Morgunblaðið - 16.10.1980, Blaðsíða 27

MORGUNBLAÐIÐ, FIMMTUDAGUR 16. OKTÓBER 1980
(LjÓKm. Albert Kemp)
Athafnasvæði Pólarsíldar á Fáskrúðsfirói. lengst til vinstri má sjá
nýja veiðarfæraskemmu Sólborgar hf. Við brygKju lÍKKja sex bátar.
Saltað í 10 þús-
undustu tunnuna
á Fáskrúðsfirði
Fáskrúðsíiröi 15. október.
FJÓRIR bátar landa síld hjá
Pólarsíld hf. í dag, um 1400
tunnum. Aflahæstur er Ottó
Wathne með 450 tunnur, en
aðrir sem komu voru Sigurður
Ólafsson með 370 tunnur,
Ilalldór Jónsson SH með 300
tunnur ok Ilafnarey SF með
260 tunnur.
Reiknað er með að saltað verði
í 10. þúsundustu tunnuna í kvöld
eða fyrramálið. Er Pólarsíld þá
sennilega orðin hæsta söltun-
arstöðin á landinu á þessu
hausti.
27
Er reiðubúinn að gefa
skýrslu um þyrlukaup
- segir Friðjón Þórðarson dómsmálaráðherra
TIL nokkurra orðaskipta kom í
efri deild Alþingis i gær. milli
þeirra Friðjóns Þórðarsonar
dómsmálaráðherra annars vegar
og Eiðs Guðnasonar og Lárusar
Jónssonar hins vegar, um kaup
Landhclgisgæslunnar á nýju þyrl-
unni. Umræðurnar urðu er verið
var að ra*ða frumvarp dómsmála-
ráðhcrra um skráningu á upplýs-
ingum er varða cinkamálefni og
frumvarp um upplýsingar hjá
almannastofnunum.
Eiður Guðnason (A) sagði þessi
frumvörp vera tímabær og þörf, og
gat þess að oft væri misbrestur á
því að nauðsynlegar upplýsingar
fengjust hjá opinberum aðilum.
Gerði hann nýleg þyrlukaup Gæsl-
unnar að umtalsefni í því sam-
bandi, taldi hafa verið farið á bak
við fjárveitinganefnd og Alþingi í
málinu, og Alþingi hreinlega
blekkt, þar sem hvergi hefði verið
getið um umrædd kaup á fjárlögum
ársins í ár né áður. Málið kvað
hann óeðlilegt í hæsta máta. Til
dæmis sagði hann fjárveitinga-
nefnd tvívegis hafa óskað eftir
upplýsingum um málið frá dóms-
málaráðuneyti, en engin svör hefðu
borist. Kvað Eiður ef til ástæðu til
að setja í lög ákvæði um upplýs-
ingaskyldu ríkisstjórnar gagnvart
Alþingi.
Eiður tók á hinn bóginn skýrt
fram, að hér væri aðeins deilt' á
vinnubrögð, ekki væri um það að
ræða að kaup þyrlunnar sem slík
væru deilumál.
Friðjón Þórðarson (S) dóms-
málaráðherra svaraði, og sagði
athyglisvert að Eiður kysi nú að
gera lykkju á leið sinni í umræðum,
og koma þyrlukaupunum að. Frið-
jón sagðist harma að ekki hefðu
borist upplýsingar frá ráðuneytinu,
en hann væri hins vegar reiðubú-
inn að gefa Alþingi skýrslu um
málið hvenær sem þess yrði óskað,
honum væri ekkert meira að skapi
en allur sannleikur og allir þættir
þessa máls kæmu í ljós.
Dómsmálaráðherra sagðist hins
vegar furða sig dálítið á því, að
Eiður Guðnason skyldi ekki hafa
bryddað á þessu máli er þeir áttu
báðir sæti í fjárveitinganefnd, þar
til á mánudag. Enn kvaðst Friðjón
vilja geta þess, að þótt fjárveit-
inganefnd fjallaði um mörg mál, þá
tæki hún venjulega ekki mikinn
tíma í lánsfjáráætlun, en Eiður
hafði í sinni ræðu gagnrýnt ráð-
herra fyrir að hafa lítinn tíma til
nefndarstarfa.
Lárus Jónsson (S) kvaðst geta
tekið undir flest það er Eiður hafði
sagt um málið, málið hefði raun-
verulega aldrei komið til kasta
Alþingis og væri það vítavert.
Lárus sagðist á hinn bóginn fagna
því að ráðherra ætlaði að gera
Alþingi grein fyrir málinu, en þá
kæmi væntanlega í Ijós hvernig
það væri vaxið.
Varðandi þann tíma sem fjár-
veitinganefnd ver til yfirferðar og
athugana á lánsfjárlögum, sagði
Lárus, að nefndin hefði þau aðeins
til athugunar og yfirferðar, en
samkvæmt þingsköpum væri það
ekki nefndarinnar að taka afstöðu
til þeirra hluta. — Það væri hins
vegar í verkahring fjárhags- og
viðskiptanefndar, sem jafnan
kannaði lánsfjáráætlanir rækilega.
Hyggjast nýta þróar-
rými í auknum mæli í
Siglufirði á næstunni
ÞAÐ HEFUR vakið athygli á
Siglufirði undanfarið að aðeins
hefur verið tekið á móti 4
þúsund tonnum af loðnu í þrær
á staðnum. en þróarrými er á
Siglufirði fyrir allt að 20 þús-
und tonnum. Jón Reynir Magn-
ússon, framkvæmdarstjóri Síld-
arverksmiðja ríkisins, sagði í
gær að ástæðan fyrir þessu
hefði fyrst og fremst verið sú,
að loðnan hefði geymst illa. Nú
væri ástand loðnunnar að breyt-
Leiðrétting
í viðtali við Ragnheiði Marías-
dóttur sem birtist í Morgunblað-
inu sl. sunnudag slæddist inn sú
villa að sagt var að Ragnheiður
hefði haft brjósklos í fótunum.
Átti þar að standa að Ragnheiður
hefði haft brjósklos í baki og verið
slæm í fótunum vegna þess. Eru
hlutaðeigendur beðnir vel-
virðingar á mistökunum.
ast og sagðist hann reikna með,
að á næstunni yrði tekið á móti
mcira magni af loðnu til að
geyma í þróm.
Á Siglufirði er nú búið að taka á
móti um 40 þúsund tonnum af síld,
en heildaraflinn á loðnuvertíðinni
er rösklega 100 þúsund tonn. Jón
Reynir sagði, að vinnsla á vertíð-
inni hefði gengið mjög vel í
verksmiðjunni á Siglufirði og
hefði vinnsla aðeins stöðvast í um
tvo sólarhringa, en þá fékkst nær
engin loðna í 12 daga. Loðnan
hefði verið laus í sér framan af
vertíðinni og því hefði ekki verið
hægt að geyma hana lengi eftir
hina löngu siglingu af miðunum.
Þá ætti það sinn þátt í afköstum
verksmiðjunnar, að loðnan hefði
ekki legið lengi í þróm, en gamalt
hráefni gæti dregið úr afköstum.
Hann sagði, að undanfarið hefði
loðnan verið að breytast og væri
nú orðin fastari í sér. Því ætti að
vera hægt á næstunni að geyma
hana í auknum mæli í þróm.
Rangæingafélagið
hefur vetrarstarfið
Rangæingafélagið í Reykjavík
byrjar starfsár sitt á þessu
hausti með þvi að Rangæinga-
kórinn kemur saman til söngæf-
inga. Þær verða að jafnaði einu
sinni i viku i húsakynnum Kenn-
araháskóla íslands.
í fyrravetur tóku tæplega 40
manns þátt í kórstarfinu en
formaður kórsins er Einar
Ágústsson. Bridge-deild félagsins
kom saman sl. miðvikudag en
eftirtaldar samkomur eru áætlað-
ar í haust: Aðalfundur félagsins
verður haldinn í Domus Medica
fimmtudaginn 23. október kl.
20:30. Á dagskrá eru venjuleg
aðalfundarstörf, svo og umræður
um ýmis málefni félagsins. Kaffi-
samsæti fyrir eldra fólkið er
fyrirhugað sunnudaginn 9. nóv-
ember í safnaðarheimili Bústaða-
kirkju að lokinni messu sem hefst
kl. 14:00. Kvennadeild félagsins
verður að venju með kökubasar að
Hallveigarstöðum laugardaginn
29. nóvember kl. 14:00 til fjáröfl-
unar fyrir kórinn. Nánari fréttir
af starfsemi Rangæingafélagsins
koma í félagsbréfinu Gljúfrabúa.
Friðjón Þórðarson
Eiður Guðnason
Lárus Jónsson
Fyrirspurn Birgis Isleifs til fjármálaráðherra:
í hve mörgum tilvikum voru
tekjur áætlaðar á gjaldendur?
Birgir ísleifur Gunnarsson (S)
hefur lagt fram í Sameinuðu Al-
þingi fyrirspurn til fjármálaráð-
herra um skattamál, nánar til tekið
um áætlun skattagjalda á gjaldend-
ur.
í 59. grein laga frá árinu 1978 um
tekjuskatt og eignaskatt, er skatt-
stjórum heimilaö að ákvaröa tekjur
þeirra, er starfa við eigin atvinnu-
rekstur eða sjálfstæða starfsemi,
eins og nánar er greint um í
umræddri lagagrein.
í tilefni þessarar lagagreinar,
sem nú hefur meðal annars verið
mikið til umræðu meðal bænda,
hefur Birgir ísleifur lagt fram
eftirfarandi fyrirspurnir:
1. Hvaða viðmiðunarreglur setti
ríkisskattstjóri til ákvörðunar
við tekjuáætlun samkvæmt þess-
ari grein?
2. í hve mörgum tilvikum fór
álagning árið 1980 fram sam-
kvæmt þessari grein laganna?
3. Hver er heildarupphæð áætlaðra
tekna og álagðra skatta sem
þannig var fundin?
Svar óskast skriflegt, sundurlið-
að eftir skattumdæmum.
Birgir ísl. Gunnarsson
Listskreytingar opinberra bygginga:
2% stofnkostnaðar til listskreytinga
BIRGIR ísleifur Gunnarsson,
Ilalldór Blöndal og Ólafur G.
Einarsson. þingmenn Sjálfstæðis-
flokksins. hafa lagt fram frum-
varp til laga um listskreytingar
opinberra bygginga.
í gildandi lögum um skólakostn-
að er menntamálaráðuneyti heim-
ilt, að fenginni umsögn sveitar-
stjórnar, að verja allt að 2% af
áætluðum stofnkostnaði mann-
virkis í þessu skyni. Frumvarp
þetta gerir hinsvegar ráð fyrir að
svo verði gert, ekki aðeins varð-
andi skólamannvirki, heldur öll
opinber mannvirki. Fjárhæð þess-
ari má verja til listskeytinga jafnt
utanhúss og innan, sem verði hluti
af mannvirkinu, og til kaupa á
lausum listaverkum, sem komið sé
fyrir í byggingunni eða á lóð