Morgunblaðið - 08.07.1979, Blaðsíða 18

18
MORGUNBLAÐIÐ, SUNNUDAGUR 8. JÚLÍ1979
*
*
Vöruskortur í verslunum
Rœtt við fulltrúa skipafélaga og innflytjenda um eftirköst farmannaverkfallsins
Félagíslenskra
stórkaupmanna:
„Lítið
vöruúrval
og skortur
á ávöxtum og
grænmeti”
— segir Orn
Guðmundsson
„Eins og þetta snýr að okkur
þá er aðalvandinn fólginn í
skorti á neysluvörum, þá aðal-
lega matvælum,“ sagði Örn
Guðmundsson, skrifstofustjóri
hjá Félagi íslenska stórkaup-
manna. „beir höfðu það nokkr-
ir að orði heildsalarnir að þeir
hefðu alveg eins getað lakkað
gólfin í birgðageymslum sfnum
í verkfallinu þar sem þær voru
tómar.“
Hann sagði að það hefði bjarg-
að nokkrum að eiga vörur í
skipunum í verkfallinu og eins
hafi eínhverjir átt varning liggj-
andi á hafnarbakkanum. Fyrir-
tæki sem aðild eiga að tollvöru-
geymslunni hafi einnig staðið
betur að vígi.
„Annars held ég að ástandið
skáni mjög upp úr miðjum mán-
uðinum, þá á ég við varning frá
Norðurlöndunum og Evrópu. En
hætt er við að varningur frá
Bandaríkjunum og Mið-Evrópu
tefjist eitthvað lengur," sagði
Örn.
Örn sagði að í matvöruversl-
unum væri átandið nokkuð baga-
legt og hafi verið um skeið. Það
komi fram í litlu vöruúrvali og
eins sé skortur til dæmis á
grænmeti og ávöxtum. „Það
ástand kemst ekki í eðlilegt horf
fyrr en heildsalarnir fá vörurnar
til sín,“ sagði Örn að lokum.
Eimskipafélag
íslands:
„Vandinn
ekki leystur
í einu
vetfangi”
— segir Valtýr
Hákonarson
„ÉG I!EF trú á að við verðum
búnir að koma flutningunum til
landsins í nokkuð gott horf
fljótlega,“ sagði Valtýr Hákon-
arson. skrifstofustjóri hjá Eim-
skip. Hann sagði að búast mætti
við að það tæki um fjórar vikur
eftir hið átta vikna langa far-
mannaverkfall að koma flutn-
ingunum í eðlilegt horf. „Skipin
eru að koma til landsins eitt af
öðru og ég býst við að upp úr
miðjum mánuði verði búið að
koma því í skip sem lá tilbúið
til flutnings fyrir verkfall,“
sagði Valtýr. Hann sagði að
nauðsynlegt hefði verið að taka
4—5 leiguskip tii þess að flýta
fyrir.
Um það hvort einhverjar
vörutegundir væru látnar sitja
fyrir sagði Valtýr að alltaf væri
reynt að ráða fram úr bráðasta
vandanum hverju sinni. „Að
vissu leyti hafa útflutningsvörur
forgang. Öll frystskipin voru
sett strax í að lesta frystan fisk
til útflutnings. Sum þeirra eru
þegar farin utan en önnur eru að
lesta. Að öðru leyti er ekki hægt
að segja að eitt gafi forgang
fram yfir annað," sagði Valtýr.
Hann sagði að vissulega hefði
margvíslegur vandi komið upp í
sambandi við þessa flutninga
sem yrði ef til vill ekki leystur í
einu vetfangi. „En það er gengið
á þetta eins og tök eru á,“ sagði
Valtýr.
IMA,
Innkaupasamband
matvörukaupmanna:
„Vöruskort-
urinn kemur
ekki fyrr
en eftir á”
segir Torfi Torfason
„VIÐ ERUM ekki nærri búnir
að bíta úr nálinni mcð þetta
farmannaverkfall,“ sagði Torfi
Torfason hjá IMA Innkaupa-
sambandi matvörukaupmanna.
Hann sagði að fyrirtækið væri
enn ekki búið að fá eina einustu
sendingu, varningurinn væri
einhvers staðar á leiðinni til
landsins. „Við vitum til dæmis
ekki hvernig verður með hveiti
frá Bandaríkjunum, hversu
mikið pláss hefur verið í skip-
unum og hve miklu hefur verið
skipað út hjá Eimskip. Við
vitum með öðrum orðum ekki
hve miklu við eigum von á með
þeim skipum sem eru að koma
til landsins,“ sagði Torfi.
Hann sagði að búast mætti við
2—3 mánaða töfum í innflutn-
ingnum, vöruskorturinn kæmi
ekki fyrr en eftir á. Ástandið
gæti versnað, þá einkum í sam-
bandi við hveitið. „Nú eru flestar
verslanir orðnar hveitilausar og
það gæti valdið miklum erfið-
leikum ef ekki kemur nægt hveit
til landsins á næstunni," sagði
Torfi. „Ofan á það bættist síðan
sumarfrí í verksmiðjum erlendis
og yfirvinnubannið hér heima,
sem er einskonar verkall á neyt-
endur á Faxaflóasvæðinu," sagði
Torfi. „Allt þetta mun valda að
minnsta kosti 2—3 mánaða töf-
um og erfiðleikum í innflutn-
ingnum."
Skipadeild SÍS:
„Reynum að
koma í veg
fyrir skort”
-segir Axel Gíslason
„SKIPIN fóru beint til crlendra
hafna að lesta vörur eftir að
farmannaverkfallinu lauk.
Fyrstu þrjú skipin eru komin
aftur, eitt kemur á morgun. og
næstu vikuna kemur það sem
eftir er af flotanum," sagði
Axel Gíslason. framkvæmda-
stjóri Skipadeildar SÍS.
Hann sagði að eftir 2—3 ferðir
allra skipanna mætti reikna með
að búið væri að vinna upp allan
þann hala sem skilinn var eftir
af völdum farmannaverkfallsins.
„Það er því allt fullbókað fyrstu
tvær til þrjár ferðirnar," sagði
Axel. „En það sem, helst setur
strik í reikninginn er yfirvinnu-
bannið, þá sérstaklega í Reykja-
vík.“
Axel sagði að reynt væri að
taka eitthvað af öllum vöruteg-
undum til þess að koma í veg
fyrir skort. Þannig væri flutt
mest af stykkjavöru frá Rotter-
dam, Antwerpen og Bretlandi,
en auk þess byggingarvörur,
fóðurvörur og fleira frá öðrum
höfnum vegna þess að nú stæði
yfir sá tími þegar mest þyrfti á
þeim varningi að halda.
Hafskip:
„Yfirvinnu-
bannið veld-
ur miklum
töfum”
— segir Björgúlfur
Guðmundsson
„YFIRVINNUBANNIÐ hefur
geysileg áhrif og skapar miklar
tafir varðandi losun skipanna
og því erfiðara að koma þeim í
áætlun aftur,“ sagði Björgúlfur
Guðmundsson, forstjóri Haf-
skips. Björgúlfur sagði að þrátt
fyrir þessar erfiðu aðstæður
hefði gengið vonum framar að
koma flutningunum til landsins
í nokkuð sæmilegt horf.
Reynt væri að haga flutning-
unum þannig að ekkert sæti á
hakanum. „Það eru held ég engin
stórvandræði með flutning á því
sem búið var að biðja okkur að
flytja, aðalvandræðin eru tafirn-
ar vegna yfirvinnubannsins,"
sagði Björgúlfur. Hann sagði að
reynt hefði verið að sjá til þess
að nauðsynjavörur og hráefni til
iðnaðar kæmust til landsins en
ekki væri útséð með að eðlilegt
ástand í þessum efnum skapað-
ist á meðan yfirvinnubannið
stæði.
Eggert Kristjánsson:
„Mikil vöntun
á almennri
matvöru”
—segir Gísli V.
Einarsson
„ÞAÐ ER nú ekkert að marka
þetta strax, það er svo stutt
síðan farmannaverkfallinu
lauk,“ sagði Gísli V. Einarsson,
forstjóri heildverslunarinnar
Eggert Kristjánsson & Co. h.f.
Gísli sagði að í raun mætti
segja að flutningar til landsins
gengju þolanlega og eftir atvik-
um vel. „Það hefur sitt að segja
að ekki er unnið við lestun og
losun skipanna nema til klukk-
an fimm á daginn og miðað við
það hefur þetta gengið sæmi-
lega,“ sagði Gísli.
„Annars er ástandið slæmt,
einkum í almennri matvöru.
Þetta fyrirtæki flytur inn mest
af nýjum ávöxtum og það hefur
raunar gengið nokkuð vel. Okkur
tókst þannig að koma ávöxtum í
fyrstu ferð eftir verkfall, en
markaðurinn var orðinn svo
þurrausinn að þetta seldist jafn-
óðum upp. Vöntun er á almennri
matvöru eins og hveiti og sykri,
auk alls kyns pakkavarnings og
niðursuðuvarnings sem tekur
nokkurn tíma að fá til landsins."
0. Johnson & Kaaber:
„Það er allt
orðið uppselt
nema kaffið”
—segir Gunnar
Steingrímsson
„FYRSTU skipin eru að koma
til landsins eftir farmannaverk-
fall og ástandið ætti því að fara
að komast í eðlilegt horf mjög
fljótlega,“ sagði Gunnar Stein-
grímsson hjá heildverslun 0.
Johnson & Kaaber. Hann sagði
að mikill skortur hefði verið
fram að þessu á vörum fyrir-
tækisins, einkum hveiti og
sykri. „Það er allt orðið uppselt
nema kaffið,“ sagði Gunnar.
Hann sagði að fyrirtækið væri
búið að selja allt sem var komið
til landsins í verkfallinu og að
ekki hefði verið á boðstólum í
verslunum neitt af þeim vörum
sem fyrirtækið flytti inn, sem
væri mest megnis matvæli.
„En ég býst við að þetta lagist
á næstu tveimur vikum," sagði
Gunnar. Hann sagði og að hjá
Heimilistækjum hefði ástandið
ekki verið eins slæmt, þar hefði
Tollvörugeymslan bjargað geysi-
miklu.