Morgunblaðið - 25.05.1978, Blaðsíða 33

MORGUNBLAÐIÐ, FIMMTUDAGUR 25. MAÍ 1978
33
„ Upphafið að lokasókninni
í baráttunni umReykjavík ”
—segir Olafur B. Thors um kosninga-
hátíðina í Laugardalshöll annað kvöld
— Þessi kosningahátíð
verður með nokkuð öðrum
hætti en tíðkast hefur fyrir
síðustu kosningar. Við leggj-
um áherzlu á að þetta verði
hátíð allrar fjiilskyldunnar,
bæði ætti dagskráin að vera
við hæfi sem flestra aldurs-
hópa og einnig verður í
anddyri Laugardalshaliar-
innar barnagæzla og leik-
tæki fyrir börn. Ég er ekki
í vafa um að þetta verður
glæsileg hátíð og það bar-
áttuhátíð — og ég vona að
sem flest stuðningsfólk
D—listans til borgarstjórn-
ar sjái sér fært að koma,
sagði Ólafur B. Thors, annar
maður á D—listanum, lista
Sjálfstæðisflokksins við
borgarstjórnarkosningarn-
ar, en hann verður kynnir á
kosningahátíð D—listans í
Laugardalshöilinni n.k.
föstudagskvöld.
— Dagskrá hátíðarinnar
verður fjölbreytt og við get-
um nefnt leik Lúðrasveitar
Reykjavíkur, sem leikur við
Höllina áður en hátíðin hefst.
Flutt verður dagskrá úr
ljóðum Tómasar Guðmunds-
sonar af þeim Rúrik Haralds-
syni leikara, Kristínu
Jóhannsdóttur söngkonu og
Hljómsveitinni Melkior. Liðs-
menn „big band“ Björns R.
Einarssonar ætla að flytja
jassdagskrá, sem þeir nefna
„Ragtime í Reykjavík", og þá
flytja Björgvin Halldórsson
og hljómsveitin Brimkló
nokkur lög. Nokkrir fram-
bjóðendur á lista Sjálfstæðis-
ólafur B. Thors
flokksins til borgarstjórnar
flytja ávörp en aðalræðu
kvöldsins flytur Birgir ísleif-
ur Gunnarsson borgarstjóri.
Víst er einnig að sitthvað
fleira verður á dagskránni,
sem áreiðanlega á eftir að
koma viðstöddum á óvart.
— Við sjálfstæðismenn
stöndum nú frammi fyrir
tvísýnum kosningum. Sigur
okkar vinnst ekki nema með
samstilltu átaki ails
stuðningsfólks D—listans og
ég vil því endurtaka áskorun
mína til sjálfstæðismanna
um að koma á hátíðina en
hún mun marka upphafið að
lokasókninni fyrir baráttunni
um Reykjavík og sigri Sjálf-
stæðisflokksins, sagði Ólafur
B. Thors að lokum.
Hljómsveitin Brimkló og Björgvin Halldórsson söngvari flytja nokkur lög á hátíðinni.
Björgvin og Brim-
kló með kassagítara
- „í HÖLLINNI komum við
fram án okkar venjulegu hljóð-
færa en í stað þeirra byggjum
við mest á kassagíturum. Tón-
list okkar verður því ekki
rafmögnuð og við vonum að
það komi ekki að sök þó langt
sé síðan við höfum leikið með
þessum hætti“, sagði Björgvin
Halldórsson söngvari, en hann
kemur fram á kosningahátíð
IMistans ásamt hljómsveitinni
Brimkló.
Þeir sem skipa hljómsveitina
Brimkló auk Björgvins eru
Arnar Sigurbjörnsson, gítar,
Ragnar Sigurjónsson, trommur,
Haraldur Jónsson, sem leikur á
bassa, og hljómborðsleikari er
Guðmundur Benediktsson.
„Berum niður
í Reykjavikur-
ljóð Tómasar”
— VIÐ berum niður í ljóð
Tómasar Guðmundssonar og þá
ekki síst Reykjavíkurljóð hans.
Meðal þeirra ljóða. sem við
flytjum, verða ljóðin Kosning-
ar, Augun þín og Við Lauga-
veginn.
Strákarnir í hljómsveitinni
Melkior hafa samið tónlist við
ljóðin og við Kristín Jóhanns-
dóttir söngkona flytjum ljóðin.
Þessi músík þeirra er alveg
ljómandi skemmtileg, sagði
Rúrik Haraldsson leikari, en
hann kemur fram á kosningahá-
tíð D-listans í Laugardalshöll-
inni n.k. föstudagskvöld og
flytur dagskrá úr Ijóðum Tóm-
asar Guðmundssonar ásamt
Melkior og Kristínu Jóhanns-
dóttur.
— Það er rétt að þetta er í
fyrsta sinn, sem ég kem fram
með popphljómsveit og vist er
að þetta er skemmtileg reynsla
en það er bara að sjá hvernig
gestir á hátíðinni kunna að
meta þennan flutningsmáta á
ljóðum Tómasar, sagði Rúrik að
síðustu. Rúrik Ilaraldsson
„Big band”
með léttan djass
„ÞETTA verður léttur djass,
sem við leikum og auk þess
þvælast nokkur dæmigerð
„ragtime“-lög með. Annars sak-
ar ekki að láta það fljóta með
að „ragtime“ er notað yfir
fyrstu svokölluðu djasslögin,
sem leikin voru fyrir og eftir
síðustu aldamót. Þá voru ýmsir
kunnir kompónistar upp á sitt
besta en frckar lítið af þessum
lögum er nú skrifað fyrir
hljómsveit á stærð við „big
band“ hljómsveit okkar,“ sagði
Björn R. Einarsson hljóðfæra-
leikari en hann flytur á
kosningahátíð D-listans dag-
skrána „Ragtime í Reykjavík“
ásamt „big band“-hljómsveit
sinni.
I „big band“-hljómsveit
Björns R. Einarssonar eru auk
hans Hafsteinn Guðmundsson,
Þorvaldur Steingrímsson og
Sveinn Ólafsson, sem allir leika
á saxafóna, á trompet leika þeir
Jón Sigurðsson, Sæbjörn Jóns-
son og Jónas Þ. Dagbjartsson en
á básúnu leika Árni Elvar,
Oddur Björnsson auk Björns R.
Á píanó leikur Reynir Sigurðar-
son og ameríkumaður að nafni
Scott leikur á bassa og trommu-
leikari er Guðmundur R.
Eihárssoh'.
„Big band" Björns R. Einarssonar æfir fyrir kosningahátíðina í Laugardalshöll.