Morgunblaðið - 13.02.1979, Blaðsíða 2

2
MORGUNBLAÐIÐ, ÞRIÐJUDAGUR 13. FEBRÚAR 1979
EINS og fram kom í Mbl. á sunnudaginn köfnuðu 8.800 hænuungar aðfararnótt s.l. laugardags þegar
rafmagnsbilun varð í hænsnabúinu Nesbúi á Vatnsleysuströnd og er tjónið metið á 20 milljónir króna.
Myndirnar voru teknar á laugardaginn þegar starfsmenn búsins unnu að því að fjarlægja dauða unga.
Þessir ungar voru 2—3 mánaða gamlir og í uppeldi.
Frumvarp forsœtisráðherra:
Innlánsbinding
verði 35prósent
Verðtrygging sparifjár og lánsfjár
FRUMVARP Ólafs Jóhannessonar forsætisráðherra, sem lagt var fram í rfkisstjórninni í gær, er mikið
plagg, alls 60 vélritaðar blaðsíður, í 11 köflum og 62 greinum. Frumvarpið sjálft var 22 blaðsíður, en 38
síður er greinargerð með frumvarpinu, athugasemdir við það og einstakar greinar þess.
í fyrsta kafla frumvarpsins,
sem fjallar um stefnumörkun,
segir að kapp skuli lagt á að
tryggja næga og stöðuga atvinnu,
halda verðhækkunum í skefjum,
stuðla að jafnvægi í viðskiptum,
greiða fyrir efnahagslegum fram-
förum og bæta lífskjörin í landinu.
I annarri grein þessa kafla segir
að fyrir hvert reglulegt Alþingi
skuli leggja fram til kynningar
skýrslu um þjóðhagsáætlun fyrir
það ár, sem í hönd fer, og tekið er
fram hvaða atriði skuli vera í
þessari skýrslu.
I öðrum kafla frumvarpsins er
m.a. gert ráð fyrir, að stofnað
skuli kjaramálaráð, sem á að vera
vettvangur samráðs og samstarfs
stjórnvalda og launafólks,
sjómanna, bænda og atvinnurek-
enda í efnahags og kjaramálum. í
3. kafla um ríkisfjármál er kveðið
á um að frumvarp til fjárlaga
skuli samið á grundvelli þjóðhags-
áætlunar og með fjárlagafrum-
varpinu ár hvert á að leggja fram
áætlun, sem lýsir í aðalatriðum
meginstefnu í ríkisbúskapnum
næstu þrjú árin, eftir lok þess
fjárhagsárs, sem fjárlagafrum-
varpið tekur til. Þar skal koma
fram meginstefna í ríkisfjár-
málum, dæmi um líklega þróun
ríkisbúskaparins, samræming
heildarstefnu í efnahags- og at-
vinnumálum og stefnu í ríkisfjár-
málum, stefnumótun í öflun tekna
og skiptingu gjalda ríkisins og
stefnumótun um framlög á fjár-
lögum til fjárfestingar ríkis,
sveitarfélaga og einkaaðila. í 10.
grein frumvarpsins í þessum kafla
segir m.a. að niðurgreiðsla land-
búnaðarafurða úr ríkissjóði skuli
ekki vera hærri en svo, að útsölu-
verð hverrar afurðar til neytenda,
verði lægra en sem svarar verði til
framleiðanda. Þá er í 11. grein í
þessum sama kafla kveðið á um að
fjárlaga- og hagsýslustofnun skili
fyrir vissan tíma tillögum til
ríkisstjórnarinnar um lækkun
ríkisútgjalda á þessu ári um 1.000
milljónir króna frá þeirri fjárhæð,
sem fjárlög gera ráð fyrir. Þá
kemur einnig fram, að ákvarðanir
í ríkisfjármálum skuli miðast við
það að heildartekjur og útgjöld á
fjárlögum verði innan marka sem
svarar til 30% af vergri þjóðar-
framleiðslu.
I 15. grein í þessum sama kafla
er ennfremur kveðið á um það, að
fjárlaga- og hagsýslustofnunin
skuli annast hagsýslustarfsemi
fyrir ríkisbúskapinn í því skyni að
auka hagkvæmni og ráðdeild í
ríkisbúskapnum og í meðferð
opinberra fiármuna. Hún á að
meta. fyrirhugaðar ríkisfram-
kvæmdir með tilliti til arðsemi,
kostnaðar og nytja, koma með
kostnaðarmat og mat á frum-
varpstillögum, gera athuganir á
hagkvæmni í rekstri ríkisstofnana
og ríkisfyrirtækja í því skyni að
bæta rekstur og draga úr útgjöld-
um, svo og að gera athugun á
einföldun í starfsemi ríkisstofn-
ana og rikisfyrirtækja og í sam-
skiptum einstaklinga og fyrir-
tækja við ríkið.
í fjórða kafla frumvarpsins er
fjallað um fjárfestingar og láns-
fjáráætlun ríkisstjórnarinnar og
er þar kveðið á um að ríkisstjórn
skuli leggja fyrir Alþingi fjárfest-
ingar- og lánsfjáráætlun eitt ár í
senn, sem á að fylgja .fjárlaga-
frumvarpi og síðan eru nánari
ákvæði um það hvað eigi að vera í
þessari fjárfestingar- og lánsfjár-
áætlun, heildaráætlun um opin-
berar framkvæmdir, um útlán
fjárfestingarlánasjóða svo og
hvernig hinar ýmsu stofnanir, svo
sem Þjóðhagsstofnun, Seðlabanki,
Fjárlaga- og hagsýslustofnun og
Framkvæmdastofnun tengist und-
irbúningi þessarar áætlunar.
í fimmta kafla er fjallað um
peninga- og lánamál. Þar segir
m.a., að árið 1979 skuli stefnt að
því að aukning peningamagns í
umferð fari ekki fram úr 25% frá
upphafi til loka árs og ekki nema
20% á árinu 1980. Þá er gert ráð
fyrir verulegri aukningu á
innlánsbindingu hjá Seðlabanka,
bæði almenn ákvæði um rétt
Seðlabanka í þeim efnum og er
bindingin 35% við gildistöku lag-
anna.
Sjötti kaflinn fjallar um verð-
tryggingu sparifjár og lánsfjár,
þar sem gert er ráð fyrir því að
inn- og útlán verði verðtryggð en
vextir lágir. Rætt er um að binda
verðtrygginguna við skráða vísi-
tölu eða gengisbreytingar. Þá eru
veruleg ákvæði um lífeyrissjóði og
fjárfestingalánasjóði, auk þess
sem afnumin eru sjálfvirk fram-
lög rikisins til fjölda sjóða, svo
sem eins og iðnlánasjóðs, iðnþró-
unarsjóðs, fiskveiðasjóðs, bygg-
ingasjóðs ríkisins o.fl.
Þá er kafli um verðbætur á
laun. Þar er kveðið á um, að
verðbótavísitalan reiknist eftir
framfærsluvísitölu og hafi grunn-
töluna 100 miðað við nóvember
1978 og gert er ráð fyrir að fullar
verðbætur á laun verði greiddar 1.
marz, en síðan á þriggja mánaða
fresti, 1. júní, 1. september og 1.
desember, en verði þó aldrei hærri
en 5%. Það sem umfram er verði
frestað í 9 mánuði. Þannig að það
sem umfram er 5% 1. desember
næstkomandi, greiðist út hinn 1.
september 1980. Þá er gert ráð
fyrir að breyta grundvelli vísitöl-
unnar í samráði við verkalýðs-
hreyfinguna og taka þar út óbeina
skatta, breytingar á opinberum
niðurgreiðslum á vöruverð og
breytingar á búvöruverði.
Þá er kafli um verðlagsmál, þar
sem gert er ráð fyrir að flýta
gildistöku verðlagslaganna, sem
fyrrverandi ríkisstjórn setti.
Sérkafli er um vinnumarkaðs-
mál, þar sem m.a. er gert ráð fyrir
að sett verði á laggirnar vinnu-
málaskrifstofa, en hlutverk henn-
ar verði m.a. að afla og koma á
framfæri upplýsingum um at-
vinnutækifæri í landinu öllu,
greiða fyrir tilfærslu starfsmanna
milli atvinnugreina, bæta og sam-
ræma upplýsingaöflun og kanna
ástand og horfur í atvinnumálum.
Þá er kafli um jöfnunarsjóði
sjávarútvegsins og loks fjallar 11.
kaflinn um gildistöku og reglu-
gerðarsetningu.
Olíuhækkimin þýðir
9% rýrrnin viðskipta-
kjara íslendinga
ÞJÓÐHAGSSTOFNUN hefur reiknað út að þær olíuháekkanir, sem
orðið hafa á markaðnum í Rotterdam jafngildi 9% rýrnun viðskipta-
kjara íslendinga á heilu ári miðað við það sem ætlað var, komi þær
fram að fullu í innkaupsverði okkar.
Ólafur Davíðsson aðstoðarfor-
stjóri Þjóðhagsstofnunar veitti
Mbl. þessar upplýsingar í gær.
Ólafur tók sérstaklega fram að
útreikningarnir væru miðaðir við
olíuverðin, sem í gildi voru 7.
febrúar s.l. á Rotterdammarkaðn-
um en hins vegar væri ómögulegt
að spá nokkru um frekari verð-
þróun á olíumarkaðnum.
Alþingi:
Tillaga um uppsögn
allra fiskveiðisamn-
inga við útlendinga
STEFÁN Jónsson aiþingismaður
(Alþ.bl.) hefur flutt á Alþingi
breytingartillögu við tillögu tii
þingsályktunar um staðfestingu
á niðurstöðu viðræðna um gagn-
kvæmar fiskveiðiheimildir íslend-
inga og Færeyinga.
Breytingartillaga Stefáns er
þannig:
Aftan við tillögugreinina komi:
Jafnframt felur Alþingi ríkis-
stjórninni að segja upp nú þegar,
með eðlilegum fyrirvara, samning-
um þeim, sem heimila útlending-
um botnfiskveiðar á íslandsmið-
um.
Slíkir samningar eru nú í gildi
Eldur í Hafnar-
búð í Keflavík
Eldur kviknaði í Hafnarbúð-
inni í Kcflavík í gærdag út frá
feiti á pönnu. Hlaust af því
allmikill eldur að sögn lög-
reglunnar í Keflavík og nokkrar
skemmdir urðu, einkanlega í eld-
húsi. Þá var farið um borð í bát í
höfninni í fyrrinótt og unnin þar
nokkur skemmdarverk, en ekki
var neins saknað úr bátnum.
við þrjár þjóðir, Færeyinga, Norð-
menn og Belgíumenn.
Tékkheftin í
800 krónur
AUGLÝST hefur verið hækkun á
tékkheftum og kostar nú hefti með
25 blöðum kr. 800 og 50 blaða
tékkhefti kr. 1.600. Áður kostuðu
heftin 550 krónur og 1.100 krónur
og er því hækkunin rúm 45%.
Tók hækkun þessi gildi hjnn 9.
febr. sl. Þá hefur Seðlabanki íslands
auglýst breytingu á gjaldskrá fyrir
innlánsstofnanir á þann veg að
innheimta og auglýsing sérskulda-
bréfa verði nú 1% af stofnfjárhæð
aðalskuldabréfs á ári, en lágmarks-
gjald er kr. 2.500 auk útlagðs
kostnaðar, gjald fyrir veðleyfi og
veðbandalausn kr. 2.500, og er þókn-
un fyrir að útbúa skuldabréf og
tryggingarbréf kr. 2.500.
Einnig hefur Seðlabanki íslands
tilkynnt nýja gjaldskrá fyrir gjald-
eyrisbanka þar sem breytingar eru
gerðar á gjaldskrá fyrir erlendar
ábyrgðir, yfirfærsluábyrgðir og inn-
heimtur og aðra gjaldeyrissölu.
Sparisjóður Skagastrandar:
Safnar undirskriftum
til að mótmœla
komu Búnaðarbanka
Skagaströnd, 12. 2.
Á SUNNUDAGINN hófst hér
undirskriftasöfnun meðal íbú-
anna á vegum Sparisjóðs
Skagastrandar þar sem lýst er
yfir að önnur peningastofnun
en Sparisjóðurinn sé óæskileg á
Skagaströnd. Hefur sparisjóðs-
stjórinn ásamt starfsmanni sín-
um farið hús úr húsi og óskað
eftir að fólk skrifaði undir.
Einstaka aðili mun hafa neit-
að starfsmanninum um
uppáskrift en sparisjóðsstjórinn
þá farið sjálfur á vettvang og
kippt málinu í liðinn. Undir-
skriftasöfnunin hefur gengið
mjög vel sem við er að búast,
enda hkki oft sem fólk á þess
kost að „skrifa uppá“ fyrir
sparisjóðsstjórann, a.m.k. ekki
svona löngu fyrir kosningar.
Astæða undirskriftasöfnunar-
innar mun sú að Búnaðarbank-
inn hefur óskað eftir að setja
upp afgreiðslu á Skagaströnd —
Fréttaritari.
Loðnuaflinii yfir
200 þús. lestir
FREMUR lítil loðnuveiði var á miðunum útaf Austfjörðum í gær
vegna þess að glaðatunglskin var og stóð loðnan því djúpt.
Hcildaraflinn á vertíðinni er nú orðinn rúmlega 200 þúsund lestir.
í gærkvöldi klukkan 23 höfðu 6
bátar tilkynnt afla samtals 2770
lestir. Það voru eftirtaldir bátar:
Skarðsvík 620, Stapavík 450,
Hákon 600, Rauðsey 410, Ljósfari
330 og Svanur 370 lestir.
Á sunnudag tilkynntu 19 bátar
afla, samtals 8.400 lestir. Þeir
voru: Helga II 440, Ársæll 440,
Loftur Baldvinsson 660, Seley 300,
Hrafn 630, Albert 570, Hilmir 530,
Örn 560, Gjafar 330, ísleifur 420,
Keflvíkingur 480, Þórður Jónasson
400, Magnús 510, Gísli Árni 130,
Skírnir 420, Harpa 550, Sæbjörg
400, Húnaröst 460 og Víkurberg
230.
Sjá loðnuskýrsluna á bls. 29.