Morgunblaðið - 18.04.1980, Blaðsíða 3

MORGUNBLAÐIÐ, FÖSTUDAGUR 18. APRÍL 1980
3
Sumarsýning Kjarvalsstaða á Listahátíð:
Verk Kristínar Jóns-
dóttur og Gerðar
Helgadóttur fylla húsið
YFIRLITSSÝNING á verkum
Kristínar Jónsdóttur og Gerðar
Helgadóttur verður á Kjarvals-
stoðum í júní og júlí í sumar á
listahátíð að sögn Þóru Krist-
jánsdóttur listfræðings á Kjar-
valsstöðum. „Sýningar þessar
tveggja látnu listamanna munu
fylla Kjarvalsstaði,“ sagði
Þóra, „unnið er að undirbún-
ingi sýninganna af fullum
krafti.“
Ættingjar Kristínar hafa
unnið að því í vetur að skrásetja
verk hennar og hafa yfir 500
listaverk verið ljósmynduð, en
þó hefur ekki ennþá verið aug-
lýst eftir því hverjir eiga mál-
verk eftir listakonuna. Verður
síðan valið úr þessum verkum á
sýninguna.
Verk Gerðar Helgadóttur á
þessari sýningu eru m.a. úr safni
sem hún gaf Kópavogskaupstað,
en það samanstendur að mestu
Kristin Jónsdóttir
Gerður Helgadóttir
af steindum glermyndum. Einn-
ig verða á sýningunni skúlptúrar
eftir Gerði, málverk, teikningar
og skissur, skartgripir og fleira.
Þá er fyrirhugað að fá lánuð
verk á sýninguna frá Frakklandi
og Þýzkalandi, en Gerður gerði
mörg verk fyrir þarlenda aðila.
Leifur Breiðfjörð mun setja upp
sýningu Gerðar, en þeir Þorvald-
ur Skúlason og Jóhannes Jó-
hannesson munu setja upp sýn-
ingu Kristínar.
Reytingsafli hjá
bátum í Sandgerði
SandKcrði 16. apríl
Mjög ógæftasamt hefur verið hjá
bátunum hér síðan um páskafrí,
en allmargir þeirra hafa íengið
reytingsafla þegar gefið hefur.
Neta— og línubátarnir hafa
almennt farið 4 róðra og hafa
netabátar yfirleitt verið með frá 4
lestum upp í mest 25 í róðri, en
línubátarnir 4—10 lestir. Togbát-
arnir hafa einnig verið að reyta,
en hjá þeim 4 handfærabátum,
sem eru byrjaðir, hefur afli verið
rýr.
Skuttogarinn Dagstjarnan kom
inn í morgun með um 110 lestir af
fiski, mest þorski, og er það í
þriðja sinn það sem af er þessum
mánuði, sem hún landar hér og er
aflinn alls orðinn 330 lestir þenn-
an tíma. Frá áramótum er aflinn
um 1.650 lestir.
JNNLENT
Menn hér eru mjög óhressir
með tilhögun á væntanlegu neta-
veiðibanni. Það er verið að mis-
muna landshlutum með veiðileyfi.
Finnst mörgum hér að verið sé að
stefna í aukin sérréttindi til hins
svokallaða „fyrirgreiðslusvæðis".
Einnig finnst þeim það mjög
hæpin sniðugheit hjá sjávarút-
vegsráðherra t.d. að láta báta
héðan, sem vilja halda áfram
netaveiðum, fara yfir í lögsögu
kjördæmanna hans til að mega
halda áfram veiðum með netum.
Jón
Bókauppboð
Klausturhóla
Klausturhólar efna til
bókauppboðs á morgun,
laugardag, á Laugavegi 71
og hefst það klukkan 14. Á
uppboðsskrá eru 200 núm-
er. Bækurnar verða til
sýnis á staðnum í dag,
föstudag, klukkan 9—18.
Gullna hliðið í leikbrúðu-
gerð á Kjarvalsstöðum
LEIKBRÚÐULAND mun frum-
sýna Gullna hliðið eftir Davíð
Stefánsson um næstu helgi, en
sýningar verða á Kjarvals-
stöðum. Þetta er viðamesta leik-
verk sem Leikbrúðuland hefur
ráðist í að sýna og munu fjöl-
margir kunnustu leikarar lands-
ins tala fyrir munn brúðanna.
Kjarvalsstaðir buðu Leikbrúðu-
landi að sýna á Kjarvalsstöðum,
en að öðru leyti stendur brúðuleik-
húsið fyrir sýningunum sem munu
verða um helgar og á tyllidögum
að sögn Þóru Kristjánsdóttur list-
fræðings. Bríet Héðinsdóttir
leikstýrir Gullna hliðinu en brúð-
urnar hefur Messíana Tómasdótt-
ir gert að mestu. Meðal hlutverka
má nefna Guðrúnu Þ. Stephensen
sem leikur kerlinguna, Arnar
Jónsson sem leikur óvininn og
Baldvin Halldórsson leikur Jón
bónda.
Sýnig þessi er ekki sízt ætluð
fyrir fullorðna.
Hálft þúsund sokka
frá Víkurprjóni á dag
Litla-Hvammi. V-Skaftafellssýslu.
17. apríl.
NÝTT fyrirtæki er að hefja
starfsemi sína í Vík í Mýrdal
og nefnist það Víkurprjón hf.
Fyrirtæki þetta framleiðir
sokka af ýmsum gerðum fyrir
karla, konur og börn.
Munu fimm til sex manns
hafa þar fulla vinnu, þegar
framleiðslan er komin þar í
fullan gang. Nokkrar vélarnar
eru tölvustýrðar og af full-
komnustu gerð. Reiknað er
með að átta vélar verði að
jafnaði í gangi og munu skila
400—500 pörum á dag. Eigend-
ur fyrirtækisins eru að stærst-
um hluta heimamenn, stjórn-
arformaður er Auðbert Vig-
fússon og framkvæmdastjóri
Þórir N. Kjartansson, báðir
búsettir í Vík. Víkurprjón er í
leiguhúsnæði hjá Bútækni hf.
og stendur austast allra húsa í
Vík við Suðurlandsveg.
Sigþór.
SKÓLALÚÐRASVEIT Árbæjar og Breiðholts mun leika fyrir framan
Sundhöll Reykjavikur kl. 7—8 í kvöld áður en Íslandsmeistaramót í
sundi fyrir fatlaða hefst þar. Á annað hundrað keppendur viðs vegar
að af landinu koma til keppni og er skipt i riðla og greinar eftir þvi
hver fötlunin er.
Nýjar sendingar af voryörum
ÞAR Á MEÐAL: stúdínudragtir — rykfrakkar — síðar peysur
— blússur — fínni velour trimmfíallar —
samfestingar — kakhibuxur o.m.fl.