Morgunblaðið - 08.11.1980, Blaðsíða 10

10
MORGUNBLAÐIÐ, LAUGARDAGUR 8. NÓVEMBER 1980
Islenzka óperan:
Hátíðatónleikar í minn-
ingu Helgu Jónsdóttur og
Sigurliða Kristjánssonar
I'au flytja barokktónleist i Bústaðakirkju annað kvold kl. 20.30, f.v.:
Helíía InKÓlfsdóttir. Pétur Þorvaldsson. ólöf Kolbrún Harðardóttir.
Rut Ingólfsdóttir og Laufey Sigurðardóttir.
Kammersveit Reykjavikur:
Flytur barokktón-
list i Bústaðakirkju
FYRSTU tónleikar Kammer-
sveitar Reykjavíkur á þessum
vetri verða í Bústaðakirkju ann-
að kvöld kl. 20.30. Flutt verður
harokktónlist eftir A. Vivaldi og
G.F. Hándel.
Kammersveit Reykjavíkur er nú
að hefja sitt sjöunda starfsár.
Reynslan hefur sýnt að mikill
áhugi er fyrir barokktónlist hér á
landi og því hefur Kammersveitin
ákveðið að á fyrstu tveim tónleik-
unum verði eingöngu barokktón-
list. Þess misskilnings gætir mjög
að barokktónlist sé eingöngu and-
leg tónlist til flutnings við helgar
athafnir, en svo er ekki og á fyrstu
tónleikunum annað kvöld verður
flutt barokktónlist af léttari og
veraldlegri toga. Þar mun Ólöf K.
Harðardóttir syngja í tveim Kant-
ötum eftir Hándel og ennfremur
verða flutt tvö verk eftir Vivaldi
þar sem Camilla Söderberg blokk-
flautuleikari verður meðal flytj-
enda. Hún er nú sest að hér á
landi og leikur í fyrsta sinn með
Kammersveitinni á þessum tón-
ieikum.
Á jólatónleikum Kammersveit-
arinnar verða aftur á móti flutt
barokktónverk af andlegri toga,
þ.e. konsertar eftir Bach, Tele-
mann og Corelli.
í janúar verður endurtekinn
flutningur verksins „Pierrot
Lunair" eftir Schoenberg vegna
fjölda áskorana, en Kammersveit-
in flutti þetta verk á Listahátíð
1980 við hrifingu og lof gagnrýn-
enda. Gestir Kammersveitarinnar
á þeim tónleikum eru Paul Zu-
kovsky og Rut Magnússon, en auk
„Pierrot Lunair“ verður fluttur
klarinett-kvintett Brahms.
Á síðustu tónleikunum verða
flutt tvö íslensk verk; Sex sönglög
eftir Hjálmar Ragnarsson sem
ekki hafa heyrst á tónleikum hér í
höfuðborginni áður og nýtt verk
eftir Þorkel Sigurbjörnsson, sem
hann semur fyrir Kammersveit
Reykjavíkur. Starfsárinu lýkur
svo með flutningi hins þekkta
verks Igor Stravinskys „Sagan af
dátanum".
Tónleikagestum er gefinn kost-
ur á því að kaupa áskriftarkort
með fjórðungs afslætti eða kaupa
aðgang að einstökum tónleikum og
eru áskriftarkortin seld við inn-
ganginn á fyrstu tónleikana í
Bústaðakirkju annað kvöld.
Kirkjuþing:
Hvetur
til að styðja
kristniboðsstarf
TÓLFTA Kirkjuþing minnir söfn-
uði landsins á kristniboðsdag
kirkjunnar, sem verður næstkom-
andi sunnudag, 9. nóvember.
Hvetur kirkjuþing þjóðina til
stuðnings við kristniboðsstarfið.
Kristniboðsins verður minnst í
kirkjum landsins og á samkomum
á sunnudaginn, en á vegum Sam-
bands ísl. kristniboðsfélaga er nú
rekið kristniboðsstarf í Eþíópíu og
Kenya.
Snemma árs 1978 stofnuðu
ýmsir áhugamenn um óperu-
flutning með sér samtök sem
þeir nefndu íslenzku óperuna, í
þeim tilgangi að flytja óperur á
Islandi. Frumkvöðull þessa
fyrirtækis var Garðar Cortes
söngvari, skólastjóri Sönskólans
í Reykjavík, en í undirbúnings-
nefnd formlegrar félagsstofnun-
ar tóku sæti með honum Elín
Sigurvinsdóttir, Sigrún Andrés-
dóttir, Sigurður Þórðarson og
Þuríður Pálsdóttir. Upphafleg
ætlun íslenzku óperunnar var að
sýna fyrsta óperuna La traviata
eftir Giuseppe Verdi, og náðust
samningar við Covent Garden
söngleikahúsið í London um
nokkurt fulltingi við þá sýningu.
Af sýningunni gat þó ekki orðið
eins og sakir stóðu, svo að
haustið 1978 var ákveðið að
takast heldur á við nokkru
smærra verkefni, Pagliacci eftir
Ruggiero Leoncavallo. Um sömu
mundir var Gunnlaugur Snæv-
arr ráðinn framkvæmdastjóri
þeirrar sýningar.
Paliacci var frumsýnd í Há-
skólabíói hinn 10. marz 1979.
Kór og hljómsveiti íslenzku
óperunnar tóku þátt í sýning-
unni, en stofn hljómsveitarinnar
var Sinfóníuhljómsveitin í
Reykiavík. Hljómsveitarstjóri
var Garðar Cortes og leikstjóri
Þuríður Pálsdóttir. Var óperan
sýnd fimm sinnum fyrir fullu
húsi, og hlaut sýningin frábærar
undirtektir og hina beztu dóma
þrátt fyrir erfiðar aðstæður. Að
svo búnu varð nokkurt hlé á
starfsemi íslenzku óperunnar,
enda tóku nú ýmsir máttarstólp-
ar félagsskaparins til starfa að
flutningi La traviata á tónleik-
um Sinfóníuhljómsveitar ís-
lands, en hann fór fram í
febrúar 1980 undir stjórn Gil-
berts Levine.
Hinn 21. maí 1980 gerast svo
þau tíðindi að skiptaforstjórar í
dánarbúi Helgu Jónsdóttur og
Sigurliða Kristjánssonar —
hæstaréttarlögmennirnir Guð-
mundur Ingvi Sigurðsson, Jó-
hann Hinrik Níelsson og Sveinn
Snorrason — kalla formann Is-
lenzku óperunnar á sinn fund.
Var erindi þeirra að kanna
viðbrögð formannsins við þeim
hugsanlega möguleika að nokkr-
um arfahlut ónefnds efnafólks
kynni að verða varið til þess að
íslenzk óperustarfsemi fengi
húsnæðisaðstöðu í Reykjavík.
Eftir þann fund og tvo aðra, svo
og einn fund formanns Islenzku
óperunnar og þá nýskipaðra
leikhússtjóra Leikfélags Reykja-
víkur, tilkynntu skiptaforstjór-
arnir þeim sem hlut átti að máli
að Islenzka óperan kæmi hugs-
anlega til álita sem arfþegi
umrædds arfahlutar. En til þess
þyrfti vitaskuld að halda hinn
löngu ráðgerða formlega stofn-
fund félagsskaparins og kjósa
honum stjórn. Ennfremur þyrfti
að leita staðfestingar forseta
Islands á skipulagsskrá félags-
skaparins. Loks bæri nauðsyn til
að vinda bráðan bug að þessum
gjörðum.
Föstudaginn 3. október 1980
var haldinn í sal Söngskólans í
Reykjavík stofnfundur íslenzku
óperunnar, 'og voru til hans
boðaðir allir þeir sem áttu aðild
að hinum upphaflega félagsskap,
sem enn átti sér engin lög, svo og
örfáir aðrir áhugamenn um ís-
lenzku óperuna sem til náðist
með svo skömmum fyrirvara
sem nauðsyn krafði. Á fundinum
voru samþykktar einum rómi
tvær skipulagsskrár, önnur fyrir
íslenzku óperuna og hin fyrir
Styrktarfélag og styrktarsjóð ís-
lenzku óperunnar. Frumvörp að
skipulagsskránum hafði samið
Þorsteinn Júlíusson hæstarétt-
arlögmaður. Samkvæmt skipu-
lagsskránum var síðan kjörinn
formaður íslenzku óperunnar, og
náði Garðar Cortes einróma
kjöri. Með honum voru kjörin í
stjórn þau Ásrún Davíðsdóttir,
Ólöf K. Harðardóttir, Þorsteinn
Gylfason og Þorsteinn Júlíusson,
en í varastjórn þau Elín Sigur-
vinsdóttir, Gunnar Guttormsson
og Halldór Vilhelmsson. Siðar
skipti stjórnin með sér verkum,
og var Þorsteinn Gylfason kjör-
inn ritari og Þorsteinn Júlíusson
gjaldkeri.
Hinn 7. október 1980 staðfesti
forseti íslands hinar tvær skipu-
iagsskrár. Hinn 31. október til-
kynntu svo skiptaforstjórar dán-
arbús Helgu Jónsdóttur og Sig-
urliða Kristjánssonar að ís-
lenzka óperan væri arfþegi að
einum fjórða meginhluta dánar-
búsins, og mætti meta arfahlut
hennar á tæpan milljarð króna.
Vegna þeirrar skyndingar sem
á varð að hafa um stofnun
Islenzku óperunnar er ástæða til
að leggja á það sérstaka áherzlu
að íslenzka óperan er félags-
skapur sem er öllum opinn, og
væntir stjórn óperunnar þess að
allir íslenzkir söngvarar g aðrir
tónlistarmenn, svo og allir áhug-
amenn um eflingu íslenzkrar
tónlistar og tónlistarlífs í land-
inu, gangi til liðs við óperuna.
Teljast allir þeir sem í styrktar-
félagið ganga fyrir árslok 1980
stofnfélagar Islenzku óperunnar.
Árgjald einstaklinga hefur verið
ákveðið tíu þúsund krónur hið
lægsta. Fyrsti aðalfundur Is-
lenzku óperunnar verður haldinn
samkvæmt skipulagsskrá í maí
1981.
Stjórn íslenzku óperunnar
hefur ákveðið að fyrsta verkefni
hennar verði hátíðatónleikar í
minningu hjónanna Helgu Jóns-
dóttur og Sigurliða Kristjáns-
sonar. Verða þeir haldnir í
Háskólabíói laugardaginn 27.
desember 1980 kl. 14, og verða
aðgöngumiðar að þeim jafn-
framt stofnfélagaskírteini ís-
lenzku óperunnar. Munu íslenzk-
ir óperusöngvarar og Sinfóníu-
hljómsveit Islands sameinast
um að þeir megi verða sem
veglegastir svo sem tilefni þeirra
hæfir — „tónleikar aldarinnar" í
tilefni þess sem skiptaforstjórar
hafa nefnt „gjöf aldarinnar, ef
ekki allra alda“.
(Fréttatilkynning)
Félag húsgagna-
og innanhúss-
arkitekta 25 ára
Þetta áriö er Félag húsgagna- og innanhússarkitekta 25
ára. Fyrir 25 árum voru þeir fáir sem töldust til þessarar
starfsstéttar, og stofnendur félagsins aðeins átta. Fyrstur
íslendinga sem lauk námi sem í húsgagnaarkitektúr, var
Friðrik Þorsteinsson; útskrifaður frá Þýskalandi 1923.
Nokkrum árum síðar bættust þeir við Jónas Sólmundsson
og Garðar Hall og stofnsettu þessir menn allir verkstæði
og framleiddu húsgögn og innréttingar.
Frá blm.fundi Félags húsgagna- og innanhússarkitekta i Norræna húsinu.
Félagið stofnað
Árið 1938 komu þeir Helgi Hall-
grímsson og Skarphéðinn Jóhanns-
son heim frá námi við Listiðnað-
arskólann í Kaupmannahöfn, og
teljast þeir hinir fyrstu, sem gera
húsgagna- og innanhússteikningar
að atvinnu sinni hérlendis. Það
fjölgaði hægt í þessari stétt manna
og þess vegna var Félag húsgagna-
og innanhússarkitekta ekki stofnað
fyrr en á árinu 1955.
Fyrstu stjórn félagsins skipuðu
Hjalti Geir Kristjánsson, formaður,
Helgi Hallgrímsson, ritari, og Árni
Jónsson, gjaldkeri. Síðan 1965 hefur
félagið verið aðili að Alþjóðasam-
bandi innanhússarkitekta, IFI, og
frá 1970 hefur félagið haft náið
samstarf við félög innanhússarki-
tekta á Norðurlöndum.
Þegar félagið heldur nú upp á 25
ára afmæli sitt eru félagsmenn
orðnir 45 talsins og núverandi
stjórn skipa þau Erna Ragnarsdótt-
ir, formaður, Jón Ólafsson, ritari, og
Gíslína Guðmundsdóttir, gjaldkeri.
Menntunin
Á blm.fundi sem félagsmenn Fé-
lags húsgagna- og innanhússarki-
tekta héldu fyrir skömmu í Nor-
ræna húsinu, kom m.a. fram, að
flestir þeirra höfðu numið á Norður-
löndum, sérílagi í Danmörku. Vildu
félagsmenn eindregið koma því á
framfæri, að þeir sem ætluðu að
stunda þessi fræði skyldu snúa sér
til félagsins og leita upplýsinga um
viðurkennda skóla.
Innanhúsgagnaarkitektunum
fannst svokallaðri „sjónmennt" ekki
nægur gaumur gefinn í íslenska
skólakerfinu, fremur en annarri
handmennt. — Og verði ekki breyt-
ing í þessu efni, þá næst ekki
árangur á sviði iðnaðar, bættu þeir
við.