Morgunblaðið - 30.07.1978, Blaðsíða 33

MORGUNBLAÐIÐ, SUNNUDAGUR 30. JULÍ 1978'
33
Fjörefni á létt-
metismarkaðnum
ÞAÐ er fyrir löngu orðin hefð
í íslenskum dægurlagaflutn-
ingi að syngja um sjóinn og
sjómennskuna. Hér kemur ein
plata sem ber nafn í ætt við
þetta. „Dansað á dekki“ heitir
hún og eru flytjendur hljóm-
sveitin Fjörefni, sem fyrir
síðustu jól gaf út plötu með
frumsömdu efni um Hallæris-
planið og unglingana. Sú plata
drukknaði í jólaplötuflóðinu og
náði einhvern veginn ekki
eyrum fjöldans.
Þar fór góð hugmynd fyrir bí.
A þessari nýju plötu kveður hins
vegar við annan tón. Lögin eru
flest erlend — þ.á m. nokkur vel
þekkt eins og „Let your love
flow“ (Bellamy Brothers),
„Daddy Cool“ (Darts) o.fl. — og
íslenskir textar ekki helgaðir
ákveðnu málefni, heldur fjalla
um hitt og þetta. Hér er því
höfðað til léttmetismarkaðarins
og stendur platan vel fyrir sínu
sem slík.
í tæknilegu tilliti er platan
vel unnin og er greinilega
töluvert í hana lagt. Hljóðfæra-
leikur og útsetningar eru með
ágætum og söngur kemst vel til
skila, þótt í hann vanti stundum
meiri fyllingu — einkum í
rólegri lögunum. Frumsömdu
lögin, en þau eru þrjú, láta
eðlilega ekki eins kunnuglega í
eyrum og hin þekktu erlendu lög
en það kæmi ekki á óvart, þótt
þau ynnu verulega á með
tímanum. Miðað við íslenskan
gæðastuðul teljast textar plöt-
unnar margir hverjir sæmilegir.
Það virðast hins vegar vera
sjúkdómseinkenni íslenskrar
dægurlagagerðar, hversu erfitt
er að fá orta frambærilega
texta. Það eru furðu fáir, sem
leggja sig verulega niður við
textagerð hérlendis — texta,
sem falla vel að laglínum. I
íslenskunni er gnótt orða að
moða úr og hingað til hefur
fósturlandið ekki búið við hag-
yrðinga- og skáldaskort. Ur
þessu þyrfti að rætast. En
sleppum útúrdúrum.
Hér er á ferðinni plata, sem
kannski þarfnast ekki djúp-
stæðrar athygli heldur höfðar
til léttleikans eins og áður er
getið og þannig ber að taka
hana. Strákunum í Fjörefni
hefur að þessu sinni tekist að
uppfylla flest skilyrði til að svo
megi vera.
A næstunni hyggjast
strákarnir leggja land undir fót
í samfloti við hljómsveitina
Tívolí og fá þeir eflaust margan
ballgestinn til að hreifa sig
hressilega. Svona fjörefni fer vel
í landann á dansleikjum.
T.H.A.
Nafna-
vandamál
Spring-
steens
BRUCE Springsteen lenti í
nokkrum vandræðum með að
skíra nýjustu plötu sína, „Dark-
ness on the edge of town“, áður
en hann loks var ánægður með
nafn hennar.
Upprunalega stóð til að breið-
skífan nefndist „Badlands“, en
svo nefnist eitt laganna á plöt-
unni og hefur það verið gefið út
á lítilli plötu. En þá komst
Springsteen að því að einn
kunningi hans frá New Jersey
hafði nýlokið við að taka upp
breiðskífu er átti að bera það
nafn.
Springsteen gafst þó ekki upp og
ákvað nú að skíra plötuna „Racing
in the street". Við nánari athugun
komst hann síðan að því að það
nafn var of líkt nafni síðustu
breiðskífu sinnar, „Born to run“.
Þá loks skírði kappinn breiðskíf-
una „Darkness on the edge of
town“. Svo „heppilega" vildi til að
á sama tíma og plata hans kom út
sendi Tom Robinson frá sér plötu
sína „Power in the darkness".
mm\
• f< í

arar
EINN ER sá gítarleikari sem fremur lítill gaumur hefur verið
gefinn undanfarin ár, þrátt fyrir að hann eigi ótvírætt heima
í hópi afburðamanna í gítarleik. Þetta er breski gítarleikarinn
Allan Holdsworth. Segja má, að hann hafi e.t.v. ekki staðið í
fremstu víglínu rokk- og djasstónlistarinnar en hann hefur þó
víða komið við á tónlistarferli sfnum. Sá ferill er ekki ýkja
langur, þar eð Holdsworth byrjaði að læra á gítar fyrir aðeins
rúmum áratug. Má teljast ótrúlegt hversu mikilli tækni og hve
persónulegum stfl hannn hefur náð á ekki lengri tfma.
Ferill hans hófst í bresku
djasshljómsveitinni Nucleus ár-
ið 1972. Síðan lék hann um tíma
með hinni skammlífu hljómsveit
Jon Hisemans, Tempest, en gekk
til liðs við Soft Machine 1974 og
lék með henni um eins árs skeið.
Þá lék hann með hljómsveit
bandaríska djasstrommuleikar-
ans Tony Williams, Lifetime, en
þar léku eitt sinn þeir Jack
Bruce og John McLaughlin. Árið
1976 gerðist hann liðsmaður
hinnar franskættuðu Gong en
um þessar mundir leikur hann
með hinni nýstofnuðu UK ásamt
Bill Brtiford, Eddie Jobson og
John Wetton. Ennfremur hefur
Holdsworth leikið á sólóplötum
Bill Brufords, fiðluleikarans
Jean Luc Ponty og gefið út eina
sólóplötu sjálfur.
í gítarleik Holdsworths gætir
mikilla djassáhrifa. Hann býr
yfir mikilli leikni og impróvíser-
ingartækni. Þó verður leikur
hans ekki að tómri fingraleik-
fimi, því hann hefur næmt eyra
fyrir laglínunni og seiðir oft
fram milda, fiðlukennda og
jafnvel tregablandna tóna úr
hljóðfæri sínu. Holdsworth er
jafnvígur á órafmagnaðan gítar
sem rafmagnaðan og getur
einnig spilað á fiðlu ef svo ber
undir.
Alls hefur Allan Holdsworth
leikið inn á níu plötur en einna
bestu heyrnarhornin af leik
hans er að finna í plötunum
Bundles með Soft Machine,
Believe it með Tony Williams’
Lifetime, Gazeuse og Expresso
II með Gong og Feels good to me
með Bill Bruford.
Yínsældalistar
Sakir tæknilegra örðugleika getum við því miður ekki birt nema
10 vinsælustu lögin í Bretlandi, þessa vikuna. Brezki vinsældarlistinn
er hins vegar óvenju líflegur, mörg laganna hafa fært sig um set og
tvö ný lög eru á honum. Fyrst ber að geta nýjasta lags ELO „Wild
west hero“, en Kate Bush er einnig komin aftur á blað með „Man with
the child in his eyes“, en eins og kunnugt er var það lag á listanum
fyrir skömmu en datt út af honum. John Travolta og Olivia
Newton-John eru enn sem íyrr í efsta sætinu. en þar hafa skötuhjúin
haldið sig frá 15. júní.
London
1. (1) You’re the one that I want — John Travolta og Olivia
Newton-John.
2. ( 2) Dancing in the city — Marshall og Hain.
3. ( 8) Substitute — Clout.
4. ( 3) Smurf song — Father Abraham.
5. ( 9) Boogie oogie oogie — A Taste of Honey.
6. ( 4) Like clockwork — Boomtown Rats.
7. (13) Wild west hero — Electric Light Orchestra.
8. ( 7) A little bit of soap — Showaddywaddy.
9. ( 5) Airport — Motors.
10. (11) Man with the child in his eyes — Kate Bush.

Punktar
Fleetwood Mac ætla svo sannarlega að fylgja plötu
sinni „Rumours“ vel eftir, en sem kunnugt er varð sú
plata vinsæl mjög beggja vegna Atlantshafsins. Þeir
hafa pantað sex mánuði í stúdíói í Los Angeles, en
hljómsveitin er nú á hijómleikaferðaiagi um Bandarík-

in.
Breiðskífa, sem hefur að geyma gömul og góð
blús-lög, er væntanleg á markaðinn seinna á árinu.
Meðal flytjenda á plötunni eru Albert King, Johnnie
Taylor og Freddie Robinson, en platan nefnist
„Walking the back streets and crying: the Stax blues
masters."
L
Captain Sensible, fyrrverandi bassaleikari hljóm-
sveitarinnar Damned, hefur nú stofnað nýja hljómsveit
og heitir hún Kings. Kafteinninn leikur sjálfur á gítar
í hljómsveitinni, sem um pessar mundir er á ferðalagi
um meginland Evrópu. '—