Morgunblaðið - 19.08.1980, Blaðsíða 47

MORGUNBLAÐIÐ, ÞRIÐJUDAGUR 19. ÁGÚST 1980
27
i
Fertugur leikur Nicklaus aldrei betur
Jack W. Nicklaus
sigrar í P.G.A.
keppninni
P.G.A. Kolfkeppnin var haldin dagana 7.—10. ágúst ú Oak Hill
golfvellinum í Rochester í New York fylki.
Oak Hill völlurinn er þekktur vegna mikillar lengdar, og er talinn
mjög erfiður yfirferðar meðal atvinnumanna. Oak HHI er fi.964 yardar
og par 70. með aðeins tvær par 5 holur á hvorum níu holum. Árið 1968
var U.S. Open keppnin haldin á Oak Hill og vann þá óþekktur golfari
að nafni Lee Trevino þá keppni. Forstöðumenn Oak Ilill vallarins
höfðu reynt að breyta nokkrum par 4 holunum fyrir keppnina með því
að færa teigana aftar. og rækta tveggja tommu hátt gras beint fyrir
framan flatirnar á flestum seinni 9 holunum, i högglínunni inn á
flatirnar, en fyrsta daginn virtist þetta ekki hafa nein áhrif á
spilamennskuna hjá flestum. Craig Stadler. sem kallaður er
rostungurinn af kollegum sinum, aðallega vegna likamsbyggingar og
mikils yfirvaraskeggs, lék völlinn á 67 höggum og var höggi á undan
Howard Twitty, Bobby Walzel, Curtis Straage, Gil Morgan og Bob
Murphy. Gullbjörninn Nicklaus var ekki langt á eftir, en lék á pari,
70.
P.G.A. keppnin er 4. liðurinn á svokaliaðri „alslemmu“, en svo eru
kölluð mótin Master, U.S. Open. British Open og P.G.A. Oftast i
þessum mótum er raunin sú, að tiltölulega óþekkt nöfn eins og að ofan
standa, verða taugunum að bráð, enda er mikið i húfi. þar sem fyrstu
verðlaun eru 60 þúsund dollarar, auk þess eru þessi mót ávallt taldin
milljón dollara virði fyrir atvinnumennina vegna aukaverðlauna fyrir
undirskriftir o.fl. Þá hverfa óþekktu nöfnin á öðrum eða þriðja degi
úr hópi beztu spilaranna, og nöfn eins og Watson, Trevino, Player,
Crenshaw, Pate og Bean taka forystuna.
Eftir annan dag keppninnar
voru aðeins 3 menn undir pari
vallarins; Jack Nicklaus, Lon
Hinkle og Ed Sneed. Nicklaus á 69,
Hinkle á 69 en Sneed á 68.
Sneed var á 80 deginum áður
svo hann var í miðjum hóp. Gil
Morgan var á 68 daginn áður svo
hann leiddi keppnina á 138 með
par spilamennsku annan daginn.
Jack Nicklaus og Lon Hinkle voru
sem sagt í öðru sæti, báðir á 139.
Curtis Strange var í 4. sæti á
pari, 140. Hér má glöggt sjá hvað
Oak Hill völlurinn er erfiður, þar
sem aðeins 4 menn eru á pari eða
einu til tveimur höggum undir, en
allir hinir, 73 talsins, eru yfir pari,
svo ekki sé minnzt á þá sem náðu
ekki framhaldsrétti, sem var 149
högg. Þeir sem ekki náðu fram-
haidsrétti voru alls 71, og voru
þekkt nöfn meðal þeirra eins og
Lou Graham, Peter Oosterhuis,
Billy Casper og Larry Nelson svo
nokkur nöfn séu nefnd.
Þriðja dag keppninnar vaknaði
gullbjörninn úr dvalanum. Nick-
laus lék völlinn á 66 höggum, 4.
undir pari.
Þegar Nicklaus hafði spilað 14
holur var hann sex undir pari, og
sagði Lon Hinkle, sem lék með
honum, að hann hefði sjálfur farið
að horfa á, frekar en að halda
áfram að spila.
Eftir 14. holu gekk Nicklaus
ekki eins vel, og fékk „bogey" á
tveim en bjargaði pari með löng-
um púttum á hinum tveim. Hinkle
náði að leika á 69 og var í öðru
sæti á .208, eða þrem höggum á
eftir birninum, sem var á 205. Gil
Morgan og Andy Bean voru í 3.
sæti á 211.
Sá er þessa grein ritar fylgdist
með leik Nicklaus í sjónvarpi og
þar meö sannfærðist hann um að
það er til tvenns konar atvinnu-
mannagjlf. Jack Nicklaus leikur
eina tegund, og allir hinir leika
aðra tegund. Fertugur Nicklaus
er senn ícga að leika sitt al-bezta
golf cinmitt núna. Frammistaða
hans á U.S. Open keppninni fyrr í
sumar líður greinarhöfundi aldrei
úr minm og höggin inn á flatirnar
og löngu púttin þennan 3ja dag
voru í klassa númer eitt. Á 12.
holu, sem er par 4 lenti annað
högg hjá Nicklaus í „bunker"
vinstra megin við flötina. Sjón-
varpsþulurinn dirfðist að segja að
þessi staða og þetta högg væri
sennilega eini veiki punkturinn á
spili Nicklaus.
Sandgryfjan var um það bil 10
metra frá flötinni, en holan var
alveg hinu megin á flötinni, um
það bil 30 metra frá gryfju.
Nicklaus athugaði flötina mjög vel
áður en hann gekk niður í bunker-
inn, og höggið kom upp úr gryfju
fremur hratt, en með slíku snilld-
arlegu „back-spin“ (afslagi) að
kúlan stöðvaðist 5 sentimetra frá
holu. Auðvelt par, og ekki heyrði
ég þulinn minnast meira á veika
hlekki hjá Nicklaus það sem eftir
var af deginum.
Jack Nicklaus, með 3ja högga
forystu, lék síðasta daginn í mót-
inu á íhaldskerfi, hann lék sem
sagt upp á parið, en lét Lon
Hinkle, Ándy Bean og Gil Morgan
um það, að reyna að ná sér. Eftir
fyrri 9 holurnar voru þessar
kempur hættar að leika á móti
Nicklaus, en kepptu stíft um
annað sæti, sem er 40,000 dollara
virði. Þegar komið var að 10. holu
var Nicklaus kominn með 5 högga
forskot, og skal ég gefa hverjum
sem er eignarrétt á konunni minni
ef hann getur náð 5 höggum af
Jack Nicklaus á 9 holum. Nicklaus
lék völlinn á 69 höggum, með tvær
„birdies" og eina „bogey" á 17.
holu. Samtals var hann því á 274.
Og enn einu sinni þraut Jack
Nicklaus blað í sögu golfsins.
Þetta er í fimmta skipti sem hann
vinnur P.G.A. keppnina. Aðeins
einn annar maður hefur gert hið
sama. Walter Hagen árið 1927.
Hann er þriðji maðurinn sem
hefur unnið U.S. Open keppnina
og P.G.A. keppnina sama árið.
Gene Sarazen gerði það árið 1922
og Ben Hogan árið 1948.
Andy Bean varð annar í keppn-
inni á 281, en Lon Hinkle og Gil
Morgan urðu jafnir í 3ja sæti á
283. höggum.
Aðeins einn maður af þessum
144 mönnum, sem hófu keppnina,
náði að leika undir pari — Jack
Nicklaus.
Jack Nicklaus mistókst aðeins
einu sinni í þessu golfmóti. Það er
siður atvinnumanna að kasta golf-
kúlunni inn í áhorfendafjöldann
þegar leik er lokið á síðustu
flötinni. Nicklaus beygði sig niður
í 18. holuna á Oak Hill og kastaði
kúlunni í áttina að áhorfendum,
en tókst ekki betur en svo að kúlan
lenti niður á 18. braut um það bil
50 metra frá næsta áhorfanda.
Aðspurður sagði Nicklaus. „Ég
hef sennilega húkkað hana.“
Golfunnendur um allan heim
verða nú að bíða spenntir til
næsta árs og sjá til hvort Jack W.
Nicklaus getur ekki unnið það
einstæða afrek, að vinna „Al-
slemmuna eftirsóttu", eða að
vinna Masters, U.S. Open keppn-
ina, British Open og P.G.A. keppn-
ina, allar á sama ári, því það er
sennilega enginn golfleikari sem
getur afrekað það, en Jack W.
Nicklaus á alltaf möguleika.

Nicklaus hefur unnið samtals 19
sinnum á þessum ofannefndum
stórmótum, samtals 68 golfmót
síðan árið 1962 og meðaltal af 18
holu skori hans er ennþá 70,2.
Aðeins einn maður hefur unnið
fleiri golfmót heldur en Jack
Nicklaus, en það er Sam gamli
Snead (84), en Nicklaus er enn
ungur og hnekkir sennilega þessu
meti líka.
Jack Nicklaus setti einnig nýtt
P.G.A. met, sem var að vinna
mótið með 7 högga mismun, en
gamla metið var 4. högg og hver
átti gamla metið? — Jack Nick-
laus sjálfur.
Baldvin Berndsen.

1
• Gullbjörninn Jack Nicklaus með ein aí fjöldamörgum verðlaunum
sem hann hefur unnið til. Nicklaus er tekjuhæsti golfleikari allra
tíma.
J