Morgunblaðið - 16.03.1978, Blaðsíða 19

Morgunblaðið - 16.03.1978, Blaðsíða 19
MORGUNBLAÐIÐ, FIMMTUDAGUR 16. MARZ 1978 19 Kjartan Eggertsson tónlistarkennari leiðir blokkflautunemendur fyrstu sporin í nótnalestrinum: „Muna að horfa á nóturnar". Ráðlegg tónlistaríólki að aíla sér þessarar reynsln — segir Kjartan Eggertsson FRÁ ÞVÍ um síóustu áramót hefur verið starfandi á Bíldudal tónlistar- kennari, en ekki hefur verió fastráö- inn tónlistarkennari par í fuHu starfi um skeið. Hann heitir Kjartan Egg- ertsson og er úr Reykjavik, en hann segist kunna vel vió sig í fámenninu: „Ég kom til að afla mér reynslu," segir Kjartan „reynslu sem kórstjórn- andi, orgelleikari og kennari á hin og þessi hljóöfæri." Hver eru hin og pessi hljóðfæri? „Það er nánast allt sem til fellur, mest hef ég lært á gítar, en einnig kenni ég á blokkflautu í hóptímum, píanó og hef einnig hóptíma í hljóm- fræði og fyrirhugað er aö koma hér upp lúðrasveit." Hvar hefurðu fengið pina tónlistar- menntun? „Ég útskrifaöist s.l. vor frá Tónskóla Sigursveins D. Kristinssonar og hafði þá lært á gítar frá unga aldri og reyndar hef ég kennt á hann frá því ég var 17 ára. Flingað er ég svo fastráðinn á vegum sveitarfélagsins í fullt starf og hef ég ákveðið að vera hér í a.m.k. eitt og hálft ár.“ Hvernig atvikaðist paö að pú réðst hingað? „Mér var bent á að á Bíldudal vantaöi tónmenntakennara og ég var ákveðinn að reyna að gera eitthvað annað en að kenna í Reykjavík og ég hef ekki áhuga á að fara í framhalds- nám erlendis alveg strax a.m.k. Má segja að ég fari dálítiö aðra leiö í þessum efnum en flestir aðrir, sem fara utan strax eftir að hafa lokið námi hér heima, en ég tel mjög nauðsynlegt að öðlast vissa reynslu í sem fjöl- breyttustum störfum áður áöur en haldið er í nám erlendis." Þekktirðu eitthvað til hér eða hafðirðu komiö hingað áður? „Nei, ég þekkti engan hér og hafði aldrei komið á Vestfirði áður og kann ég mjög vel við mig hér. Fólk hefir tekiö vel á móti mér og ég er kominn á kaf í alls kyns störf, kenni flesta daga frá kl. háftíu á morgnana til hálftíu á kvöldin og æfi kirkjukórinn um helgar. Þ'á er í uppsiglingu blandaður kór, sem reyndar átti fyrst að vera karlakór, en svo vildu konurnar endilega fá að vera með, þannig að hann verður blandað- ur. Hér á Bíldudal hefur ekki verið tónmenntakennari ' fullu starfi um árabil að ég held, fyrrverandi skóla- stjóri grunnskólans kenndi að vísu nokkuð, en enginn hefur haft þetta sem aðalstarf." Finnst Þér ekki öóru vísi að starfa hér en í péttbýlinu? „Það er nokkuð á annan veg, en ég er þó nokkuð vanur fámenninu þar sem ég hefi nokkur sumur dvalist í Breiðafjarðareyjum þar sem fjölskyld- an er löngum. Að vísu fannst mé lítið til staðarins koma í fyrstunni, en um leið og ég fór að kynnast honum og skynja umhverfið hér og þekkja það þá hef ég kunnað verulega vel við mig. Hér er allt öðruvísi en í þéttbýlinu og það er svo aö verði ekki næg atvinna hér flytur fólk e.t.v. burt, en meðan fólk hefur vinnu og hefur líka eitthvað að starfa að í tómstundum og er ekki bundið um of yfir sjónvarpinu þá er ýmislegt að gera, hór er starfandi leikfélag og starfið í kórnum verður vonandi smám saman öflugt og þegar lúðrasveitin er komin í gang verða án efa mikil not fyrir hana. Þá má geta þess að við erum með það í huga að æfa upp hljómsveit sem á að spila á skemmtun hér en meðlimir hennar eru m.a. fyrrverandi meðlimir hljómsveit- arinnar Facon sem átti lög á vinsæld- arlistum áður fyrr." Er mikill áhugi á tónlist hér á Bíldudal? „Já, hann er mikill og fólk vill gjarnan tjá sig á þann hátt, bezt væri ef fólk gæti tjáð sig á fleiri en einn veg, en tónlistin er það mál sem flestir skilja. Það bendir e.t.v. nokkuð á áhugann hér að í fyrstunni ætlaði ég mér ekki að kenna nema fáeina tíma auk þess að hafa kórinn og vera organisti en tímarnir hjá mér eru orðnir nálægt 50 á viku og segja má að maður sé á kafi í menningunni með fólkinu hérna langt fram á nætur. Þetta er hreinlega ævintýri líkast og ég er óhræddur við aö ráöleggja fólki, ungum tónlistarmönnum, að afla sér svona reynslu áður en farið er út í nám erlendis," sagöi Kjartan Eggertsson að lokum og hvarf þar með til starfa sinna, en hann átti næst að sinna 7 og 8 ára börnum sem voru aö koma til hans í hóptíma í blokkflautunáminu. Alls sagðist Kjartan vera með 21 nemanda í blokkflautunámi og 31 í gítarnámi og til samanburðar má geta þess að nemendur skólans eru alls rúmlega 60 þannig áð mikill hluti þeirra stundar nú tónlistarnám. Lýsi og mjöl; Hreinsitækin sett upp síðla sumars STEFNT er aö því að lokið verði við að setja upp hreinsitæki í íiskimjölsverksmiðjunni Lýsi & Mjöl í Hafnarfirði í júh'-ágúst n.k. IIuKmyndina að þessum hreinsi- búnaði á Jón Þórðarson á Reykja- lundi. en f.vrirtækið hefur K<“rt samninK við fyrirtækið Loft- hreinsun hf. um framkvæmdina. Kostnaður við tækjakaupin er um 60 milljónir króna en að auki mun koma til tæplega 30 milljón króna framkvæmd á vegum verk- smiðjunnar sjáifrar. Framkvæmdastjóri fyrirtækis- ins, Arni Gíslason, kom nýlega á fund bæjarráðs í Hafnarfirði og gerði þar grein fyrir gangi þessa máls. Fulltrúar meirihluta bæjar- ráðs, Árni Grétar Finnsson og Árni Gunnlaugsson, fögnuðu þess- um aðgerðum fiskimjölsverk- smiðjunnar til mengunarvarna og kváðust vonast til að þær mundu bera fullnægjandi árangur en töldu rétt að gefa bæjarstjórn kost á að tjá sig á ný um málið áður en tekin yrði ákvörðun um fram- kvæmd á samþykkt bæjarstjprnar frá því fyrr í vetur. Fulltrúi minmhlutans, Kjartan Jóhannsson, kvaðst fagna þeim vilja er kæmi fram af hálfu stjórnar fyrirtækisins til mengunarvarna en taldi hins vegar að mjög óljóst væri um árangur af þeim og taldi því brýnt að bærinn léti fram fara sjálf- stæða athugun á stöðu þessa máls. Frekari afgreiðslu málsins var síðan frestað. Guðmundur Þ. Jónsson kjörinn formaður Lands- sambands iðnverkafólks ÞRIÐJA þing Landssambands iðnverkafólks var haldið á Ilótel Loftleiðum í Reykjavík um helg- ina. 38 fulltrúar sátu þingið frá 4 félögum. Forseti þingsins var kosinn Jón Ingimarsson frá Akureyri og varaforsetar Bjarni Jakobsson. Reykjavík. og Guðrún Ilaraldsdóttir. Hellu. * Fráfarandi forseti Landssam- bandsins, Björn Björnsson, gaf ekki kost á sér til endurkjörs, en hann hefur verið formaður þess frá stofnun 1973. Voru Birni þökkuð margháttuð störf fyrir iðnverkafólk í áratugi. Stjórn Landssambands iðn- verkafólks til næstu 2. ára skipa. Formaður: Guðmundur Þ. Jóns- son. Varaformaður: Jón Ingimars- son. Ritari: Bjarni Jakbosson. Gjaldkeri: Sigríður Skarphéðins- dóttir. Meðstjórnendur: Kristín Hjálmarsdóttir, Sigurbjörg Sveinsdóttir, Gunnlaugur Einars- son. Varamenn: Guðrún Erlings- dóttir, Hallgrímur Jónsson, Stein- grímur Steingrímsson. Endur- skoðendur: Guðmundur Guðni Guðmundsson, Höðkuldur Stefánsson. Varaendurskoðandi: Olafur Þorbjörnsson. Þingið samþykkti ýmsar álykt- anir. Mótmælt var tilefnislausum árásum á samningsrétt og lífskjör alls launafólks í landinu, sem felast í lögunum um ráðstafanir í efnahagsmálum, eins og það var orðað. Segir m.a. í ályktun um kjaramál að næsta verkefni launa- fólks sé að knýja ríkisvaldið og atvinnurekendur til að viðurkenna samningana eða raungildi þeirra. Guðmundur Þ. Jónsson í ályktun um iðnaðarmál segir m.a. að næsta lítil breyting hafi orðið á afstöðu valdhafa til innlenda iðnaðarins þrátt fyrir fögur orð á nýliðnu iðnaðarári. Stjórnvöld eru hvött til að taka upp jákvæðari stefnu í málefnum iðnaðarins en verið hefur til þessa og jafnframt eru allir landsmenn hvattir til þess að hafa það hugfast að efling innlenda iðnað- arins sé snar þáttur í sjálfstæðis- baráttu okkar. Loks ályktaði þingið um fræðslumál og hvatti til aukinnar fræðslu iðnverkafólks og þess að margra ára reynzla og starfsþjálf- un yrði metin til jafngildis iðn- námi hvað laun snerti. Umf. Biskupstungna sýnir leikritið „Gísl” Skálholti í marz. UNGMENNAFÉLAG Biskupstungna frumsýndi föstudaginn 3. marz leikrit- ið „Gísl“ eftir írska skáldið Brendan Behan í þýðingu Jónasar Arnasonar. Leik- stjóri var Sunna Borg. Leikritið fjallar um frelsisstríð íra, ólíkustu manngerðir, þrá og berjast fyrir frelsinú. Gæti verið holl lexía að hugleiða oftar þvílík guðsgjöf allra það frelsi er, sem okkur Islendingum hefur hlotnast. Sýningin tókst með afbrigðum vel, hvergi var að finna veikan hlekk. Hlutverkin eru 16, mjög niisstór en hafa öll sína þýðingu og voru þau ákaflega vel af hendi le.vst. I leikritinu eru nokkrir söngvar við létt og falleg írsk lög. Komust þau vel til skila og settu góðan svip á sýninguna. Söngvana hefur Sig- urður Erlendsson æft og hann lék einnig undir á píanó. Leikstjóran- um og leikendum ber heiður og þökk fyrir frábæra>sýningu. Blóm- in og undirtektir áhorfenda undirstrika þetta ra’kilega. Þetta viöamikla verkefni er tekið til sýninga í tilefni af 70 ára afmæli Ungmennafélagsins, sem verður á sumardaginn fyrsta. Leiklistin hefur verið snar þáttur í starfi félagsins frá upphafi ogf þar koma rnargir við sögu. Fróð- legt yfirlit yfir leiklistarsögu félagsins er að finna í leikskrá. — Björn.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.