Morgunblaðið - 05.11.1976, Blaðsíða 5

MORGUNBLAÐIÐ, FÖSTUDAGUR 5. NÖVEMBER 1976
5
Greinargerð barnakennara:
Leita svara við áleitnum
spurningum n.k. mánudag
MORGUNBLAÐINU hefur borizt eft
irfarandi greinargerð frá Stéttarfé-
lagi barnakennara í Reykjavík varð-
andi aðgerðir félagsins nk. mánudag:
Á fundi í fulltrúaráði Stéttarfélags
barnakennara i Reykjavik, mánudaginn
1 nóv. sl. þar mættir voru fulltrúar frá
öllum barnaskólum borgarinnar, auk
aðal- og varastjórnar félagsins, var ein-
róma samþykkt, að fella niður kennslu
í öllum deildum 1 2 ára barna og yngri
við barnaskóla Reykjavíkur, mánudag-
inn 8. nóv. n.k í þess stað mæta
kennarar á venjulegum starfstíma i
skólunum til fundarhalda og könnunar
á kjörum sínum og stöðu Á þessum
fundi lýstu allir fulltrúarnir yfir því, að
þessi mál hefðu verið rædd i skólunum
næstu daga á undan og fundarsam-
þykkt lægi fyrir hjá svo til öllum
kennarafélögunum, að efna til aðgerða
sem þessara
En hversvegna grípa kennarar til
svona ðgerða, kynni margur að
spyrja?
Undanfarin ár og áratugi hafa ýmsar
spurningar brunnið á vörum kennara
varðandi stöðu sina og kjör. Augu
þeirra hafa smátt og smátt verið að
Ijúkast upp fyrir því, að ýmislegt er þar
með öðrum hætti en skyldi, og ýmis-
legt er haft i frammi við kennarastétt-
ina, af valdhöfum, sem ekki er beitt við
aðra, einkum og sér i lagi við þá
kennara, sem annast uppfræðslu
nemenda í barnaskólum landsins.
Þann 8 nóv. n.k. munu kennarar
gera alvarlega tilraun til að leita svara
við þeim spurningum, sem hvað áleitn-
astar eru.
Hversvegna er þeim kennurum, sem
kenna 1 2 ára börnum eða yngri ætlað
að kenna 4 stundum lengur á viku fyrir
sömu laun, en þeim kennurum sem
kenna 13—15 ára nemendum, enda
þótt þeir kenni við sömu stofnun og
allir á grunnskólastigi? Hversvegna er
sömu kennurum ætlað 10% lægra
álag á yfirvinnu?
Kennarar skilja það vel, að Háskóli
íslands nýtur sérstakrar virðingar hjá
þjóðinni. Flest embættisstörf á vegum
hins opinbera eru eingöngu skipuð
mönnum, sem hafa tekið embættispróf
frá Háskóla íslands og ekki á færi
annarra að fá rétt til að gegna þeim
störfum. Þannig eru mörg prestaköll
óveitt, því enginn guðfræðingur sækir
um þau. Læknishéruð eru óveitt með-
an enginn læknismenntaður maður
sækir um starfið, þótt líf og heilsu
fólksins i því héraði sé stefnt i voða og
enginn ólöglærður maður myndi voga
sér að sækja um embætti sýslumanns
eða dómara, þótt nóg væri af slikum
störfum á lausu En hvað um kennara
starfið?
í landinu er Kennaraháskóli, sem
menntar kennaraefni sin f þrjú ár eftir
stúdentspróf Mætti því ekki ætla að
sömu kröfur væru gerðar til þeirra,
sem taka að sér kennslu og uppfræðslu
æskunnar, og til þeirra, sem ráðast til
starfa við stofnanir, er krefjast embætt-
isprófs frá Háskóla íslands? En því er
ekki að heilsa Á sama tíma og Kenn-
araháskóli íslands útskrifar kennara
með háskólapróf B Ed., eru fjölmargar
af kennarastöðum við grunnskóla setn-
ar mönnum, sem enga kennaramennt-
un hafa hlotið, en hafa fengið ráðningu
til starfsins hjá sömu aðilum og hafa
yfirumsjón með Kennaraháskóla ís-
lands og um leið mótað starfshætti
þar. Þetta ástand eiga kennarar erfitt
með að skilja Hversvegna er kennara-
skorturinn leystur með ráðningu fólks
án starfsréttinda, fremur en í önnur
embættismannastörf? Er þetta það,
sem koma skal? Er þá öll kennara-
menntun og allt tal um nauðsyn vel
menntaðs kennaraliðs eintómt skrum?
Sú spurning er all áleitin í hugum
kennara, hvers vegna verið sé að
skipta menntun þeirra f ákveðna flokka
eftir stigum. Hvers vegna er kennara
próf, sem tekið var l gamla kennara-
skólahúsinu við Laufásveg metið á 90
stig? Var það próf ekki mesta kennara-
menntun, sem völ var á þá? Æðsta
kennaramenntun, nú B.Ed gráða frá
Kennaraháskóla íslands er metin á
1 40 stig. Eitt ár við kennslu er metið á
4 stig Hversvegna þarf kennari með
gamla kennaraprófið að kenna i meira
en áratug til að fá jafnmörg stig og
nýútskrifaður kennari? Hversvegna
gildir 4ra vikna námskeið eða 80 nám-
skeiðsstundur það sama og eins vetrar
kennslustarf eða 4 stig?
Kennarar munu einnig velta þeirri
spurningu fyrir sér, hvernig beri að
skilgreina ákvæði reglugerðar frá sl.
vori um starfstíma grunnskóla að því er
varðar breytingu á frídögum
Þannig munu kennarar nota tímann
mánudaginn 8 nóv n.k Ef til vill tekst
þeim að finna viðhlýtandi svör við
þessum spurningum og fjölda mörgum
öðrum, sem þörf er að fjalla um, en
ekki hafa verið nefnd hér. Ef til vill
verða kennarar ánægðir eftir þessa
könnun og sætta sig við sinn hlut. En
ef til vill fást ekki fullnægjandi svör og
ýmislegt komi þá upp á yfirborðið, sem
nú er hulið sjónum okkar, en krefst
afdráttarlausra svara Kannske verður
þá að grípa til nýrra aðgerða og krefj-
ast nýrra svara Hver veit?
Stjón Stéttarfélags barnakennara
I Reykjavlk.
Húsmæður
halda basar
Á MORGUN, laugardg, heldur
Húsmæðrafélag Reykjavfkur
árlegan basar sinn á Hallveig-
arstöðum og hefst hann klukk-
an tvö e.h. Að undanförnu hafa
félagskonur komið vikulega
saman i félagsheimili Hús-
mæðrafélagsins og unnið að
gerð basarmuna, en auk þess
hafa þær einnig unnið að þeim
heima hjá sér.
Á basarnum verður mikill
fjöldi muna, ýmsar ullarvörur,
sængurver, dúkar o.fl. Einnig
verður á boðstólum mikið úrval
jólahandavinnu.
Hluti basarmunanna.
VIÐ VEKJUM
ATHYGLI Á:
Nýkomiö:
HVITAR BLÚSSUR □ FLAUELS BLÚSSUR □
DÖMU- OG HERRAPEYSUR □ GALLABUXUR M/
LEÓURBRYDDINGU □ BOLIR □ HERRASKYRT-
UR □ HERRAFÖT □ DÖMUFÖT □ NÝTT SNIÐ □
HERRAULLARFfiAKKAR □' KULDAJAKKAR
HERRA Q DÖMUJAKKAR „SAILOR" □ STAKIR
RIFFLAÐIR FLÁUELSJAKKAR
MIKIÐ ÚRVAL AF TERYLENE/ULLAR HERRA- OG
DÖMUBUXUM □ MARGIR LITIR OG SNIÐ □
KLÚTAR □ KJÓLAR pDÖMUFRAKKAR □ HÚFUR
OG TREFLAR □ GRÓFRIFFLAÐAR FLAUELSBUX-
UR OMFL.
Komið og skoðið