Morgunblaðið - 08.07.1979, Blaðsíða 25

MORGUNBLAÐIÐ, SUNNUDAGUR 8. JÚLI1979
25
Markús Örn Antonsson:
Afmælishátíð í borgarstjóm
SUNNUDAGS-Þjóðviljinn síðasti ílutti heilsíðugrein eftir einn af borgarfulltrúum
Alþýðubandalagsins, sem maður hélt áður en lestur hófst, að væri nokkurs konar
pólitfsk úttekt á fyrsta ári hins sigurglaða meirihluta í borgarstjórn Reykjavíkur. En
annað kom á daginn. Höfundur sýndi reglulega leikni með því að koma sér undan því
að minnast á nokkuð sem máli skipti í þessari grein f tilefni af ársafmæli
kosningasigursins. Þess f stað var tekið upp léttara hjal og sagt frá rápi milli
tízkuverzlana í bænum og rifjaðar upp útlenzkar skrítlur. Var þetta gert á allra
snotrasta hátt enda er borgarfulltrúinn Guðrún Helgadóttir verðlaunaður skáld-
sagnahöfundur eins og alþjóð veit.
Það þarf ekki að koma neinum á óvart
þó að borgarfulltrúar Alþýðubandalags-
ins vilji helzt dreifa huganum frá amstri
borgarmálanna með því að skoða falleg
föt í búðum. Á þessum fyrstu tólf
pánuðum vinstra „samstarfs" í borgar-
stjórn hafa Alþýðubandalagsmenn orðið
fyrir hverju áfallinu af öðru. Kenningar
okkar sjálfstæðismanna um að hinn
ósamstæði hópur vinstri manna myndi
aldrei geta tekið stjórn borgarmálanna
nægilega föstum tökum hefur sannazt. I
röðum borgarfulltrúa þríflokkanna er
hver höndin upp á móti annarri. í
nefndum og ráðum hafa fulltrúar þess-
ara flokka sýnt af sér fádæma sinnuleysi
og getuleysi til að koma í höfn brýnum
úrlausnarefnum sem látin eru reka á
reiðanum meðan þeir taka sér frest á
frest ofan. Meðferð skipulagsmála borg-
arinnar er skýrt dæmi um þetta.
Fá ekki að stjórna
eftir sínu höfði
Á þessu fyrsta ári vinstra samstarfs-
ins hefur Alþýðubandalagið orðið að þola
hverja auðmýkinguna af annarri af
völdum samstarfsmanna sinna. Þetta
hefur orsakað meiriháttar truflanir á
sálarlegu jafnvægi kommúnistanna að
svo miklu leyti sem því er annars fyrir að
fara. Alþýðubandalagsmenn ætluðu
nefnilega frá upphafi að stjórna Reykja-
vík eftir sínu höfði, þó að þeir þyrftu til
málamynda að dröslast með tvo aðra
stjórnmálaflokka í eftirdragi til að koma
málum fram. Hvar sem því hefur
mögulega verið við komið hafa Alþýðu-
bandalagsmenn ætlað að keyra mál í
gegnum ráð og nefndir með frekju og
látum, ýmist án nokkurs samráðs við
aðra fulltrúa meirihlutans eða þá með
einhverju snöggsoðnu samkomulagi, sem
náðst hefur á lokuðum meirihlutafund-
um eða með símhringingum milli manna.
I þeim tilfellum hefur réttur okkar í
minnihlutanum til eðlilegrar umfjöllun-
ar mála hreint ekki verið viðurkenndur
og lýðræðisleg vinnubrögð þánnig talin
gjörsamlega óþörf af því að meirihlutinn
hafi verið búinn að ákveða að svona
skyldi það vera!
Samstarfsmönnum
meir en nóg boðið
Smám saman hefur þó í ljós komið, að
það eru fleiri en við í minnihlutanum,
sem ekki vilja una þessu kommúníska
ofríki. Æ sterkari stjórnarandstaða hef-
ur verið að magnast innan meirihlutans
á síðustu mánuðum og er þróun mála þar
á einn veg: Að hafa taumhald á
yfirgangsvörgum kommúnista. Mjög
misjafnlega mikið hafa einstakir full-
trúar Alþýðuflokks og Framsóknar haft
sig í frammi hvað þetta snertir. Öllum er
kunn forysta Sjafnar Sigurbjörnsdóttur
að þessu leyti en minni hefur reisn
Framsóknarfulltrúanna verið, sem sumir
hverjir skríða gjörsamlega í duftinu
fyrir pólitísku skyldfólki sínu í Alþýðu-
bandalaginu.
Sem kunnugt er af fréttum hefur alltaf
öðru hverju blossað upp ágreiningur
milli meirihlutamanna um afgreiðslu
mála, misjafnlega þýðingarmikilla, á
borgarstjórnarfundum undanfarna mán-
uði. Þetta hefur reitt „forystusveit"
borgarstjórnar í Alþýðubandalaginu til
reiði. Fulltrúar þess hafa skipt litum á
borgarstjórnarfundum, þegar allur
málatilbúnaður hefur farið úr böndun-
um. Þeir hafa ýmist orðið hvítir sem
nárinn, eins og rauðglóandi vígstirni eða
hreinlega fjólubláir af bræði. Undir
svona sterkum geðhrifum hafa þeir
hreytt ótuktarlegum athugasemdum í
„samstarfsmennina" svo að allir mættu
heyra.
Tillögum komm-
anna kálað
Borgarstjórnarfundur sl. fimmtudag
var samfelldur harmleikur fyrir borgar-
fulltrúa Alþýðubandalagsins og reyndar
fleiri meirihlutafulltrúa í borgarráði og
félagsmálaráði, svo að nokkuð sé nefnt.
í borgarráði höfðu fulltrúar Sjálfstæð-
isflokksins gert tillögu um að frestað
verði uppsögnum þeirra, sem nú hafa
náð eftirlaunaaldri og eru í störfum hjá
Reykjavíkurborg, þar til nefnd, er starf-
ar að endurskoðun á reglum um aldurs-
mörk borgarstarfsmanna, hefur lokið
störfum og borgarráð hefur rætt niður-
stöðu nefndarinnar. Við sjálfstæðismenn
höfum áður flutt tillögu í borgarstjórn
um að þessar reglur borgarinnar verði
endurskoðaðar með það að markmiði að
skapa öldruðu fólki atvinnutækifæri.
Sérstök nefnd hafði verið skipuð í málinu
en seinagangur mikill í störfum hennar
og liggja niðurstöður hennar ekki enn
fyrir. Meirihlutinn • í borgarráði hafði
ékki viljað fallast á sjónarmið sjálfstæð-
ismanna þar og samþykkti að vísa
málinu frá. Þetta ágreiningsefni kom svo
til kasta borgarstjórnar á fimmtudaginn.
Sjöfn Sigurbjörnsdóttir flutti málamiðl-
unartillögu, sem fól í sér að umræddir
starfsmenn fengju að vera áfram í vinnu
hjá borginni að minnsta kosti þangað til
fyrir liggur, hver almenna reglan á að
vera í framtíðinni um þetta efni.
Á þetta gátum við Sjálfstæðismenn
mætavel fallizt. Frávísun var felld og
tillaga Sjafnar samþykkt með 8 atkvæð-
um.
Næsta áfall Alþýðubandalagsins og
fleiri meirihlutamanna á þessum fundi
var afgreiðsla á máli forstöðumanns
dagheimilisins Laufásborgar, sem nokk-
uð hefur verið rætt í blöðúm undanfarið.
Alþýðubandalagið var búið að reka það
mál með miklum gauragangi og láta
samþykkja ákveðinn umsækjanda á
fundi í félagsmálaráði. Málavextir voru
flóknir og kröfðust nákvæmrar athugun-
ar. Beiðni um frestun ákvörðunar í
félagsmálaráði var felld í atkvæða-
greiðslu. Var það gert á sama fundi og
ráðsmönnum voru í fyrsta skipti sýndar
umsóknir um stöðu forstöðumannsins.
Eru þessi vinnubrögð einsdæmi. Þetta
Laufásborgarmál verður þó betur kann-
að eins og beðið var um, því að
borgarstjórn greip í taumana á síðustu
stundu og hnekkti úrskurði meirihluta
félagsmálaráðs.
Þriðja áfall þeirra Alþýðubandalags-
manna: Þeir fluttu á þessum umrædda
borgarstjórnarfundi tillögu um meðferð
listaverka í eigu Reykjavíkurborgar. Er
sérstaklega tilgreint, hvaða hlutverki
menningarmiðstöðin á Kjarvalsstöðum
eigi að gegna í því sambandi. Sjöfn
Sigurbjörnsdóttir er formaður í stjórn
Kjarvalsstaða. Ekki var við því að búast
að flutningsmenn tillögunnar og sam-
starfsmenn í meirihlutanum hefðu neitt
samráð við hana um þessi mál, sem þó
snerta náið rekstur Kjarvalsstaða. Sjöfn
gerði nokkrar athugasemdir við þessa
tillögu og samþykkti borgarstjórn breyt-
ingartillögu hennar en ekki upphaflega
tillögu Alþýðubandalagsins.
Senuþjófur
Framsóknar
Fjórða áfallið: Borgarfulltrúi Alþýðu-
þandalagsins Þór Vigfússon talaði á
Markús Örn Antonsson.
fundinum fyrir ósköp sakleysislegri til-
lögu þeirra félaganna um að athugað
yrði, hvort ekki mætti hafa sundstaði
borgarinnar opna lengur um helgar en
nú er gert, og eins, hvort ekki væri hægt
að opna kennslusundlaugar í Árbæjar-
hverfi og Breiðholti fyrir almenning yfir
sumarmánuðina. Þetta var mál, sem
borgarfulltrúar gátu almennt fallizt á að
yrði athugað. En viti menn. Eiríkur
Tómasson, fulltrúi Framsóknarflokksins
í íþróttaráði og formaður þess, var búinn
að stela scnunni frá Alþýðubandalag-
inu. Tillaga þess hafði verið send út til
kynningar sl. þriðjudag en á fimmtu-
dagsmorgun, sama dag og hún kemur
fyrir borgarstjórnarfund, ber Eiríkur
fram tillögu í íþróttaráði um að fræðslu-
yfirvöld kanni, hvort ekki megi opna
sundlaugarnar við skólana í Árbæ og
Breiðholti fyrir almenning og verði það
þá gert nú í ágúst!
„Meirihlutinn"
— innan gæsalappa
Það var býsna vel til fundið, að eins
árs afmælis vinstri meirihlutans í borg-
arstjórn skyldi minnzt með einhverjum
hætti nú fyrir sumarhlé á borgar-
stjórnarfundum. Þetta var gert á af-
skaplega viðeigandi hátt á fundinum á
fimmtudagskvöldið — þó ekki beinlínis
látlausan. Það var síður en svo nokkur
lognmolla yfir afmælispartíinu. Þvert á
móti myndum við segja eins og krakk-
arnir að það hafi verið „geggjað fjör“.
Afmælisbörnin verða kannski misjafn-
lega á sig komin eftir þann darraðardans
en ná sér vonandi vel á strik fyrir næstu
lotu með góðri afslöppun í faðmi guðs
grænnar náttúrunnar eða skyndiinnliti
hjá Dídó og öðrum tízkuverzlunum
borgarinnar.
Á þessum merku tímamótum hefur
það svo gerzt að Þjóðviljinn talar í fyrsta
sinn um „meirihlutann" sinn — innan
gæsalappa. Það er yfirskrift, sem sann-
prlega hæfir þessari hátíð.
NNIMARKAÐUR
í IÐNAÐARHÚSINU V/HALLVEIGARSTÍG
Nýjar vörur á mánudag.
Fatnaður:
• Jakkar
• Bolir
• Peysur
• Kjólar
• Pils
Barnabuxur
Kvenbuxur
Herrabuxur
o.fl.
Húsgögn:
• Skatthol
• Barir
• Innskotsborö
• Lampar
• Borö o.fl.
Verslið ódýrt
Barnafatnaður
Plötur
Leikföng
Allt góðar vörur á mjög viðráðanlegu verði
llnnimarkaðurinn í Iðnaðarhúsinu v/Hallveigarstíg.