Morgunblaðið - 21.11.1978, Blaðsíða 20

20
MORGUNBLAÐIÐ, ÞRIÐJUDAGUR 21. NÓVEMBER 1978
Japönum boðið upp
á íslandsferðir
Eru á dagskrá einnar stærstu
ferðaskrifstofu Japans
EIN stærsta ferðaskrifstofa Jap-
ans, Jalpak hefur tekið íslands-
ferðir á dagskrá hjá sér fyrir
næstu tvö árin og má í framhaldi
af því búast við auknum straumi
japanskra ferðamanna hingað til
lands. Ferðamálaráð hefur m.a.
unnið að þessu máli og fór Heimir
Ilannesson lögfræðingur, formað-
ur ferðamálaráðs, í þessu skyni
til Japans í s.l. mánuði.
Heimir Hannesson sagði að
upphaf þessa máls hefði verið það
að japönsk sendinefnd kom til
íslahds s.l. sumar á vegum ferða-
'UlhjStc>aȒMyb*8
Forsíða kynningarbæklings frá
Jalpak.
málaráðs og Flugleiða. Var hún
frá japanska flugfélaginu Japan
Airlines og ferðaskrifstofunnar
Jalpak en hún er að hluta í eigu
japanska flugfélagsins. Áttu
Japanirnir viðræður við Islend-
inga um ferðamál en þeir höfðu
áhuga á því að setja Islands- og
Grænlandsferðir inn á áætlun
Jalpak. Framhaldsviðræður fóru
fram í Tokyo í s.l. mánuði og fór
Heimir þangað í þeirra boði. Þeir
tóku þá ákvörðun að setja Island
og Grænland inn á ferðaáætlun
fyrir árin 1979 og 1980.
„Fyrst um sinn verða þessar
ferðir kynntar sérstökum
viðskiptavinum ferðaskrifstofunn-
ar, eins konar ferðaklúbbi sem í
eru tugir þúsunda meðlima, „sagði
Heimir. „Væntanlega fer þessi
starfsemi rólega af stað enda
okkar vilji að svo sé, en ef að líkum
lætur fjölgar þeim Japönum sem
hingað koma sem ferðamenn á
næstu árum, því að Japanir eru
miklir ferðalangar og má í því
sambandi nefna að s.l. ár fóru um
400 þúsund Japanir í ferðalög til
Evrópu."
Heimir sagði að í tengslum við
þetta hefðu japanskir kvikmynda-
tökumenn komið til íslands s.l.
sumar og tekið hér kvikmyndir. I
framhaldi af því verða sýndar
tvær myndir frá Islandi í einni
þekktustu sjónvarpsstöð Japans.
Þá samdi Heimir um það að
japanska ríkissjónvarpið tæki til
sýningar nýja íslandskvikmynd,
sem gerð var af ferðamálaráði og
Flugleiðum í sameiningu. Enn-
fremur voru gerðar ráðstafanir til
þess að fleiri myndir yrðu sýndar í
einkasjónvarpsstöðvum og slíkum
myndum verður komið í umferð í
japanska menntakerfinu. Hefur
m.a. verið haft samband við
fyrirtæki, sem dreifa myndum til
fleiri Asíulanda.
Heimir sagði að lokum að hann
hefði átt viðræður við japanska
ferðamálaráðið í Tokyo og hefði
orðið að samkomulagi að það tæki
Island inn í sína kynningardag-
skrá. Kvað Heimir mjög mikilvægt
að íslandskynning væri tekin á
dagskrá í Japan því að það
hjálpaði til á ýmsan hátt, bæði
með sölu á ferðum til Islands og
einnig hjálpaði það við sölu á
íslenzkum afurðum í Japan.
Lítid barn
hefur
lítið sjónsvið
Nýr bátur til
Diúpavogs
Djúpavogi, 20. nóv.
SÍÐASTA reknetasíldin
barst hingað á fimmtudaginn
var. Þá hefur verið saltað hér
í nær því 9 þúsund tunnur og
fryst nálægt 80 tonn af síld í
beitu. Þrír heimabátar hafa
lagt hér upp síld og nokkrir
aðkomubátar. Aflahæstur er
Krossanes með um 4700
tunnur, skipstjóri Einar Ás-
geirsson. Mánatindur fór út á
veiðar í gærkvöldi með hring-
nót. Hann á eftir að veiða
upp í sinn kvóta af
nótaveiðinni.
Nýr bátur kom til Djúpavogs á
laugardaginn. Er það 70 tonna
bátur, Einir RE 177. Eigendur eru
Hermann Haraldsson og Tryggvi
Gunnlaugsson. Það má gera ráð
fyrir því að 5—6 stórir bátar rói
héðan í vetur auk nokkurra minni
báta.
Framkvæmdir við frystihús-
bygginguna hér á Djúpavogi ganga
seint. Byrjað var á frystihúsinu
1972 samkvæmt frystihúsaáætlun,
sem ríkisstjórnin gerði 1971.
Okkur heimamönnum finnst að
ýmsir þeir aðilar, sem hefðu átt að
standa við sinn hlut hafi naumast
gert það og ríkir mikil óánægja í
byggðarlaginu með það hve hægt
framkvæmdum hefur miðað. Allur
fiskur er nú unninn í gamla
frystíhúsinu, sem byggt var 1947
og er það allt of lítið til þess að
hægt sé að vinna í því þann fisk,
sem berst hér á land, og auk þess
þarf að hætta fiskmóttöku í
frystihúsinu á meðan sláturtíð
stendur.
í haust var slátrað um 15.500
fjár á Djúpavogi. Meðalvigt dilka
var um 13.5 kíló án nýrnamörs.
Það mun vera í meðallagi.
Snjóað hefur síðustu dagana.
Vegir eru nokkurn veginn greið-
færir um nágrenni Djúpavogs en
þung færð hefur verið til Horna-
fjarðar.
Lionsmenn frá Djúpavogi og
Breiðdal héldu sameiginlega árs-
hátíð í Hamraborg í Berunes-
hreppi á laugardagskvöldið. Hátíð-
in fór mjög vel fram og menn
skemmtu sér hið bezta fram eftir
nóttu. Aðstaða til félagsstarfsemi
er erfið, því að gamla samkomu-
húsið er lítið. Teikning er til af
nýju húsi og grunnur hefur verið
grafinn en framkvæmdir eru ekki
hafnar ennþá.
— Ingimar

U mferðarvikan:
í vetrarakstri
er nauðsyn á full-
komnum búnaði
í DAG beinir Slysavarnafélag
íslands athygli manna að vetr-
arumferðinni í umferðarviku
sinni og fara hér á eftir kaflar
úr samantekt, sem Hergeir
Kristgeirsson hefur gert:
„í vetrarakstri þarf að mörgu
að hyggja og þá reynir á hæfni
ökumanna, ekki eingöngu
hversu leiknir þeir eru að
stjórna bifreiðinni, heldur einn-
ig hvernig þeir búa bifreið sína
og hvaða aðgát þeir hafa á öllu
sem viðkemur akstrinum.
í umferðarlögunum er okkur
sagt, að ökumaður skuli hafa
góða útsýn úr sæti sínu fram
eftir vegi og til hliðar, einnig
skal hann sjá í baksýnisspegli
aftur fyrir bifreiðina.
En muna allir eftir þessum
ákvæðum umferðarlaganna, eða
gefa sér tíma til þess að hreinsa
snjó, hrím eða móðu af rúðunum
áður en ekið er af stað? Gefa
menn sér tíma til að hugsa um
það, hvaða afleiðingar það getur
haft að sjá ekkki út úr bifreið-
inni? Blindir mega ekki aka
bifreið og eru ströng ákvæði um
sjón ökumanna. Af því leiðir að
ökumaður sem ekki sér út úr
bifreið sinni má ekki aka af
stað.
Meginmáli skiptir þegar ekið
er í hálku eða slæmu skyggni að
hraðinn sé ekki mikill. Það er
ólíkt auðveldara að ná stjórn á
ökutæki sem fer að renna á
hálku þegar ekið er hægt heldur
en þegar hraðinn er ef til vill
60—70 km eða þaðan af meiri.
Þá skulu ökumenn muna að þeir
þurfa lengri vegalengd til að
stöðva ökutækið þegar hált er.
Gangandi vegfarendur, þið
verðið líka að leggja ykkar lóð á
vogarskál slysavarnanna. Gang-
ið á móti umferð þar sem ekki
eru gangstéttir. Gangið ekki
hugsunarlaust yfir götu, hlaupið
ekki fyrir ökutækin. Munið að
ökutækin þurfa tíma og vega-
lengd til að stöðva. Notið
endurskinsmerki, það er ódýr
líftrygging.
Rétt er að minna foreldra
þeirra barna, sem nota reiðhjól,
á að athuga hvort reiðhjólin eru
búin ljósum og endurskins-
merkjum svo að aðrir ökumenn
geti séð þau. Það hlýtur að
teljast skylda foreldra að fylgj-
ast með þessu og gera það strax,
það er sárt að þurfa slys til að
þetta sé tekið til athugunar.
Þá er í pistlinum minnt á að
nauðsynlegt sé að vera við öllum
veðrum búinn og því sé öku-
manni og farþegum ekki síður
nauðsynlegt að vera vel klæddir.
Ökumenni
Er bifreiðin í fullkomnu lagi, og búin til vetraraksturs?
ÖKUMENNi
Munið að hreinsa hrím og snjó af rúðum og ljóskerum bifreiðanna.
Ökumenni
Dimmviðri og slæm færð krefst aukinnar aðgæzlu. Metið
aðstæður hverju sinni og akið með ökuljósum.
Ökumenni
Hafið ljósker bifreiðanna hrein, og ljósin rétt stillt. Takmarkið er,
að þið sjáið aðra og aðrir sjái ykkur.
Ökumenni
Blindir mega ekki aka bifreið og því má ökumaður, sem ekki sér út
úr bifreiðinni, alls ekki aka af stað.
Vegfarenduri
Munið að ganga á móti akandi umferð á vinstri vegarbrún, þar
sem engar gangstéttir eru.
Vegfarenduri
Notið endurskinsmerki, það er ódýr líftrygging.
Miðstjóm Alþýðu-
bandalagsins kjörin
Kosið var í miðstjórn Alþýðu-
bandalagsins á flokksráðsfundin-
um um helgina. Sjálfkjörnir í
miðstjórn eru formaður flokks-
ins, varaformaður, ritari, gjald-
keri og ráðherrar, þaui Lúðvík
Jósepsson, Kjartan Ólafsson,
Guðrún Helgadóttir og Tryggvi
Þór Aðalbjarnarson og Hjörleif-
ur Guttormsson, Ragnar Arnalds
og Svavar Gestsson.
Eftirtaldir 42 hlutu kosningu í
miðstjórn, en samkvæmt lögum
Alþýðubandalagsins eru menn
aðeins kjörgengir til slíkra
trúnaðarstarfa þrjú kjörtímabil í
röð: Úr Reykjaneskjördæmi: Bene-
dikt Davíðsson og Lúðvík Geirs-
son. Úr Vesturlandskjördæmi:
Bjarnfríður Leósdóttir og Ríkharð
Brynjólfsson. Úr Vestfjarðakjör-
dæmi: Aaage Steinsen og Guð-
mundur Friðgeir Magnússon. Úr
Norðurlandskjördæmi vestra:
Rúnar Bachman og Eðvarð Hall-
grímsson. Úr Norðurlandskjör-
dæmi eystra: Kristín Ólafsdóttir,
Óttar Proppé og Angantýr Einars-
son. Úr Austurlandskjördæmi:
Sigurður Blöndal og Þorsteinn
Þorsteinsson. Úr Suðurlandskjör-
dæmi: Jón Kjartansson og Bjarni
Þórarinsson. Auk þessara 16
sérstöku kjördæmafulltrúa voru
kjörin í miðstjórn: Adda Bára
Sigfúsdóttir, Arnmundur
Bachman, Árni Bergman, Baldur
Óskarsson, Eðvarð Sigurðsson,
Einar Karl Haraldsson, Einar
Ögmundsson, Grétar Þorsteinsson,
Guðmundur Þ. Jónsson, Guðjón
Jónsson, Haraldur Steinþórsson,
Ingólfur Ingólfsson, Magnús
Kjartansson, Sigurður Magnússon,
Vilborg Harðardóttir, Þór Vigfús-
son og Þröstur Ólafsson, öll úr
Reykjavík, Birna Bjarnadóttir,
Geir Gunnarsson, Jóhann Geirdal,
Ólafur R. Einarsson, Ólafur Ragn-
ar Grímsson, Karl Sigurbergsson
og Svandís Skúladóttir úr Reykja-
neskjördæmi, Guðmundur M.
Jónsson, Vesturlandskjördæmi, og
Jóhannes Helgason, Suðurlands-
kjördæmi.