Morgunblaðið - 07.01.1979, Blaðsíða 19

MORGUNBLAÐIÐ, SUNNUDAGUR 7. JANÚAR 1979
19
María Skagan:
í naf ni mannúðar og réttlætis —
haldið áfram að leggja okkur lið
Mig langar aö byrja nýja áriö
með því að þakka Baldvini Þ.
Kristjánssyni af heilum huga fyrir
hinar skilningsríku og skeleggu
greinar, er hann hefur ritaö í
blöðin um fyrirhugaða sundlaug-
arbyggingu Sjálfsbjargar hér að
Hátúni 12.
Betri undirtektir gat ég naum-
ast fengið, er ég reit grein mína
S.O.S., eða — í nafni mannúðar og
réttlætis — leggið okkur lið — eins
og fyrirsögnin var orðuð í einu
dagblaðanna. Fjallaði sú grein um
hina brýnu nauðsyn þess, að hér
verði hið fyrsta byggð sú sund- og
æfingalaug, sem fyrir löngu átti að
vera fullgjörð, en er nú einungis
steyptur grunnur.
Ennfremur þakka ég og af
heilum huga öðrum þeim, sem
hafa lagt þessu máli lið með
ágætum og hvetjandi blaðaskrif-
um. Vil ég sérstaklega minna á orð
Kr. Bj. í Morgunblaðinu 13.
desember 1978, þar sem m.a. segir
svo: „Ég hef tvisvar lent í slysi og
ekkert hefur hjálpað mér eins að
komast inn í lifið aftur og þjálfun
í sundlaug.“
Hér skal það tekið fram, að
sund- og æfingalaugar fyrir fatlað
fólk þurfa að vera með nokkuð
öðru sniði en venjulegar laugar.
Laugin hér að Hátúni 12 þarf að
vera yfirbyggð og með sérstökum
úthúnaði og hitastigi fyrir vist-
fólk hér og aðra fatlaða. Ágætur
sjúkraþjálfari sagði mér s.l. haust,
að úti í Noregi, þar sem hún nam
sín fræði, hefði fólk, sem lamað
var upp að hálsi af völdum slysa
ellegar sjúkdóma, getað róið sér
áfram í vatni með höfuðhreyfing-
unum einum saman, máske búið
kútum og öðrum hjálpartækjum.
Má nærri geta hvílík liðkun og
hvíld þetta var jafn farlama fólki.
Þetta var eina hreyfingin. sem
slíkt fólk gat gert af eigin
rammleik.
Hér er slíkt fólk til ævidvalar,
enda er einmitt hér reynt eftir
föngum að búa þessu fólki þau
skilyrði, sem því hæfa.
Hér er mikið af M S fólki (heila-
og mænusigg, sem veldur hægfara
lömun), nokkrir mjög illa farnir
liðagigtarsjúklingar auk allavega
mikið fatlaðs fólks af völdum slysa
ellegar sjúkdóma. Svo sem ég hefi
áður drepið á þá eru slikir
sjúklingar einatt færir um að
gjöra margvíslegar og flóknar
æfingar í þar til gjörðri laug,
æfingar og jafnvel sund, sem bæði
eflir, styrkir og liðkar illa farna
líkama auk þess að draga einatt
samhliða úr miklum og langvinn-
um þjáningum. Ekkert getur
komið í stað vatnsins og þeirra
möguleika, sem það hefur upp á
að bjóða. Endurhæfingarlæknar
og sjúkraþjálfarar á stöðum sem
þessum þarfnast ekki einungis
lyfja, raftækjabúnaðar og æfinga-
aðstöðu á þurru landi til að nýta
sína dýrmætu' sérmenntun fötluð-
um til endurhæfingar og heilsu-
bótar. Þeir þarfnast yfirbyggðrar
sund- og æfingalaugar með vissu
hitastigi og sérstakri aðstöðu og
tækjabúnaði fyrir sitt fólk.
Minnisstæð er mér sú setning,
sem ég heyrði oftast allra af
vörum sjúklinganna úti í Hornbæk
(en það er danskt endurhæfingar-
hæli) árið 1964 — vatnið er best.
Nýlega kom til mín sýslungi
minn, en hann hefur frá unga aldri
verið mjög veill í baki og fótum, en
tekist að halda sér vinnufærum
með því að stunda laugarnar. Þessi
heiðursmaður færði mér kr.
Gamalt ®
fótk gengurll hœgar
IWB •. *u%'V VVk'V'WWfcMRi'Bh.'VW*
María Skagan.
20.000- í sundlaugarsjóð Sjálfs-
bjargar.
Á Þorláksmessu barst mér
söfnunarlisti með kr. 433.500,- frá
framtakssömum áhugamanni og
velunnara mér vensluðum. I dag
barst mér bréf frá Hrönn Huld og
vinkonum hennar litlum, sem
safnað höfðu í sjóðinn kr. 5000.-
með því að halda sína tombólu.
Mörgum fleirum upphæðum, stór-
um og smáum, hefi ég persónulega
veitt móttöku í sjóðinn síðan
blaðaskrif hófust um þessi mál.
Vitanlega hafa stór og smá
framlög ýmissa aðila fyrst og
fremst verið send beint á skrifstof-
una, svo sem vera ber.
Allt þetta ber að þakka betur en
orð fá lýst og sýnir þetta, að
margir vilja leggja okkur lið. Vona
ég að svo verði áfram, því að
mikils þarf við.
Núverandi kostnaðaráætlun
nemur áttatíu og einni milljón
króna, en í sjóðnum eru nú kr.
3.832.000.- Sjóðurinn hefur hvorki
hlotið styrk frá Ríki né Borg, svo
það sem í honum er, er einungis
gjafafé.
Fyrir jól heyrði ég í útvarps-
fréttum, að Einar Ágústsson hefði
lýst yfir ánægju sinni á þingi með
tuttugu milljón króna ríkisstyrk
veittan sundlaugarbyggingu á
Grensásdeild. Eru það vissulega
gleðitíðindi, að fyrirhuguð sund-
laugarbygging þar skuli njóta
áframhaldandi ríkisframlags og
fagna ég því. En á það má benda í
allri hógværð að hér er einnig
þörf á öflugum styrk.
Mikið væri nú gaman ef hann
Páll Heiðar og þá félaga dreymdi
eitthvað fallegt um laugina okkar,
þegar þeir njóta þeirrar hollustu
að vera í „heita pottinum" á
morgnana.
I Vísi las ég nýlega, að við
Islendingar eyðum á aðra milljón
króna í flugelda og annan eldfagn-
að um áramót. Einn vindlinga-
pakki mun kosta á sjötta hundrað
krónur. Ef hundrað þúsund manns
gæfu sem svarar tæpu kostnaðar-
verði eins vindlingapakka, þá væru
þar komnar yfir fimmtíu milljónir
króna. Svo mætti lengi reikna, en
hér ætla ég að láta staðar numið,
aðeins minna á það, að hingað
kemur að jafnaði verst farna
fólkið hvaðanæva af landinu til
ævidvalar og stöðugrar endurhæf-
ingar, eftir því sem rými og
aðstæður leyfa.
Mig langar að geta þess, ■ að
enskar mæðgur, er víða höfðu
farið, komu hér til mín síðast liðið
stimar. Dáðust þær mjög að öllu
fyrirkomulagi hér og aðbúnaði
vistfólks, kváðust hvergi í Eng-
landi hafa séð svo fullkomið
öryrkjaheimili, aðeins eitt vakti
þeim mikla furðu og það var, að
hér skyldi vanta sundlaug.
Við ykkur góðir lesendur vil ég
því segja þetta að lokum: í nafni
mannúðar og jafnréttis haldið
áfram að leggja okkur lið með
hvetjandi blaðaskrifum, söfnunum
á vinnustöðum og víðar. Verið
þess minnugir. að ef margar
hendur leggjast á eitt og brenn-
andi áhugi er að verki. má vinna
stúrvirki.
Með nýárskveðjum
María Skagan.
P.S.
Enn skal á það bent, að framlög-
um til sundlaugarsjóðsins er veitt
móttaka í skrifstofu Sjálfsbjargar,
landssambands fatlaðra á fyrstu
hæð að Hátúni 12.
Von og vissa
Miði í happdrætti SÍBS
gefur góða von um vinning.
Áhersla er lögð á marga vinninga
sem koma sér vel.
Þó eru hæstu vinningar
2 milljónir
og dregið er um milljón mánaðarlega.
Hver seldur miði gefur
endurhæfingarstarfinu sem unnið er
á vegum SÍBS aukinn styrk.
Sá sem á miða í happdrætti SÍBS
á sjálfur vinningsvon og gefur einnig
öðrum vonir um bjartari framtíð.
Það kostar aðeins 800 kr. á mánuði
að gera eitthvað í því að auka slíkar
vonir.
Vinningsvon og vissa um
að verða að liði.
Happdrætti SÍBS

■ ■■ ■ llll«i(WMWif|rWMrilWI ■■