Morgunblaðið - 14.09.1977, Blaðsíða 31
MORGUNBLAÐIÐ, MIÐVIKUDAGUR 14. SEPTEMBER 1977
31
ENN ÓUÓS STAÐA í
Ekki hefur enn fengizt úr því
skorið hvaða þriðju deildarlið
hreppa það hnoss að leika í 2.
deild að ári, en um helgina fóru
fram þrír leikir f úrslitakeppni
deildarinnar. Má raunar segja að
eftir þá leiki sé Eskifjarðarliðið
Austri komið með annan fótinn í
2. deild, þar sem Leiknir úr
Reykjavík þarf að vinna Grind-
vfkinga með fimm marka mun til
þess að fá betri stöðu í úrslita-
keppninni en Austfjarðaliðið, og
er mjög hæpið að það takist.
Á Akranesi léku á laugardaginn
liðin tvö sem urðu jöfn að stigum
í Akureyrarriðlinum á dögunum:
KS og Fylkir. Virtust þar ætla að
fást hrein úrslit þar sem Fylkir
hafði náð 2—0 forystu þegar kom-
ið var fram í seinni hálfleik. Mörk
þessi skoruðu þeir' Guðmundur
Bjarnason og Baldur Rafnsson.
En Siglfirðingar gáfust ekki upp
— heldur fremur hertu mjög bar-
áttuna og tókst að jafna, rétt eins
og í leiknum á Akureyri. Gunnar
Blöndal og Friðfinnur Hauksson
skoruðu mörk þeirra. Þarf því
þriðja leikinn á milli þessara liða
til þess að knýja fram úrslit.
Á Egilsstöðum fóru fram tveir
leikir í hinum svokallaða Kópa-
vogsriðli, en þar höfðu öll þátt-
tökuliðin orðið jöfn að stigum.
Léku Leiknir og Austri ó föstu-
dagskvöldið og lyktaði þeim leik
TENNIS
í nokkrum dagblöðum höfuð-
borgarinnar í s.l. viku er getið um
stofnun tennisdeildar innan
íþróttafélags Kópavogs og opnun
2ja tennisvalla i Kópavogi. Það
eru gleðifréttir fyrir tennis-
unnendur. Hins vegar er gefið í
skyn f fréttum þessum að það sé
verið að stofna til nýrrar keppnis-
íþróttar hérlendis, sem er vitan-
lega ekki rétt, heldur mætti segja
að verið sé að endurvekja keppn-
isíþrótt. Keppni i tennis á vegum
Í.S.Í. hófst hér 1927 og var fyrsti
Islandsmeistari í einliðaleik karla
Calo Jensen, sem eins og nafnið
ber með sér var danskur. Keppt
var um verðlaunabikar, sem lyf-
sali David heitinn Scheving
Thorsteinsson gaf. Einliðakeppni
kvenna á vegum l.S.Í. fór fyrst
fram 1929 og varð fyrsti Íslands-
meistari kvenna Klara Helgadótt-
ir. islandsmeistaramót hafa sem
sé verið háð í Reykjavik allt frá
árinu 1927 til ársins 1941, flest
árin var keppt í tvenndarkeppni,
tvíliðakeppni karla og kvenna, og
einliðaleik karla og kvenna. Auk
þess fór fram innanfélagsmót
bæði hjá Tennisdeild Í.R. og K.R.
Allar æfingar og keppnir öll þessi
ár fóru fram á 4 malbikuðum
tennisvöllum, sem Í.R. og K.R.
áttu í suðurenda gamla íþrótta-
vallarins. Tennis- og badminton-
félag Reykjavikur (T.B.R) byggði
(1941) 2 tennisvelli einnig í suð-
urenda íþróttavallarins, en bygg-
ing þeirra var misheppnuð og
komust þeir aldrei í fulla notkun.
Í.S.Í. gaf út árið 1944 leikreglur
fyrir tennis og badminton (tekn-
ar saman af Lárusi heitnum
Péturssyni frá Hofi i Reykjávik).
Benedikt heitinn Waage, áratuga
forseti Í.S.I., sýndi tennisíþrótt-
inni ætið áhuga og afhenti t.d
oftast nær sjálfur verðlaunagrip-
ina að loknum keppnum.
Tennis lognaðist út af hér í
Reykjavík á stríðsárunum og lágu
til þess margar orsakir sem ekki
er ástæða nú til að fara úti, en
fyrir ókunnuga má geta þess að
ekki er hægt að leika tennis i
rigningu né á blautum völlum.
Friðrik Sigurbjörnsson
Kristínn beztur
baqarstióranna
UM SÍÐUSTU helgi fóru fram
tvö golfmót á vegum Golf-
klúbbsins Keilis í Hafnarfirði.
Var þar um að ræða úrslit í
firmakeppni klúbbsins og hin
árlega sveitarstjórnakeppni.
Firmakeppni GK hefur staðið
yfir í sumar, og var þar keppt
með útsláttarfyrirkomuulagi.
106 fyrirtæki tóku þátt í keppn-
inni og i baráttu 14 fyrirtækja
sem kepptu til úrslita sigraói
Útvegsbanki islands. Keppandi
fyrir Útvegsbankann var Ólaf-
ur Marteinsson, GK.
í sveitarstjórnakeppninni
eiga þátttökurétt sveitarstjórar
og bæjarstjórar þeirra sveitar-
félaga sem aðild eiga að Golf-
klúbbnum Keili, og kepptu
þarna fulltrúar frá Bessastaða-
hreppi, Garðabæ, Hafnarfirði
og Kópavogi. Leiknar voru 12
holur og lauk keppninni með
sigri Kristins Ó. Guðmundsson-
ar, bæjarstjóra Hafarfjarðar,
en honum til aðstoðar var Knút-
ur Björnsson, formaður GK.
Þrjú mót njá Keili
UM NÆSTU helgi, 17,—18.
september, fara fram þrjú opin
mót hjá Golfklúbbnum Keili.
Er þar um að ræða Dunlop Op-
en-drengjakeppni (yngri en 16
ára) og verða þar leiknar 36
holur með og án forgjafar.
Hefst keppni kl. 9 á laugardag
og verður síðan fram haldið kl.
13.00 á sunnudag.
Toyota-opin öldungakeppni,
þar sem leiknar verða 36 holur,
með og án forgjafar. Keppni
hefst kl. 13.00 á laugardag og
verður fram haldið kl. 9.00 á
sunnudag.
Loks verður J.G. opin
kvennakeppni. Þar verða leikn-
ar 18 holur með og án forgjafar
og hefst keppnin kl. 13.30 á
sunnudag. Keppni þessi er
kennd við Jens Guðjónsson,
gullsmið, r°m gefur verðlaunin.
Tugþrautarmenn til Bretlands
UM næstu helgi munu lslending-
ar heyja tugþrautarlandskeppni
við B-lið Breta og B-lið Frakka og
fer sú keppni frani f Bretlandi.
Islenzka tugþrautarlandsliðið
hefur nú verið valið og skipa það
þeir Elías Sveinsson, KR, Þráinn
Hafsteinsson, HSK, Jón S. Þórðar-
son, ÍR, og Hafsteinn Jóhannes-
son, UBK. Af þessum iþrótta-
mönnum hefur Elías náð beztum
árangri í ár, 7430 stigum, en Þrá-
inn hefur náð næst beztum
árangri, 6525 stigum.
Fararstjóri lslendinganna og
þjálfari verður Olafur Unnsteins-
son, og sagði hann í viðtali við
Morgunblaðið í gær, að hann teidi
nokkra möguleika á því fyrir Ís-
lendinga að sigra í þessari
keppni.
3. DEILD
með jafntefli 0—0. Var þetta mik-
ill taugaspennuleikur og heldur
þófkenndur. Austri sótti þó held-
ur meira, en vörn Leiknis stóð
fyrir sinu með Ólaf Ragnarsson,
markvörð sem bezta niann.
A sunnudaginn léku svo Austri
og Grindavík og lauk þeim leik
með sigri Austra 4—0. Lék Austri
móti snörpum vindi í fyrri hálf-
leik, en náði samt góðum tökum á
leiknum og skoraði tvö mörk i
hálfieiknum. i seinni hálfleik
sótti Grindvikingar öllu meira, en
gekk mjög illa að skapa sér tæki-
færi til þess að skora, og virtist
þeir missa móðinn þegar á leikinn
leið. Austri hafði hins vegar
heppnina með sér og skoraði tvö
mörk í hálfleikniim. Gerði Rúnar
Sigurjónsson tvö mörk fyrir
Austra i leiknum og þeir Leifur
Helgason og Hjálmar Yngvason
sitt hvort markið.
Beztu menn Austra í leiknum,
sem og i leiknum gegn Leikni
voru þeir Halldór Árnason og
Hjálmar Yngvason. Í Grindavík-
urliðinu var enginn sem skar sig
sérstaklega úr. Liðið barðist all-
vel, meðan það hafði von, en mjög
dofnaði yfir því þegar á leikinn
leið.
Stefán Hallgrímsson náði mjög
góðum árangri f 200 metra
grindahlaupi, og virðist nú loks
vera að ná sér á strik,
eftir langvarandi meiðsli.
GOTT HLAUP
STEFÁNS
Frjálsíþróttamaðurinn Stefán
Hallgrímsson, KR, sem átt hefur
við meiðsl að stríða frá því
snemma árs 1976 virðist nú vera
að komast yfir þau meiðsi og ná
sér á strik á ný. Skemmst er að
minnast góðs hlaups Stefáns í
Bikarkeppni FRÍ á dögunum, en í
gær stóð hann sig jafnvel enn
betur. Við slæmar aðstæður á
Laugardalsvellinum gerði hann í
gær harða atlögu að tslandsmet-
inu i 200 metra grindahlaupi er
hann hljóp í mótvindi og kulda á
24,7 sekúndum.
Islandsmetið er 24.4 sekúndur
og takist Stefáni að fá mót við
góðar aðstæður ætti hann að geta
náð þessu meti í ár, en eðlilegt er
að til þurfi meira en eitt hlaup til
að komast niður á góðan tíma.
Fróðlegt verður að vita hvort
Stefán Hallgrímsson niuni ein-
beita sér að 400 metra grinda-
hlaupi f framtíðinni eða hvort
hann gefur sig að tugþraut á ný,
en það er skoðun undirritaðs að
Stefán hafi miklu meiri burði og
eiginleika til að bera til að verða
maður á heimsmælikvarða í
grindahlaupinu. . .