Morgunblaðið - 15.09.1977, Blaðsíða 3

MORGUNBLAÐIÐ, FIMMTUDAGUR 15. SEPTEMBER 1977
3
Hugi, fréttabréf BSRB:
Hvert vísitölustig
kostar ríkið 130
milljónir króna
í FRÉTTABRÉFI Bandalags
starfsmanna rfkis og bæja, Huga,
er fjallað um samningamál
bandalagsins við rfkisvaldið og
þar svarað nokkrum fullyrðing-
um sem samningamenn rfkisins
hafa látið hafa eftir sér f f jölmiðl-
um. Er þar m.a. gerð athugasemd
við þau ummæli Höskuldar Jóns-
sonar, formanns samninganefnd-
ar rfkisins, að hvert vfsitölustig
kosti ríkið 230 milljónir króna í
auknum launagreiðslum.
I Huga segir: „Fullyrt hefur
verið að hvert vísitölustig kosti
ríkið um 230 milljónir króna.
Þessi staðhæfing er röng. Ríkið
fær aftur í tekjusköttum yfir 30%
af þessari viðbót og með sölu-
skatti, tolli og öðrum álögum
a.m.k. 15%. Þannig borgar ríkið
sennilega í reynd 130 milljónir
fyrir hvert vísitölustig. Og sveit-
arstjórnirnar fá einnig hluta
hækkananna í sinn hlut. Starfs-
menn sjálfir bera úr býtum innan
við helming umsaminnar hækk-
unar.“
Því næst minnist Hugi á um-
mæli Höskuldar Jónssonar, að
samninganefnd ríkisins sé full-
trúi skattgreiðenda sem þurfi að
borga brúsann. Þeirra skylda sé
að sýna fyliztu aðgæzlu um hækk-
anir. Um þetta segir Hugi: „En
það er ekkert einsdæmi að kaup-
hækkanir nýgerðra kjara-
samninga séu greiddar af almenn-
ingi en ekki vinnuveitendum. Op-
inberir starfsmenn greiða eins og
aðrir kauphækkanir bænda með
búvöruverði, auknum niður-
greiðslum eða hækkuðum út-
flutningsbótum úr rikissjóði.
Hlutdeild opinberra starfsmanna
er veruleg i greiðslum kauphækk-
ana á sviði þjónustustarfa, bygg-
ingastarfsemi og framleiðslu fyrir
innlendan iðnað o.s.frv., neytand-
inn borga allar kauphækkanir."
Þá er í fréttabréfinu Huga fjall-
að um greiðslur ríkisins vegna
verðtryggingar lífeyris. Segir þar
að á árinu 1976 hafi launagreiðsl-
ur ríkisins verið um 18 milljarðar
króna. Á sama ári greiddi rikið
700 milljónir króna í verðtrygg-
ingu á eftirlaun allra fyrrverandi
ríkisstarfsmanna og ekkna, þ.e.
um 4% af heildarlaunaútgjöldum
til rikisstarfsmanna. „Það er allt
og sumt,“ segir I Huga og enn-
fremur er sagt að á fjárlögum
Framhald á bls. 31
Hvalbátarnir
með 20 hvali
HVALVEIÐARNAR hafa gengið
mjög vel að undanförnu og í gær-
kvöldi voru hvalbátarnir fjórir á
leið til lands með yfir 20 hvali
samtals og er gert ráð fyrir að
bátarnir verði allir inni fyrir há-
degi i dag. Samkvæmt því sem
Morgunblaðinu var tjáð hafa al-
drei áður borizt jafnmargir hvalir
á land í Hvalfirði á einum degi.
Hvalirnir, sem bátarnir koma
með I dag, eru allir sandreyðar og
er búið að veiða allar þær sand-
reyðar sem tslendingum var
heimilað að veiða I sumar, alls
132.
Það sem af er þessari hvalvertíð
hafa veiðzt 328 hvalir, en alla
vertiðina í fyrra veiddust 389
hvalir, en þá hófst hvalvertíð mun
fyrr en nú og ennfremur var veðr-
átta þá betri framan af sumri.
Morgunblaðinu var tjáð á skrif-
stofu Hvals h.f. í Hvalfirði í gær,
að nú væru komnar á land 119
langreyðar, 78 búrhvalir og 110
sandreyðar, auk þess sem bátarn-
ir hefðu verið búnir að fá meira
en 2 sandreyðar siðari hluta dags
i gær.
Þar sem nú er búið að veiða upp
í sandreyðarkvótann munu hval-
bátarnir leggja áherzlu á búr-
hvalaveiðar á næstu dögum, en
hann fæst helzt á svæðinu vestur
af Vestfjörðum. Langreyður mun
nú að mestu horfin af miðunum,
en sá hvalur er mest vestur af
landinu fyrri hluta sumars.
Þormóður goði
Júpiter og Þormóður
goði seldir í nótaskip
NÚ MUN vera búið eða i þann
veginn verið að ganga frá samn-
ingum um sölu á tveimur elztu
sfðutogurum landsmanna,
Júpiters og Þormóðs goða, og
verður báðum skipunum vænt-
anlega breytt f nótaskip.
Bæjarútgerð Reykjavikur
auglýsti Þormóð goða til sölu
fyrir skömmu og bárust fjögur
tilboð í skipið. Á útgerðarráðs-
fundi i gær var samþykkt að
fela framkvæmdastjórum fyrir-
tækisins að gera drög að samn-
ingi við Ólaf Óskarsson útgerð-
armann, og að sögn Ragnars
Júliussonar, formanns útgerð-
arráðs, þarf borgarráð síðan að
staðfesta samninginn.
Ekki vildi Ragnar segja hve
hátt tilboð Ölafs var i togarann,
en samkvæmt þvi sem Morgun-
blaðið hefur fregnað mun það
vera um 100 millj. kr.
Þá hefur Morgunblaðinu ver-
ið tjáð að fyrir nokkru hafi tek-
izt samningar um sölu á togar-
anum Júpiter en Hrólfur Gunn-
arsson skipstjóri og fleiri munu
hafa keypt þann togara.
Júpiter og Þormóður goði eru
rösklega 700 lestir að stærð, og
er talið að eftir breytingu taki
þeir um 1100 lestir af loðnu eða
kolmunna.
Júpiter
HMV
Sjónvarpstæki
HIS MASTER’S VOICE sjónvarpstæki eru heimsþekkt gæðavara
með áratugs reynslu á íslenskum markaði.
Ótboi9un W
FÁLKIN N
SUÐURLANDSBRAUT 8, SÍMI 84670
©