórnarskiptin fara fram,
og samstarfið við Jimmy Carter
þar til hann tekur við embætti.
Donald Rumsfield varnarmála-
ráðherra sagði í Washington í
dag, að tillögur stjórnarinnar um
fjárlög til varnarmála yrðu
sendar Bandarfkjaþingi í janúar
án umtalsverðra breytinga.
Næstu daga verða bæði Carter
og Ford f leyfi frá störfum. Carter
verður á eyju Sankti Sfmons úti
fyrir strönd Georgíu ásamt
nánustu samstarfsmönnum sínum
en Ford forseti.verður að sveita-
setri sfnu f Palm Springs í Kali-
forníu.
Viðbrögð ýmissa þjóðarleiðtoga
hafa haldið áfram að berast i dag,
og eru þau yfirleitt á sömu lund
og þau sem áður eru fram komin.
Yfirleitt er gerður góður rómur
að sigri Carters, án þess að hafðar
séu uppi miklar vangaveltur um
stefnu hans I embætti.
Tass-fréttastofan lýsti þvf yfir í
dag, að stefna Sovétstjórnarinnar
gagnvart Bandarfkjunum mundi
ekki breytast með valdatöku
Carters, og „Rödd Palestínu“
sagði að Carter kynni jafnvel að
verða verri viðureignar er flestir
fyrri forsetar. Callaghan forsætis-
ráðherra Breta lýsti áhyggjum
sfnum í Lundúnum í dag vegna
þess að dráttur kynni nú að verða
á ákvörðun Bandaríkjanna,
Japana og V-Þjóðverja um veit-
ingu láns til langs tfma til að bæta
efnahagsástandið í Bretlandi.
Um 2500 grfsk ungmenni
fögnuðu í dag ákaft sigri Carters f
Nikósíu, höfuðborg Kýpur en að-
gerðum þeirra lauk með því að
sviðsett var útför Fords og
Kissingers, og var að endingu bor-
inn eldur að tómum líkkistum.
— EBE
Framhald af bls. 44
aðila verða lögð fram. Við-
ræðunum verður síðan haldið
áfram siðast i mánuðinum en
Evensen kvað viðræðurnar vel
undirbúnar af beggja hálfu og
kvaðst búast við að hægt yrði að
ganga frá rammasamkomulagi
um þessi mál milli Noregs og EBE
fyrir 1. janúar . Ákvörðunin um
aflamagn og frekari atriði yrði
tekin sfðar.
— Nálægt
einni milljón
Framhald af bls. 2
ráði gegnum gíró—seðla, en það
tæki nokkurn tfma. Um þessar
mundir er lögð áherzla á að senda
söfnunar lista f fyrirtæki og
stofnanir hefði þeim verið vel
tekið þar sem þeir hefðu gengið
og væri það von sfn að fleiri fyrir-
tæki vildu fá lista. Sagði Guð-
mundur að þeir sem óskuðu eftir
að fá senda lista gætu haft sam-
band við Hjálparstofnunina í
sfma 26440 og látið vita
Til aðstoðar við þessa söfnunar-
herferð hafa m.a. verið skipti-
nemar þjóðkirkjunnar og í dag
munu þeir standa við áfengisút-
sölur með sérstakar fötur með á-
letruninni „Ljúkum verkinu",
kjörorðum vikunnar.
Að lokum nefndi Guðmundur
Einarsson að á nokkrum stöðum á
landinu hefðu sóknarprestar séð
um_að senda út umslög, sérstak-
lega merkt fyrir þessa herferð, og
gætu menn lagt framlög sín í þau
og sfðan yrðu þau sótt til fólks,
eða að það gæti skilað þeim til
prestanna. Þetta væri eins konar
tilraun með söfnunaraðferð og
nytu prestar þarna aðstoðar sinna
fermingarbarna eða annarra
sóknarbarna.
— Sýningu
frestað
Framhald af bis. 2
var nóg af myndum í Bogasal-
inn í 2 til 3 skipti.
Bragi sagði, að helzt hefði
verið hallast að þvf að halda
tvær sýningar f Bogasalnum og
var þegar búið að senda úr
boðskortin, þegar skyndilega
kom upp úr dúrnum að maður
sem fyrirhugað hafði sýningu á
Kjarvalsstöðum, heltist úr lest-
inni og Kjarvalsstaðir losnuðu
um tfma. Verður sýningin því
opnuð á Kjarvalsstöðum 27.
nóvember, eins og fyrr segir.
Bragi sagði, að þetta væri stór
og viðamikil sýning. Þarna
væru á ferðinni um 100 myndir
eftir 41 þýzkan listamann og
væri hún eins konar úttekt á
því bezta sem gert hefði verið í
þýzkri graffk á síðustu árum.
Víðfrægir myndlistarmenn
væru í þessum hópi, og þvf
óhætt að segja, að þessi sýning
yrði tvímælalaust meðal
stærstu myndlistarviðburða
ársins hér álandi
—FærAkranes
Framhald af bls. 2
völd á Akranesi nú hafa þetta
atriði til athugunar.
Fundur sjálfstæðisfélaganna
var fjölmennur, þvf hann sóttu
um 200 manns. Þar mættu eins og
áður segir Gunnar Thoroddsen og
dr. Gunnar Sigurðsson, stjórnar-
formaður Járnblendifélagsins. I
ræðu sinni gerði iðnaðarráðherra
fundarmönnum grein fyrir
aðstöðu og uppbyggingu íslenzks
iðnaðar, greindi frá iðnkynningu
þeirri sem nú stendur yfir og
fleiri atriðum.
Í erindi dr. Gunnars Sigurðs-
sonar komu fram upplýsingar um
þær breytingar sem vænta mætti
á framkvæmdaáætlun við járn-
blendiverksmiðjuna vegna
þeirrar ákvörðunar for-
ráðamanna Union Carbide að
hætta þátttöku f fyrirtækinu og
hugsanlegrar rekstraraðildar
norska fyrirtækisins Elkem, sem
nú er f athugun.
I upphaflegu áætluninni var
gert ráð fyrir að verksmiðjan tæka
til starfa með öðrum ofninum f
kringum áramótin 1977—78 en
samkvæmt upplýsingum Gunnars
er nú gert ráð fyrir því að verk-
smiðjan geti tekið til starfa haust-
ið 1978 ef samnangar við Elkem
takast. Sfðan er gert ráð fyrir að
bæta öðrum ofni við um tveimur
árum síðar og komist verksmiðjan
þá f full afköst. Þá komu fram á
fundinum upplýsingar um
hugsanlega lausn á því úrgangs-
vandamáli vegna verksmiðju-
rekstursins, sem nokkuð hefur
verið til umræðu og greint frá því
á öðrum stað í blaðinu. Tölu-
verðar umræður urðu á fundinum
að loknum framsöguerindunum.
— Þjóðnýting
Framhald af bls 11
jarðbor, en reyndín mun þegar
vera sú á ýmsum stöðum erlendis.
Sennilega er því málflutningur
þeirra er telja að einstaklingar
geti ekki nýtt sér háhita í jörðu út
f bláinn. Ef til vill er því með
þessu frumvarpi einfaldlega ver-
ið að veitast að minnihlutahópi
manna. Hingað til hefur þetta að
mfnum dómi aðallega verið til
umfjöllunar innan of þröngs
hrings, en ekki borið mikið á rök-
flutningi landeigenda, en vart við
þvf að búast því sá hópur manna
mun vera í töluverðum minni-
hluta.
Vænti ég þess að einhverjar
umræður skapist um þetta efni
svo réttur landeigenda verði ekki
fyrir borð borinn. Mörgum aðil-
um hættir oft til að líta landar-
eignir öðrum augum en ýmis önn-
ur verðmæti og álíta landeigend-
ur eins konar braskara og að verð-
lag á eignum þeirra eigi ekki að
hlfta reglunni um framboð og
eftirspurn.
Reykjavík, 31. okt. 1976,
Björn Erlendsson.
— Borgarstjóri
Framhald af bls. 23
höndum byggt upp skóli og dag-
vistunarstofnanir. Spurningu um það
hve mörgum dagvistunarplássum
Norðmenn reiknuðu með i sllku hverfi,
svaraði borgarstjóir Óslóar, að reiknað
væri með að 25% barnanna í þessu
hverfi gætu átt kost á dagvistun Af
hverju gerið þið ekki meiri kröfur,
kvaðst Birgir hafa sagt og fékk svar Af
þvi við höfum ekki efni á þvi Hér I
Reykjavík eru nú um 30% barna á
forskólaaldri, sem eiga kost á dag-
vistunarstofnun.
Meyvant Sigurðsson þakkaði
borgarstjóra greinargott og fróðlegt er-
indi og kvaðst vilja leiðrétta að áin,
sem hann hefði nefnt, héti Korpúlfs-
staðaá, ekki Úlfarsá A fyrstu árum eftir
aldamótin hefðu þeir Sturla Jónsson,
Friðrik Jónsson og Guðmundur
Magnússon prófessor alltaf farið að
Korpúlfsstaðaá er hann fór þangað
með þeim Aftur á móti hefði nafnið
breytzt eftir að Jóel skipstjóri keypti
jorðina Kálfholt og breytti nafni hennar
I Úlfarsá. Þá hefði nafn árinnar breytzt
um leið
Borgarstjóri þakkaði ábendinguna,
gömul nöfn og örnefni ætti að'hafa I
heiðri Sinar upplýsingar hefði hann
frá yngri mönnum en Meyvant er
Þakkaði borgarstjóri fundarmönnum
þátttökuna og sagði að ábendingar
þeirra og athugasemdir væru honum
leiðaryisjr. i siriu starfr. . r