Morgunblaðið - 21.11.1978, Blaðsíða 45

MORGUNBLAÐIÐ, ÞRIÐJUDAGUR 21. NÓVEMBER 1978
45
brugga sér öl þar sem brennivíns-
flaskan kostar yfir sex þúsund
krónur, en innihald slíkrar flösku
kostar kannski um þa bil 400
krónur. Þá sjá nú allir heilvita
menn hvers konar reginvitleysa
þetta er hjá því opinbera. Þetta
þýðir það að almennt er ekkert
áfengi keypt og það er það sem
allir eiga að koma sér saman um,
að kaupa ekkert áfengi, hvorki í
útsölunum né á veitingastöðum,
láta sér nægja ölið og kaffi. Enda
er svo komið að veitingastaðir eru
mjög illa sóttir og á það eftir að
versna mikið.
Tökum okkur saman allir sem
einn maður, og kaupum ekkert
áfengi.
Ríkisútvarpið virðist ekki vera í
neinum fjárhagserfiðleikum,
bryddar upp á nýjum þáttum á
morgnana sem enginn hlustar
kannski á, enda fremur ómerkileg-
ir og að mínu mati innantómir. Þá
hefi ég heldur aldrei skilið þessa
morgunleikfimi og allra sízt að
hún skuli vera leikin tvisvar, fyrr
má nú rota en dauðrota.
Eins er það með sönglistina.
Ævinlega eru spiluð lög með
Guðmundi Jónssyni og Þorsteini
Hannessyni, enda vinna báðir hjá
útvarpinu. Sjaldnar heyrist í
Erlingi Vigfússyni og Árna Jóns-
syni, en Erlingur var einu sinni á
ferð hér í haust og vildi þá syngja í
útvarp eða sjónvarp. Var honum
sagt að það væri ekki hægt og
finnst mér að svona nokkuð gangi
ekki. Mér finnst ekki gætt nógu vel
að því að nota alla þá söngkrafta
sem til eru í landinu og starfandi
erlendis (Islendinga), því af nógu
er að taka.
Fósturbróðir.“
Varla eiga þeir söngvarar sem
starfa hjá útvarpinu að líða fyrir
það á þann hátt að rödd þeirra
heyrist ekki stöku sinnum, en það
má e.t.v. deila á það hversu oft
hver og einn kemur fram. Hitt má
líka benda á að ekki er alltaf laus
tími í ásetnum upptökusölum
ríkisfjölmiðlanna, þótt viðkom-
andi ráðamenn vilji mjög gjarnan
taka upp dagskrár með íslenzkum
söngvurum er starfa ytra.
Þessir hringdu . . .
• Vantraust á
Reykvíkinga?
Reykvíkinguri
— Sem kunnugt er hafa þing-
menn einkabílastæði á svæðinu
bak við Alþingishúsið hinum
megin götunnar þar sem Þórsham-
er er. Þegar þeir koma til vinnu
sinnar í þinginu hefur mátt sjá
menn, stæðisverði, standa þar og
taka frá keðju, sem annars lokar
bílastæði þeirra af. Er hér um að
ræða dyraverði frá Þórshamri að
því er mér skilst og hlaupa þeir til
þegar þingmenn koma, og opna
fyrir þeim og loka aftur unz næsti
bíll kemur. Mér finnst þessi varsla
hálf Undarleg að því leyti að ég
held að varla dytti neinum í hug að
nota sér þessi bílastæði, því þau
eru það vel merkt og ætluð
þingmönnum og e.t.v. öðrum
starfsmönnum Alþingis. Mér
finnst því oft eins og hér sé
Reykvíkingum sýnt þvílíkt van-
traust að öruggara sé að loka
stæði háttvirta þingmanna frá
almennri umferð, sem kostar það
að sérstakur maður verður að
annast hliðvörslu á meðan. Taka
skal fram að stæðið mun opið
almenningi um helgar. Mér finnst
þetta algjör óþarfi og lýsa van-
trausti á okkur. Hvað finnst
SKÁK
Umsjón:
Margeir Pitursson
Á skákmóti í Júgóslavíu
snemma á þessu ári kom þessi
staða upp í skák stórmeistaranna
Nemets, sem hafði hvítt ,og átti
leik og Janosevics.
27. Df5! - fxcfi 28. RxeG+ - KhG
29. dxe5 — Db8 30. g4 og svartur
gafst upp, því að hann á ekkert
fullnægjandi svar við hótun hvíts,
31. Dh5+.
öðrum Reykvíkingum? Að lokum
skal taka það fram að ég er alls
ekki að efast um nauðsyn sérstaks
bílastæðis fyrir þingmennina, en
ég hefði bara haldið að menn létu
sérstaklega merkt stæði í friði.
• Dýr bílastæði?
Þá hefur annar Reykvíkingur
velt vöngum yfir málum sem eru
svipaðs eðlis:
— Lengi hafa starfsmenn nokk-
urra ráðuneyta, sem til húsa eru í
Arnarhvoli, haft merkt bílastæði
bak við Þjóðleikhúsið og Lands-
bókasafnið. Eru þessi stæði merkt
bílnúmerum viðkomandi eða ráðu-
neytum. í haust var hins vegar
tekinn upp sá háttur að innakstri
á stæðið var lokað og þangað
komast menn nú ekki nema
gegnum hlið sem í þarf að láta
sérstakt spjald. Ekki þarf að taka
fram að hér er um dýrari útbúnað
að ræða en venjulega merkt
bílastæði eins og þau voru fyrrum
og því mætti spyrja hversu mikil
kjarabót þetta sé fyrir viðkomandi
menn og hvort þetta sé ekki
nokkuð dýr lausn. Kannski þykir
þetta smásmuguleg athugasemd,
en verður ekki að huga örlít tið að
því hversu langt á að ganga í að
þjóna þessum hlutum fyrir starfs-
menn ríkisins?
HÖGNI HREKKVÍSI
/040 ©1978
McNmught Synd., Ine.

M
KDMPk)
Áttræðisafmæli:
Gísli Ólafsson
bakarameistari
80 ára er í dag Gísli Ólafsson
bakarameistari, Bergstaðastræti
48, Reykjavík. Margra ára kunn-
ingsskapur og fjölmörg störf hans
fyrir bakarastéttina koma mér til
að hugsa aftur í tímann og vil ég í
fáum orðum minnast þess helsta,
sem í hugann kemur við þessa
upprifjun.
Gísli Ólafsson fæddist að Gamla
Hrauni við Eyrarbakka hinn 21.
nóvember 1898. Sem drengur
vandi hann komur sínar í bakaríið
á staðnum, líkt og fleiri drengir
gerðu. Oft fengu þeir snarl uppí
sig fyrir að veita smá aðstoð. En
vafalaust hefur bakaranum líkað
vel við aðstoð Gísla, því að Gísli
ílentist í bakaríinu og hóf síðar
nám í Eyrarbakkabakaríi árið
1915. Bakaríið var þá vel þekkt en
á þeim tíma var öll framleiðslan
handunnin af hinni gamalkunnu
brauðavandvirkni. Tegundirnar
voru að vísu ekki margar en þeim
mun frekar var krafa gerð til þess,
að verkið væri vel af hendi leyst.
Frá Eyrarbakka lagði Gísli leið
sína til Reykjavíkur, þar sem hann
hélt áfram námi hjá Valdemar
Petersen, dönskum bakarameist-
ara, sem rak brauðgerðarhús að
Laugavegi 36. Hinn 24. marz 1920
lauk Gísli námi með ágætiseink-
unn og hóf þá störf sem bakara-
sveinn í Björnsbakaríi. Á árinu
1923 hóf hann rekstur að Þing-
holtsstræti 23 í félagi við Kristin
heitinn Magnússon, , Ráku þeir
bakarí saman í nokkur ár en 1939
hóf Gísli rekstur eigin bakarís að
Bergstaðastræti 48. Þar rak hann
brauða- og kökugerð af mikilli
vandvirkni fram til ársins 1963, er
hann gerðist starfsmaður Lands-
banka Islands. Jafnframt tók hann
við starfi við hinn nýja bakara-
skóla, sem hóf starfsemi um líkt
leyti. Bakaraskólinn var nýmæii
og vann Gísli þar mikið og
verðmætt uppbyggingarstarf, sem
bakarastéttin býr nú að.
Gísli var meðlimur í Bakara-
sveinafélagi Reykjavíkur en gerð-
ist stofnfélagi í Bakarameistarafé-
lagi Reykjavíkur síðar, eða þegar
það var stofnað árið 1923. Kom
fljótt í ljós hve traustur félags-
maður hann var enda var hann
kjörinn í stjórn félagsins. Var
hann ritari í alls 9 ár og formaður
félagsins var hann í 18 ár. Vann
hann framúrskarandi vel að mál-
um félagsins enda starfsamur og
áhugamikill. I mörg ár var hann
fulltrúi B.M.F.R. á iðnþingum.
Gísli átti frumkvæði að ýmsu, er
varð bakarastéttinni til mikils
gagns. Má t.d. nefna, að meðan
hann var formaður B.M.F.R. var
fenginn til félagsins danskur
kökugerðarmaður, Christian
Madsen, frá Teknologisk Institut í
Kaupmannahöfn. Hélt hann tvö
námskeið í iðninni og voru þau
fjölsótt bæði af nemum, sveinum
og meisturum alls staðar að af
landinu.
Gísli átti þátt í stofnun ýmissa
fyrirtækja, sem unnu fyrir stétt-
ina og tók hann einnig þátt í
stjórnun þeirra. Hann var í
prófnefnd til sveinsprófs. Þá var
hann í stjórn Iðnaðarmannafélags
Reykjavíkur í 10 ár og var gerður
að heiðursfélaga þess á 100 ára
afmæli félagsins árið 1967.1 stjórn
Iðnráðs var hann frá árinu 1950 til
ársins 1970, þar af formaður í 5 ár.
Hinn 27. október 1923 giftist
Gísli hinni framúrskarandi og
ágætu konu Kristínu Einarsdóttur
og eiga þau þrjú börn.
Árið 1958 var Landssamband
bakarameistara stofnað. Var Gísli
meðal stofnfélaga, enda vann hann
ötullega að stofnun sambandsins.
Hefir hann nú um árabil verið
framkvæmdastjóri Landssam-
bandsins og nýtur enn í dag fullrar
starfsgetu. Gísli hefir kynnst
félagsmálum bakara betur en
flestir aðrir og unnið gott starf í
þeirra þágu. Hann verðskuldar því
þakkir okkar allra fremur en
nokkur annar. Þær þakkir berum
við frafh í dag.
Ég vil að lokum þakka Gísla
fyrir það góða samstarf, sem við
höfum átt, bæði sem félagar svo og
í stjórnum beggja félaga bakara-
meistara frá því að ég gekk í
B.M.F.R. árið 1942.
Lifðu heill. Við þökkum þér
allir.
Sigurður Bergsson
— Landssamband
bakarameistara.
Reyfarakaup
Verð frá kr.
72.155-
NYJU
PRAKTICA-
vélarnar loksins komnar.
Greiðsluskilmálar.

ZéU
LJÓSMYNDAVÖRUVERSLUN
LAUGAVEGI 178 105 REYKJAVIK SÍMI 85811