Morgunblaðið - 26.01.1980, Blaðsíða 11

MORGUNBLAÐIÐ, LAUGARDAGUR 26. JANÚAR 1980 1 1
Sigurgeir Sigurðsson, bæjarstjóri:
Hönnun
íbúðarhúsa
Hugleiðingar
Engin þjóð eyðir jafn
miklu fé sem við íslend-
ingar til þess að búa
okkur heimili og senni-
lega má fullyrða að engin
þjóð eyði jafn lítilli hugs-
un til þess verks, sem við
gerum.
3—4 íbúða þjóð
Nokkuð algengt er að tala um
3ja íbúða fjölskyldu hér á landi
og er þá átt við þau aldursskeið,
sem kalla á mismunandi stærðir
og gerðir íbúðahúsa.
Fyrsta íbúðaskeiðið hefst með
lítilli 2—3ja herbergja íbúð í
fjölbýlishúsi gjarnan, eða eldra
húsi sem „viðráðanleg" er ungu
fólki með þeirri hjálp, sem
sparimerki, opinberir sjóðir,
bankar og ættingjar geta veitt
að ógleymdri verðbólgunni!
Þetta er yfirleitt framkvæmt
þegar viðkomandi notendur eru
milli 20—30 ára aldurs og eru
jafnframt að „hlaða" niður börn-
um, milli þess sem þau vinna
baki brotnu til þess að kljúfa
þessa frumraun á íbúðaferli
sínum.
Hönnun þessara íbúða mun
vera með nokkuð hefðbundnum
hætti og verða þær að teljast
fremur þægilegar, þótt hér komi
strax í ljós einn aðal galli
eftirstríðsíbúða þ.e. lítil her-
bergi og stórar stofur, sem oft
reynist erfitt að búa húsgögnum.
Draumahúsið
Næsta skeið má kalla drauma-
hús-skeiðið þ.e. þegar fjölskyld-
an ætlar nú heldur betur að láta
sér líða vel og hætta að hýrast í
litlu íbúðinni. Búið er að borga
niður helming lána af íbúðinni
og nú er fengin lóð fyrir einbýl-
ishúsið eða raðhúsið og nú skal
byggt til frambúðar. Nú er drifið
í að teikna húsið, því það verður
að hespa af byggingunni í hvelli
m.a. vegna verðbólgunnar, sem
hækkar byggingakostnaðinn frá
degi til dags, svo og til þess að
hægt sé að komast inn.
„Draumahúsið" er 180—220 m2
og ætlað hjónum með 2—3 börn-
um til íbúðar.
Þegar fjölskyldan flytur í hús-
ið eru börnin væntanlega á
aldrinum 5—10 ára og nú hentar
„draumahúsið" nokkuð vel, börn-
in eru öll í litlu kytrunum sínum
alveg við hliðina á pabba og
mömmu, sem geta fylgst með
hverri hreyfingu og passað ung-
ana sína.
Næstu 3—4 árin eru bærileg,
en svo fer málið að vandast, það
er búið að ferma og komin
sterio-tæki í eina kytruna og það
fer að verða gestkvæmt á kvöld-
in og hávaðasamt.
Stofurnar sem spanna 'h
hússins eru ekki fyrir þessa gesti
enda nýbúið að koma þeim í
gagnið með ærnum tilkostnaði.
En hvað er nú að ske? Hentar
draumahúsið ekki lengur? Er
ekki hægt að sameina þarfir
4—5 manna fjölskyldu á 200 m2
gólffleti?
Hér er það sem flestir staldra
við og fara að hugsa og komast
því miður flestir að sömu niður-
stöðu, „draumahúsið" hentar
ekki lengur, því það er bara
hannað fyrir fjölskyldu með
smábörn, það gerir ekki ráð fyrir
að hægt sé að leyfa unglingum
og ungu fólki að umgangast
kunningja sína og því síður gerir
það ráð fyrir að hægt sé að
skjóta skjólhúsi yfir unga parið
sem er að byrja að búa og ennþá
síður aldrað foreldri, svo tekin
séu dæmi.
Húsið, sem allir lögðu svo
mikið á sig að koma upp er allt í
einu orðin byrði á eigendum,
sem þó vilja halda í það sem
lengst þar sem of snemmt er að
fara að hugsa að elliíbúð um
miðjan aldur.
Hér verða hönnuðir og byggj-
endur að taka höndum saman og
gera betur. Hvorugur á alla
sökina, — hönnuðurinn verður
að muna að hann er fagmaður og
leiðbeinandi, sem er að ráðstafa
blómanum úr lífsstarfi fjöl-
skyldu, — byggjandinn verður á
móti að gefa hönnuði eðlilegan
tíma til verksins þannig að hægt
sé að gera kröfu til góðra verka.
Elli-íbúðin
Svo er það íbúðin sem hentar
þegar aldurinn færist yfir þ.e.
lítil íbúð með stórri stofu, góðu
svefnherbergi og t.d. litlu gesta-
herbergi.
Hér eru þarfirnar aðrar en hjá
ungu hjónunum, hér er mikið
lagt upp úr stofuplássi til þess
að hægt sé að koma fyrir því af
húsgögnum sem fólk vill halda
hjá sér. Gestaherbergi er nauð-
synlegt fyrir þennan aldurshóp.
Þessi íbúð hentar vel svo lengi
sem notendur eru vel sjálf-
bjarga, en eftir það verða að
koma til verndaðar íbúðir þá
gjarnan í eigu viðkomandi not-
enda eða bæjarfélags ef fjár-
hagsaðstæður eru þess eðlis.
Um þær íbúðir verður ekki
fjallað í þessari grein.
Að lokum
Eins og fram hefur komið fer
geysilegt fé í íbúðabyggingar og
hefur fólk notað sér steinsteyp-
una eins og aðrar þjóðir fjár-
festa í gulli þegar gjaldmiðill er
lítils virði, eins og hér er.
Það hefur nokkuð lengi verið
skoðun mín að a.m.k. hér á
höfuðborgarsvæðinu sé bygg-
ingariðnaðinum haldið í fullum
gangi frekar í atvinnuskyni en af
beinni þörf og má m.a. benda á
fækkun íbúa á svæðinu í því
sambandi.
Hér verður því fækkun íbúa í
íbúðum fram yfir það sem eðli-
leg nýting ætti að vera, vegna
þess að húsnæðið er ekki hannað
með þær breytilegu þarfir í huga
er ég hef rakið hér að framan.
Þar sem ísland hefur algera
sérstöðu hvað varðar eign borg-
aranna á eigin húsnæði erum við
fastheldnari á dvalarstað heldur
en þær þjóðir, sem flytja milli
leiguhúsnæðis eftir þörfum og
án tilfinningalegra tengsla við
bæjarhverfið eða götuna. Þess
vegna verðum við að gera þá
kröfu til hönnuða að þeir fari í
ríkari mæli að hugsa eftir
íslenskum aðstæðum og þörfum
þegar þeir eru að fjalla um
hönnun íbúðahúsnæðis heldur
en þeir hafa gert til þessa.
82.37
um helgína sem þíð getíð komíð og kynnt ^kur
AMERISKU HEHVUUSIÆKIN FRA GENERAL EIECTRIC.
GENERAL
ELECTRIC
■ . -v*. . Æmk m §1 u'' •
HEKLA HF
Laugavegi 170-172 Sími 21240
Raftækjadeild okkar að Laugavegi 170 hefur
nú verið stækkuð og endurbætt. Af því tilefni
höfum við ákveðið að hafa sýningu á hinum
stórglæsilegu og fallegu heimilistækjum frá GE
laugardaginn 26. og sunnudaginn 27. janúar.
Til sýnis verður:
Kæliskápur með sjálfvirkum affrystingarútbúnaði og ísvél
í frystihólfmu sem framleiðir, hvort heldur sem er, heila ísmola
eða mulinn ís, allt eftir óskum hvers og eins.
Eldavélarsamstæða með sérstökum grillofni, innbyggðum
gufugleypi og bökunarofni sem er sjálfhreinsandi og með
sjálfvirkum steikarmæli, að ógleymdri stórri geymsluskúffu
undir bökunarofninum sjálfum.
Þar að auki verður til sýnis þvottavél, uppþvottavél,
tauþurrkari og sorpkvöm, allt frá GENERAL ELECTRIC.
Lítið inn í raftækjadeild okkar að Laugavegi 170
laugardag og sunnudag og sjáið hin stórkostlegu AMERISKU
HEIMILISTÆKI FRÁ GENERAL ELECTRIC.