Morgunblaðið - 12.03.1981, Blaðsíða 43
MORGUNBLAÐIÐ, FIMMTUDAGUR 12. MARZ 1981
43
Endurmenntunarnámskeið
Iðnskólans:
Mikil þörf á
framhaldsmenntun
í trésmíði
FYRIR nokkru lauk endurmenntunarnámskeiði í Iðn-
skólanum í Reykjavík en námskeiðið heldur skólinn á
vegum Trésmíðaíélags Reykjavíkur og Meistarafélags
húsasmiða. Blaðamaður og Ijósmyndari Morgunblaðsins
komu við í Iðnskólanum síðasta námskeiðsdaginn og
var einn kennaranna á námskeiðinu tekinn tali.
Aðalsteinn Thorarensen en hann heíur starfað sem
kennari við skólann í 20
kennarafélags Iðnskólans.
Rætt við Aðalstein
Thorarensen, for-
mann kennarafé-
lags Iðnskólans og
fulltrúa fagfélag-
anna sem standa
að námskeiðunum
„Þetta er áttunda námskeiðið
sem við höldum af þessu tagi hér í
Iðnskólanum en þau eru ætluð
meisturum og sveinum í trésmíða-
iðn“, sagði Aðalsteinn. „Þetta eru
tvíþætt námskeið sem fjalla ann-
arsvegar um uppbyggingu tré-
smíðavéla og meðferð og annast
þeir Þröstur Helgason, trétæknir,
og Þórarinn Eggertsson, bygginga-
meistari, þann þátt. Hinn þáttur-
inn er kennsla í yfirborðsmeðferð
viðar og sé ég um hana. Er þar
fjallað um litun og lökkun viðar en
auk þess er fjallað um fúavarnar-
efni. Þessi þáttur námskeiðsins á
vissulega erindi til margra hér á
landi eins og veðráttu er hér
háttað, því með þeim efnum sem
við kynnum hér má auka endingu
útihurða og glugga verulega frá
því sem nú er.
Samband Iðnskólans og þessara
tveggja fagfélaga, sem að nám-
skeiðunum standa, hefur verið
sérstaklega góð og námskeiðin eru
vel sótt. Það hafa verið um 12—14
ár og er hann formaður
manns á hverju námskeiði en þau
hafa staðið í þrjár vikur og eru frá
kl. 17 til 21 flest kvöld vikunnar.
Það er greinilega þörf fyrir þessi
námskeið — m.a., vegna þess að ný
efni og nýjar vélar eru sífellt að
bætast við eða koma í staðinn fyrir
það sem notað var áður. Við gerum
okkur sérstaklega far um að kynna
ný efni, sérstaklega þau sem fram-
leidd eru hér á landi, þó við séum
jafnframt með öll innflutt efni.
Nemendurnir á námskeiðunum eru
á nánast öllum aldri og þróunin
hefur greinilega legið í þá átt að
nemendahópurinn hefur yngst —
það eru nokkrir iðnnemar sem
hafa tekið þessi námskeið strax að
iðnnámi loknu. Fyrir utan þessi
átta námskeið sem haldin hafa
verið hér í Reykjavík höfum við
verið með eitt námskeið á Akur-
eyri, sem haldið var á vegum
Rannsóknarstofnunar iðnaðarins
og einnig höfum við verið með
fyrirlestra í Fjölbrautarskólanum
á Akranesi um svipað efni. Þá
héldum við fyrir u.þ.b. ári svipað
námskeið fyrir kennara við Fjöl-
brautar- og Iðnskóla landsins, —
sem alls átta skólar tóku þátt í. Að
sjálfsögðu hafa verið haldin hlið-
stæð námskeið í öðrum deildum
skólans, — framhaldsdeild, málm-
iðnaðardeild o.fl.
Þar sem Aðalsteinn er formað-
ur kennarafélags Iðnskólans í
Reykjavik barst umræðan að mál-
efnum Iðnskólans almennt en um
kennarafélagið sagði Aðalsteinn:
K í .9 % .. ■ ■É Sss 1
Aðalsteinn Thorarensen, formaður Kennarafélags Iðnskólans. Á
borðunum í kringum hann eru viðarsýni sem hlotið hafa ýmsar
tegundir yfirborðsmeðferðar. Ljósm. KristjAn.
.. ■.
la
Þrðstur Helgason, trétæknir, leiðbeinir við notkun og meðferð véla á
námskeiði.
„Kennarafélag Iðnskólans í
Reykjavík er hagsmunafélag sem
ennfremur skipuleggur félagslíf
meðal kennara skólans. Fastráðnir
kennarar eru nú 83 talsins og
stundarkennarar 52. Félagið fylg-
ist einnig náið með því sem gerist í
stjórn skólans hverju sinni. Þau 20
ár sem ég hef verið með starfsemi
Iðnskólans hafa orðið miklar
breytingar á starfsemi hans og
kennsluháttum og margar þeirra
verið til bóta. Hingað hefur jafnan
valist mjög gott starfsfólk, — fólk
sem hefur verið reiðubúið að fórna
tima sínum fyrir starfið og ekki
alltaf hugsað um laun í því sam-
bandi.
En nú eru fyrirhugaðar nokkr-
ar breytingar i skólastarfinu —
hvað vilt þú segja um þær.
„Kennarar og nemendur skólans
hafa jafnan vænst mikils af þeim
sem stjórna skólanum hverju
sinni. I stjórn skólans hafa nýverið
orðið mannaskipti. Nú stendur yfir
umræða um breytingar á starfs-
háttum skólans. Ég er þeirrar
skoðunar, eins og fjölmargir vel-
unnarar Iðnskólans — ekki sízt
meðal iðnaðarmanna — að nauð-
synlegt sé að hinn fagbóklegi og
verklegi þáttur iðnnámsins verði
hér eftir sem hingað til í hávegum
hafður, því þannig verða nemend-
ur skólans þezt búnir undir starf
sitt. Iðnskólinn í Reykjavík hefur
jafnan haft forystuhlutverki að
gegna í iðnmennt hér á landi og ég
vona að svo verði einnig framveg-
is,“ sagði Aðalsteinn að íokum.
„Ég held að þeir sem þessi
námskeið sækja hafi verulegt gagn
af þeim“, sagði Konráð Ingi Torfa-
son varaformaður Meistarafélags
húsasmiða. „Iðnskólinn og einkum
kennararnir leggja sig mjög fram
um að þessi námskeið fari sem
bezt úr hendi og þeim hefur tekist
mjög vel. Meistarar í húsasmíði
hafa sinnt þessum námskeiðum
allt of lítið en vonandi stendur það
til bóta. Það er mikil þörf á
framhaldsmenntun í húsasmíði
m.a. vegna þess að sífellt eru að
bætast við ný efni og ný tæki sem
breyta iðngreininni. Þetta er mjög
jákvæð starfsemi og þyrfti að auka
hana.“
„Þessi námskeið hafa átt mikl-
um vinsældum að fagna meðal
trésmiða og það er hafið yfir allan
efa að þau eru nauðsynleg," sagði
Grétar Þorsteinsson formaður
Trésmiðafélags Reykjavíkur. „Það
sést bezt á því að um 10 prósent
félagsmanna Trésmiðafélagsins
hafa sótt þessi námskeið, sem er
hátt hlutfall sé það haft í huga
hversu fá hafa verið haldin.“
Græddur er
geymduri >eyrir
Með verðtryggingu sparifjár
hefur þetta gamla orðtak fengið
fullt gildi á ný.
Nú býður Landsbankinn þér að
ávaxta sparifé á 6 mánaða reikn-
ingum, verðtryggðum og með 1 %
ársvöxtum að auki.
Þannig tryggir æskan sér framtíð
og aldraðir öryggi.
LANDSBANKINN
Banki allm landsmanna
Sparifé, sem verðbólgan vinnur
ekki á.
Leggið inn í Landsbankann og
tryggið spariféð gegn verðbólg-
unni.