Morgunblaðið - 21.11.1978, Blaðsíða 21

MORGUNBLAÐIÐ, ÞRIÐJUDAGUR 21. NÓVEMBER 1978
21
BRENNUVARGAR voru athafna-
samir í Reykjavík um helgina því
að kveikt var í eða gerðar
íkveikjutilraunir á fjórum
stiiðum. Einn brennuvarganna
hefur verið handtekinn og úr
skurðaður í gæzluvarðhald en
hinir eru ófundnir. Er það ósk
Rannsóknarlögreglunnar að fólk
veiti henni allar upplýsingar, sem
að gagni kunna að koma við að
upplýsa þessi alvarlegu afbrot.
Alvarlegasta íkveikjan var í
eldri álmu fæðingadeildar Land-
spítalans. Svo heppilega vildi til að
álman er í endurbyggingu og voru
því engar sængurkonur né korna-
börn í álmunni. Fljótlega tókst að
slökkva eldinn og barst því lítið af
reyk um bygginguna. I þessu
tilfelli fór því betur en óttast var í
fyrstu. Hefur Rannsóknarlögregl-
an sérstaklega mikinn áhuga á því
að fá upplýsingar um þetta
alvarlega afbrot.
Aðfaranótt föstudagsins var
kveikt í geymsluhúsi við Mikla-
torg. Slökkviliðið var fljótt á
staðinn sem von var, enda slökkvi-
stöðin svo að segja í næsta húsi.
Tókst að afstýra verulegum
skemmdum.
Aðfaranótt laugardagsins var
síðan gerð tilraun til þess að
kveikja í íbúðarhúsi við Njálsgötu.
Eldur var kveiktur við útidyr en í
tæka tíð tókst að slökkva eldinn
áður en hann læsti sig í húsið. Til
brennuvargsins sást og var hann
handtekinn og úrskurðaður í
gæzluvarðhald.
Loks var kveikt í geymsluskúr
við Skólavörðustíg síðdegis á
laugardaginn og enn einu sinni
tókst slökkviliðinu að koma í veg
fyrir stórtjón.
Frá brunanum í fæðingadeildinni.
Flokksráðsfundur Alþýðubandalagsins:
Fram fari allsherjar
eignakönnun í landinu
f stjórnmálaályktun flokksráðs-
fundar Alþýðubandalagsins um
hclgina fjallar sérstakur kafli um
stefnumörkun f efnahagsmálum og
er þar bent á 13 atriði, sem hafa
eigi varanlegt gildi til að vinna
gegn verðbólgunni.
Þessi atriði eru:
1. Akveðið verði nú þegar að taka
upp sterka fjárfestingarstjórn. 2.
Gerð verði rækileg úttekt á rekstri
ríkisins og ríkisstofnana. 3. Stuðlað
verði að verulegum samdrætti í
yfirbyggingu og eyðslukerfi þjóðfé-
lagsins. 4. Rannsókn á innflutnings-
versluninni verði hraðað sem kostur
er og gerðar ráðstafanir til að
tryggja hagkvæmari innkaup til
landsins. Hafist verði handa um
rannsókn á útflutningsversluninni.
Könnuð verði framkvæmd á fjárfest-
ingum og auðmagnsupphleðslu ís-
lenskra stórfyrirtækja og einstakl-
inga erlendis. 5. Haldið verði ströngu
verðlagseftirliti og mótuð stefna í
verðlagsmálum til þess að draga úr
þeim miklu verðhækkunum sem
gerðar eru kröfur um. 6. Vextir verði
lækkaðir samhliða því sem dregið
verði úr verðbólgu. 7. Stjórn inn-
flutnings- og gjaldeyrismála verði
samræmd heildarmarkmiðum í efna-
hagsmálum. 8. Hamlað verði gegn
erlendri skuldasöfnun. 9. Fjármagni
verði á skipulagðan hátt beint til
framleiðslu og framleiðniaukningar,
sérstaklega í fiskvinnslu og iðnaði og
verulega auknu fjármagni varið til
iðnþróunar. 10. Allt tekjuöflunar-
kerfi ríkisins verði tekið til endur-
skpðunar. Leggja ber á veltu- og
fjárfestingarskatta. Afnumdar verði
óeðlilegar afskrifta- og fyrningar-
reglur og endurskoða verður reglur
um skattfrádrætti. 11. Gerðar verði
ráðstafanir til þess að herða skatta-
eftirlit með sérstöku aðhaldi að
fyrirtækjum og þeim aðilum sem
stunda sjálfstæðan atvinnurekstur.
Leggur flokkurinn áherzlu á að á
þessu sviði verði gripið til tafar-
lausra aðgerða. Að öðrum kosti mun
allur almenningur halda áfram að
vantreysta öllu skattheimtukerfinu.
12. Alþýðubandalagið krefst að fram
fari allsherjar eignakönnun í land-
inu og verði niðurstöður hennar
hagnýttar við ákvörðunartöku í
efnahagsmálum. 13. Gerð verði
úttekt á umsvifum og áhrifum þeirra
fyrirtækja á íslenskt efnahagslíf
sem hér blómstra á vegum og í skjóli
amerískrar hersetu. Sérstök áherzla
verði lögð á rannsókn á tengslum
hersetunnar og umsvifum íslenzkra
fyrirtækja í Bandarikjunum og á
áhrifasvæði þeirra.
Hilmar Helgason formaður S.Á.Á., Erlendur Kristjánsson formaður æskulýðsnefndar JC Breiðholts og
Sturla Birgisson forseti JC Breiðholts.
„t>ad er skylda okkar
og þjóðfélagsins að upp-
fræða einstaklinginn’ ’
S.Á.Á. ogJC Breidholt kynna áfengisvanda-
málið medal unglinga í Breiðholtinu
SAMTÖK áhugafólks um
áfengisvandamálið (S.Á.Á.) og
JC Breiðholts standa fyrir
fræðsluherferð um hættur þær
sem eru samfara áfengisneyslu.
Þessi herferð skiptist í tvo
áfanga og hefst hinn fyrri í dag
í Hólabrekkuskóla en síðan
verður farið í alla skóla í
Breiðholtinu auk Ármúlaskóla.
Kynning þessi nær til um 2000
unglinga á aldrinum 13—17
ára.
Fyrri áfangi herferðarinnar
er þríþættur. Fyrst koma 3—5
menn frá JC Breiðholti ásamt
mönnum frá S.Á.Á. í skólana.
Þeir munu kynna bæði félögin
lítillega og síðan segir áfengis-
sjúklingur sögu sína. Þar næst
verður sagt frá því hverjir eru
líklegir til að verða áfengis-
sjúklingar og hver hegðun
manna er sem orðnir eru
áfengissjúklingar. Að lokum
mun Pjetur Maack ræða við
unglingana en hann hefur sem
kunnugt er starfað meðal þeirra
í Tónabæ og sagði Pjetur á
blaðamannafundi sem haldinn
var í gær að áfengissjúklingur
hefði mjög víðtæk áhrif á
fjölskyldu sína.
Daginn eftir þessa heimsókn
munu börnin ræða saman um
það sem fram hefur komið
daginn áður og útfylla krossa-
spurningar sem síðan verður
unnið úr til að komast að því
hversu öflugur óvinurinn er sem
glímt er við, að sögn forsvars-
manna herferðarinnar. Að lokn-
um verður efnt til teiknimynda-
samkeppni meðal nemendanna
og skulu myndirnar vera tákn-
rænar fyrir áfengisvandamálið
og 1. og 2. verðlaun í samkeppn-
inni eru skíðaferð til Húsavíkur
yfir helgi en Flugleiðir gefa
þessar ferðir. Allir þátttakend-
ur fá viðurkenningarskjöl frá JC
Breiðholti fyrir þátttökuna.
Seinni áfangi herferðarinnar
verður í janúar en þá verður
farið í Fjölbrautaskólann í
Breiðholti og fjölbrautadeildirn-
ar við Ármúlaskólann og í
Laugarlækjarskólanum.
„Það er skylda okkar og
þjóðfélagsins að uppfræða ein-
staklinginn um áfengissýki svo
hann geti sjálfur dæmt sam-
kvæmt eigin skynsemi hvort
hann tekur áhættuna," sagði
Hilmar Helgason formaður
S.Á.Á. á fundinum mað blaða-
mönnum í gær.
„10. hver maður hefur ofnæmi
fyrir áfengi og getur ekki notað
það og verður því áfengis-
sjúklingur nema honum séu
kynntar hætturnar áður,“ sagði
Hilmar.
S.Á.Á, hefur á 9 mánuðum
komið sér upp sjúkrakerfi fyrir
1200 manns en í stefnuskrá
félagsins er svo kveðið á að jafn
mikil áhersla skuli lögð á
fræðslu- og fyrirbyggjandi að-
gerðir sem endurhæfingu hinna
sjúku. Hilmar sagði að til þess
að framfylgja stefnuskránni
hefði verið samþykkt að takast á
hendur fræðsluherferð meðal
unglinga á fundi S.Á.Á. fyrir
hálfum mánuði.
Landsverkefni JC félaganna
er „Eflum öryggi æskunnar“ og
er þátttaka í þessu verkefni
hlutur JC Breiðholts í lands-
verkefninu. Sturla Birgisson
forseti JC Breiðholts sagði að
þeir myndu fara fram á það við
önnur JC félög á landinu, eða
samtals 21, að þau undirbyggju
svipaðar aðgerðir og nú væru í
bígerð þannig að S.Á.Á. geti
gengið þar inn í um land allt.
Flokksráðsfundur Alþýðubandalagsins:
Flokkurinn berst fyrir breyttu
þjóðskipulagi um allan heim
sagði Ólaf ur Ragnar Grímsson
Alþýðubandalagið berst fyrir
breyttu þjóðfélagsskipulagi, ekki
aðeins hér á landi, heldur um
heim allan, sagði ólafur Ragnar
Grímsson, í ræðu á flokksráðs-
fundi Alþýðubandalagsins.
Ólafur Ragnar gerði flokksstarf-
ið og stöðu Alþýðubandalagsins í
þjóðfélaginu sérstaklega að um-
ræðuefni í ræðu sinni. Sagði
Ólafur, að nauðsyn bæri til að
vekja upp umræðu um skipulag og
uppbyggingu flokksins í kjölfar
hinna miklu kosningasigra í vor.
Meðal þess sem hann taldi að
æskilegt gæti verið að breyta, væri
það fyrirkomulag að hafa ekki
sérstakar ungliðahreyfingar í
flokknum. Það væri hugsanlegt að
það hefði bitnað á árangri flokks-
ins hjá ungu fólki.
Þá gerði Ólafur Samtök her-
stöðvaandstæðinga einnig að um-
ræðuefni, og sagði hann, að þau
hefðu á síðustu misserum þróast í
þá átt, að verða eins konar
umræðuvettvangur milli Alþýðu-
bandalagsmanna og manna lengra
til vinstri.
Ólafur sagði, að gífurlega
áherslu þyrfti að leggja á félags-
aukningu á næstunni, einkum í
hópi launafólks, og sagði hann að
til greina kæmi að gera sérstakar
áætlanir þar að lútandi. Taldi
Ólafur vissa hættu á því, að
flokkurinn einangraðist og yrði
ekki í nægjanlegum tengslum við
þann raunveruleika er launafólk
upplifði, eins og hann komst að
orði.
Almennar umræður um ræðu
Ólafs, formanns framkvæmda-
stjórnar flokksins, verða í dag, og
þá verða einnig teknar fyrir ræður
þeirra Lúðvíks Jósepssonar, for-
manns Alþýðubandalagsins, og
Ragnars Arnaids, formanns þing-
flokksins, sem fluttar voru í gær.
Flokksráðsfundur Alþýðubanda-
lagsins er haldinn einu sinni á ári,
og fer hann að þessu sinni fram á
Hótel Loftleiðum í Reykjavík.
Brennuvargar á ferð í Reyk javík:
íkveikja á
f jórum stöðum